Juan 18:20 - Nuevo Testamento Toba Sur

²⁰ Nachi so Jesús 'enapeco': –Aÿim ÿataqta ñachaxaata naxa 'enauac nam shiÿaxauapi da setaqtac, qataq sa i'atai' da huaigui ana laponaxaquipi na judiopi da sapaxaguenataxaatac qataq añim n'onaxanaxaqui late'edai mayi huaña naxa da lapona't 'enauac na judiopi. Qaq aÿim sa ishit da huo'o ca i'aqtac soxottañi.

Nuevo Testamento Toba Sombrero Negro

²⁰ Jesús 'yateguet joñe'me: —Jayem joote jojapegue'to ena'uac joga'me aleua laje'pi ja joĝochiñe da'me 'yaqatac, qama'le nach'e eta't da'me japaĝaguenataĝanouelo jogaa'me ademaĝaiqui' nataq'aen ga'me tamenaĝaiqui let'adaic, di'me jo'ne ua'ña nale yema'a't ena'uaque joga'me judiopi. Chane'eja qaya'te 'yaqatac ta'le joĝochiñe.

La'aqtaqa Ñim Lo'onatac 'Enauacna 2013

²⁰ Nache So Jesús 'enapeco': –Aỹem ỹataqta ñachaxaata naxa 'enauac nam shiỹaxauapi da setaqtac, qataq saq ỹet da huaigui ana napaxaguenaxaquipi na judiopi da sapaxaguenataxaatac qataq añim no'onaxanaxaqui late'erai maye huaña naxa da lapona't 'enauac na judiopi. Qaq Aỹem saishet da huo'o ca ỹa'aqtac soxottañi.

Juan 18:20 Iomraidhean Croise

Mateo 24:26

Qaq ÿoqo'oyi da huo'o ca qami' 'enapegalo da 'eeta': “Ña qauloÿa ñi qadta'a qadca'alaxaqui, ñimayi netalec yi tojlec 'alhua,” qalaq sa ishit qome da qanqo'oñiuga. Huo'otaq da 'eeta': “'Iñi ñimayi, netaigui ñi noÿic,” qalaq sa ishit qome da qau'amaqchiñi.

Mateo 26:55

Nachi so Jesús 'enapego' so shiÿaxauapi, 'eeta': –¿Tá'ainco' qami' yi qauauoita'alo naua qainaqalli' qataq naua qanpo'ñilli', da aÿim qañi'iguiñiÿauga, 'eeta'amo' da aÿim cachaxaic? Qamaq 'enauaque naua na'axa'te ñiso'ootanguilo qami', sapaxaguenataxaatac da sootaigui añi n'onaxanaxaqui late'edai, qalaq ¿tá'ainco' yi aÿim sa qauacoñiu'a da aÿim qaucoñiyi?

Mateo 26:65

Nachi som lta'a na lataxala'pi na ntaxaÿaxanaxanecpi, somayi icolaxata'aguelo naua alogo. Damayi naigui dam 'eeta lta'adaic. Nachi 'enapeco': –De'eda shiÿaxaua, damayi naua l'aqtaqa ÿataqta npa'agueneto ñi Dios. ¿Negue'tom ca lÿa shiÿaxaua seuenaq da da'aqtaxan? Cha'ayi qami' qau'aqaichigui da l'aqtac da ÿataqta npa'aguene' ñi Dios.

Mateo 4:23

Nachi so Jesús coleetapeguelec 'enauac yi Galilea da dapaxaguenataxaatapoigui ana laponaxaquipi na judiopi yi'iyi 'alhua, i'axattac da no'on qad'axaÿaxac mayi i'axat da ñi Dios ilo'ogue 'enauacna, qataq natadeetac 'enauac na ÿotta'a't lalolaxaguesat na shiÿaxauapi.

Mateo 9:35

So Jesús coleetapigui 'enauac nam pueblopi qataq nam nañalo nam saq 'amaqtaq shiÿaxauapi da dapaxaguenataxaatapoigui ana laponaxaqui na judiopi, i'axattac dam no'on qad'axaÿaxac mayi naigui da ilo'ogue 'enauacna ñim Dios, qataq natadeetac 'enauac nam ÿotta'a't lalolaxa qataq da nqui'ic na shiÿaxauapi.

Marcos 8:32

Qaq ÿataqta i'axatta de'eda taÿa'a. Qaq ÿoqo'oyi so Pedro nachi iÿotauga somayi, nachi nlaxa.

Lucas 21:37

Nachi so Jesús dapaxaguenataxaatac yi na'a'q hueta'a aso n'onaxanaxaqui late'edai, qaq yi pe qataq l'ochaqa' aso saqaÿoqotchiguemec 'alhua mayi nanqa' ana olivos.

Lucas 4:15

Nachi dapaxaguenataxaatapoigui 'enauac anam laponaxaquipi na judiopi. Nachi 'enauac na shiÿaxauapi ÿataqta ÿi'oxodeetac somayi.

Juan 18:21

Qaq ¿tá'ainco' da aÿim 'aunattac? No'ónctaxa da 'aunat nam shiÿaxauapi mayi aÿim n'axaÿaxaatega, yaqto' namayipi ishit da i'axat cam i'aqtaxanaxac mayi sami' namayipi. Cha'ayi namayipi ÿaÿateeta dam i'aqtaxanaxac.

Juan 6:59

Qaq de'eda dapaxaguenataxaatapeguec so Jesús, damayi huaigui aso laponaxaqui na judiopi mayi naña yi Capernaum.

Juan 7:14

Qalaxayi co'ollaq mashi laiñi so naponaxac, nachi so Jesús taigui aso n'onaxanaxaqui, nachi quetot da dapaxaguenataxaatac.

Juan 7:26

Cha'ayi damayi ÿataqta nachaxaata da detaqtac, qalaq qaica ca ishit da 'enapega damayi. ¿Ÿoqta peta'a da nataq'en na nta'alpi da i'amaqten damayi, da nachida dam nta'a nca'alaxaqui?

Juan 7:28

Qaq co'ollaq hua'aqchigui de'eda so Jesús mayi dapaxaguenataxaatapoigui aso n'onaxanaxaqui, nachi ÿataqta n'axannec da l'aqtac, 'eeta': –¡Qachi aÿim qauauattoñiÿo', qataq qauaÿajñi cam sachigoqta'ague! Qalaxayi aÿim sa ishit da maichi ñalligoxottela't da ñanac, cha'ayi aÿim lamaxashic ñim ÿataqta 'eesa, ñim qami' sa ishit da qauauattoñi.

Juan 7:4

Cha'ayi ca shiÿaxaua da nshitaique da qaÿauatton, nachi sa ishit da nqañoxottañi da huo'o ca i'ot. Cha'ayi 'am mashi sogote da 'au'ottac de'eda 'ad'onataxanaxac, qaq no'on da 'am 'anachaxana 'enauac na shiÿaxauapi.

Juan 8:2

Qaq so ña nte'etom so lÿa na'a'q, nachi somayi qaltaq ÿi'iguelaxau'a aso n'onaxanaxaqui. Nachi 'enauac na shiÿaxauapi nquigueu'a somayi, nachi somayi nso'ooñi, nachi quetot da dapaxaguenataxaatac.

Juan 8:26

Aÿim ÿataqta ña qalota na i'aqtacpi da qami' shinapegalo qataq da ñimit na qadasouaxashichi. Qalaxayi ñim aÿim namaq, ñimayi ÿataqta 'eesa dam l'aqtac, qaq 'enauac nam sa'axatem nam huetalec ana 'alhua, nachina na sa'aqchigui l'aqtacpi ñimayi.

Hechos 26:26

Qaq 'iñi ñi nta'a Agripa qomi' ÿalectaiguilo, ñimayi ÿataqta ÿaÿateeta de'eda. Qaq ÿoqo'oyi aÿim sa ishit da ñiteltapiguiñi da aÿim hua'aqtega ñimayi da sa'aqtaxaatac, cha'ayi saÿaten da ñimayi nataq'en ÿaÿateeta 'enauac de'eda. Cha'ayi damayi sa ishit da huo'otaq ÿapogoñi ca lataxac; damayi ÿataqta ÿaateec.