Juan 17:6 - Nuevo Testamento Toba Sur

⁶ Qaq nam 'adca'aguishicpi mayi 'auachigoxottoigui co'ollaxa nam huetalec ana 'alhua da yaqto' aÿim 'ai'anem, namayipi sogote da sa'axattem da qoneta. Namayipi 'adalamaxatpi, qalaxayi aÿim 'ai'anem, qaq namayipi ÿataqta ÿalaxaguet da 'ad'aqtac.

Nuevo Testamento Toba Sombrero Negro

⁶ “Jogaa'me adiquiyaqa jo'ne aleua laje', joote jen am yayate'n. Nach'egaua mach'e adalemaĝaje'te, nataq'aen da'me naqa'am jo'ne jayem auanema, qama'le joote yoqocha'alo naa'me at'aqataqa.

La'aqtaqa Ñim Lo'onatac 'Enauacna 2013

⁶ Qaq naua 'arca'agui'she maye 'auachegoxottoigui co'ollaxa nam huetalec ana 'alhua da yaqto' Aỹem 'aỹa'anem, naamaye sogote da sa'axattema da qoneta. Naamaye 'aralamqa'ate, qalaxaye Aỹem 'aỹa'anema, qaq naamaye ỹataqta ỹalaxareguet da 'ara'aqtac.

Juan 17:6 Iomraidhean Croise

Juan 1:18

Ñi Dios qaica ca ishit da ilogui, qalaxayi so 'oonolec llalec mayi ÿataqta neto'ot ñimayi, somayi nachiso so qomi' ÿauattonaxanaxanque ñi qadta'a.

Juan 12:28

Qaq 'am ita'a, ña 'au'ot qome ca lli'oxoyic da maichi 'ad'enaxat. Huaña, nachi qai'axaÿa so nvilÿaxac, chimqot na piguem, 'eeta': –Mashi sogote da ÿi'oxodaq ñaq'en damayi, qalaxayi nagui qaltaq shi'iguelaxalec da ÿi'oxodaq ñaq'en.

Juan 15:19

Qami' da huo'otaq qami' lashi' ana 'alhua, nachi nam shiÿaxauapi mayi huetalec ana 'alhua, namayipi ishit da qami' ÿauoteque, 'eeta'am da 'eetec da ÿauotec nam lalamaxatpi. Qalaxayi aÿim qami' llica'agui'shi, qami' sachigoxottoiguilo nam huetalec ana 'alhua. Qaq ÿoqo'oyi namayipi ÿataqta qami' nquiÿalo, cha'ayi qami' sa ishit da qami' lashi' ana 'alhua.

Juan 15:3

Qaq qami' sogote da qami' qui'itte' souaxat naua ÿapaxaguenataxanaxaco mayi qami' sanema.

Juan 15:7

Qaq qami' da nachi 'eetai' da aÿim qan'ayiitau'a, qataq sa ishit da qaucouai'ai na ÿapaxaguenataxanaxacpi, qaq da huo'o ca qauÿaxañiÿaique, nachi qami' qoÿanema.

Juan 17:12

Co'ollaq soota'aguet namayipi ana 'alhua, qalaq aÿim so'ogoxona da 'ad'añaxac da ñitela'a qataq da ñipaxattalec nam aÿim 'ai'anempi. Qaq sa ishit da huo'o ca daqat namayipi, chaqsota som nal'ena da taÿa'a da daqat, yaqto' ÿataqta ipacchigui dam 'enapec naua nanettrañi n'aqtaqa.

Juan 17:14

Qaq aÿim sanem namayipi da 'ad'aqtac, qalaxayi nam huetalec ana 'alhua ÿataqta nquiÿa namayipi, cha'ayi namayipi sa ishit da lma' ana 'alhua, 'eeta'am da 'eetec da aÿim sa ishit da ima' ana 'alhua.

Juan 17:16

Qaq de'eda 'eetec da aÿim sa ishit da ima' ana 'alhua, qaq nachida da 'eetec namayipi da sa ishit da lma' ana 'alhua.

Juan 17:2

Cha'ayi 'am 'ai'anem co'ollaxa da l'añaxac na 'ai'alec, da yaqto' ilo'ogue 'enauac na shiÿaxauapi, qataq da yaqto' ÿanem da lca'alaxa mayi chochaq tateec 'enauac nam 'ai'anempi namayi.

Juan 17:24

'Am ita'a, namayipi aÿim 'ai'anem co'ollaxa, qaq ÿoqo'oyi ñishitaique da namayipi aÿim hueta'aguet qome cam soota'a, yaqto' ÿauaachigui cam ÿi'oxoyic mayi aÿim 'ai'ami'. Cha'ayi 'am nal'ena co'ollaxa da ÿataqta aÿim 'auauotec co'ollaq saxanaqaca ana 'alhua.

Juan 17:26

Aÿim mashi saÿajnaxanaxanec namayipi da qoneta, qalaxayi ñaqaiyita aÿim ñaq shicto'ot da 'am sa'axattac, yaqto' dam 'adauotaxanaqtaic da shiita nachi 'eetai' da huetaigui namayipi, qataq yaqto' aÿim nachi 'eetai' da soota'aguet namayipi.

Juan 17:7

Qataq namayipi ÿaÿateeta da 'enauac nam aÿim 'ai'anem 'am chigoqtot,

Juan 18:9

Qaq de'eda 'enapec, damayi ipacchigui dam maichi l'aqtac so Jesús co'ollaq 'eeta': “Nam aÿim ÿanempi ñi ita'a, namayipi qaica ca daqat.”

Juan 6:37

Qaq 'enauac nam aÿim ÿami' ñi ita'a, namayi aÿim nau'a; qaq nam aÿim nau'a, qalaq sa ishit da semaqa'aguet.

Juan 6:39

Qaq dam 'eetapeguec ñi ita'a mayi aÿim namaq nshitaique da aÿim qaica ca saqataqchit nam aÿim ÿanem ñimayi, chaqdata da qaltaq ñica'alaxateec qom iviteuga ca pa'ateec na'a'q.

Juan 8:51

Qaq ÿataqta 'eesa de'eda qami' sa'axatema, da ca ÿalaxaguet dam shinapec, nachi camayi sa nauane' da ileu.

Juan 8:52

Nachi na judiopi 'enapego' somayi, 'eeta': –Qomi' nagui saÿajnaqta da 'am huo'o ñi 'ad'ec leguemaxaic. Cha'ayi so Abraham qataq 'enauac so l'aqtaxanaxanecpi ñi Dios, somayipi co'ollaxa ileu, qalaq 'am qonapec: “Da ca ÿalaxaguet cam shinapec, nachi camayi sa ishit da nauane' da ileu.”

Hechos 13:48

Nachi co'ollaq hua'axaÿa de'eda nam sa ishit da judiopi, nachi ÿataqta huo'o da ntonaxac. Nachi namayipi 'enac yi ÿataqta 'onaxaic da l'aqtac ñi qadataxala'. Huaña, nachi da'amqajnataxan nam nal'ena co'ollaxa da qaÿaqataxaatai' da yaqto' taÿot da nca'alaxa mayi chochaq tateec.

Romanos 11:2

Cha'ayi nal'ena co'ollaxa ñi Dios da lca'aguishic na Israel l'ecpi da ÿauo'o lalamaxatpi. Qaq ÿoqo'oyi nagui sa ishit da imaqhuec. Qaq ÿoqta da qami' mashi qauaÿajñi dam 'enapec naua ñiyigui'shi l'aqtaqa ñi Dios co'ollaq i'axat so l'aqtaxanaxanec Elías co'ollaq somayi nqouagaxaueetacot ñimayi, nachi ÿauo'o da ÿasaxalec na Israel l'ecpi, 'eeta':

2 Corintios 4:6

Cha'ayi ñim Dios mayi maichi namaq asom lcoÿadaxanaqte, da yaqto' icoÿadelec nam napalaxa, qaq nachiñi ñimayi icoÿadoiguilo naua qadquiyaqte, chigoqchigui naq'en asa'aso lcoÿadaxanaqte, da yaqto' ishit da sauattonaq da lli'oxoyic ñimayi mayi 'edoigui naq'en da lashiguiaxac so Jesucristo.

Colosenses 3:16

Qataq da lapaxaguenataxanaxac so Cristo ÿataqta nlaqchiguilo qome naq'en naua qadquiyaqchilli'. Qataq ÿataqta qanaÿajnaxanaqchiñi da qauapaxaguiñi qataq da qau'añaqchichi ca qadÿai. Qataq da qau'onaxañi, qalaq qau'oñi na ÿotta'a't n'onecpi mayi chigoqo'ot so Espíritu Santo. Qataq ÿataqta imauec da qadquiyaqteÿaxaqui da qai'añiitacot da qan'achiquiaxaqui ñi Dios.

2 Timoteo 1:13

Qoquetelco' da lliquiaxac da 'am sami' napaxaguenataxanaxac mayi no'on. Qouetaiguio' da npi'iÿaxac qataq da nsoxoyic mayi qomi' qoÿanema, cha'ayi mashi ñi'adaqtau'a so Cristo Jesús.

Hebreos 2:12

Qaq nachi 'enapec naua ñiyigui'shi l'aqtaqa ñi Dios, 'eeta': Sa'axatem qome na ÿaqaÿañicpi da qoneta, qataq so'on ca n'onec da 'am shi'oxoden da sootangui ca lapoota'a't 'amqajnataxanaxaicpi.

Hebreos 3:6

Qalaxayi so Cristo, somayi llalec ñi Dios qataq ÿataqta npe'et da ilo'ogue se'eso lma' ñi Dios, mayi nachiqomi', da ÿataqta qomi' qadamchiyiñi qataq da qadpi'iÿaxac chochi ivitta'a ca qadaloqo', nda'a't da ÿataqta samaqchiguiñi souaxat da qanaquitaxac.

1 Pedro 1:1

Aÿim Pedro, aÿim lamaxashic so Jesucristo, shiyiñi ana ÿide da samaxa 'enauac nam nlagaxattacpi mayi sa ishit da nqajleguete naua lañoqo'te, nam neta'alo yiua 'ale'u Ponto, Galacia, Capadocia, Asia, qataq yi Bitinia.

1 Juan 5:20

Nataq'en qomi' saÿajnaq da so llalec ñi Dios, somayi anac da qomi' ÿanema da qadauattonaxanaxac, da yaqto' sauattonaqta ñim ÿoqta 'eesa Dios. Qaq ñi'adaqtau'a som llalec Jesucristo som ÿataqta 'eesa. Qaq 'eso som qadta'a Dios, qataq nachiso som chigoqo'ot da nca'alaxa mayi chochaq tateec.

Apocalipsis 2:13

Aÿim ÿataqta saÿateeta 'enauac nam 'au'ottacpi, qataq saÿaten da qonetangui nam ilotague' so Satanás. Qalaxayi ñaqaiyita 'am ÿataqta aÿim qoquetelec, qaq ÿataqta sa ishit da 'axaañi da aÿim 'au'amaqteetac, nai'ctaxa da co'ollaq qaÿalauat so i'aqtaxanaxanec Antipas, som 'oonolec da qoñiita, mayi huaña yim hueta'a so Satanás.

Apocalipsis 3:10

Cha'ayi 'am ÿataqta 'au'ot da i'aqtac da ÿataqta 'anhualaxauen. Qaq ÿoqo'oyi aÿim 'am ñipaxatalec qom ivita ca laloqo' ca ñi'iguenataxanaxac mayi naguelec 'enauacna, da qaÿi'iguen 'enauac na netalec ana 'alhua.

Apocalipsis 3:8

Aÿim saÿaten 'enauac nam 'au'ottacpi. Qaq aÿim 'am sanem ñi 'ico' lasom ÿauattaigui mayi sa ishit da huo'o ca ÿapogui. Cha'ayi nai'ctaxa da saqalligueme da 'ad'añaxac, qalaxayi ÿataqta 'aualaxalec da i'aqtac, qataq sa ishit da aÿim 'ancoqtapeguelec.