Juan 17:3 - Nuevo Testamento Toba Sur

³ Qaq de'eda achaalataxac mayi chochaq tateec, damayi nachida da naigui da 'am qaÿauatton, 'am Dios mayi nachi'amta qataq 'am 'eesa, qataq na 'ai'alec Jesucristo mayi 'anamaq co'ollaxa.

Nuevo Testamento Toba Sombrero Negro

³ Qama'le nach'eda da'me 'noyaĝac jo'ne ja 'naidena'a chiyaqayi da'me am qoyateton, da'me am onolec Dios jo'ne yataqatelegue, nataq'aen da'me jayem qoyateton, da'me jayem Jesucristo jo'ne jayem anamaĝaquena.

La'aqtaqa Ñim Lo'onatac 'Enauacna 2013

³ Qaq de'era achaalataxac maye chochaq tatec, damaye nachera da naigui da 'am qaỹauatton, 'am maye 'Aro'onatac 'Enauacna, maye nache'amta qataq 'am 'eesa, qataq nam 'Arca'aguishec maye 'anamaxa ana 'alhua co'ollaxa.

Juan 17:3 Iomraidhean Croise

Marcos 9:37

–Ca shiÿaxaua da aÿim quetague' da huo'otaq ÿacongueta ca 'oonolec ne'ena nogotolec, qaq nachaÿim mayi aÿim ÿaconguet. Qaq sa ishit da nachaqaÿimta da aÿim ÿaconguet, cha'ayi camayi nataq'en ÿaconguet ñim aÿim namaq.

Lucas 9:48

Nachi 'enapeco': –Ca ÿaconguet ne'ena nogotolec souaxat da aÿim i'amaqteetac, qaq nachaÿim mayi aÿim ÿaconguet. Qaq ca aÿim ÿaconguet, qaq nataq'en ÿaconguet ñim aÿim namaq. Cha'ayi ca ÿapacteec qaica ca l'amaqchic 'enauac da qoñiita, qaq nachica ca ÿacteec da l'amaqchic.

Juan 10:36

Qaq da huo'otaq ñim Dios aÿim iÿotauga co'ollaxa, nachi aÿim namaxa ana 'alhua, qaq ¿tá'ainco' qami' yi qoñiitega da npa'agueneto naua i'aqtaqa ñimayi, souaxat da shiitega da aÿim llalec ñimayi?

Juan 11:42

Qaq aÿim saÿaten da 'am nachi 'eetai' naxa da aÿim 'au'aqtega. Qalaxayi aÿim shinapec de'eda souaxat nam shiÿaxauapi mayi hueta'a ne'ena, yaqto' namayipi ishit da i'amaqten da 'eesa da aÿim 'adamaxashic.

Juan 14:26

Qalaxayi cam Espíritu Santo, mayi ñi ita'a qami' namaxalo qome, nactaigui naq'en da i'enaxat, da yaqto' qami' itaua'n qataq qami' i'añaqchi't, camayi qome qami' ÿapaxaguenque 'enauac na lataxaguesat, qataq qami' iuennataxanaxanque 'enauac na i'aqtacpi mayi qami' sanoiguilo.

Juan 17:18

Qaq de'eda 'eetec da aÿim 'anamaxa na huetalec ana 'alhua, qaq nachida da shiitec nataq'en da aÿim samaxa namayipi nam huetalec ana 'alhua.

Juan 17:21

Qataq 'am seÿaxanot, 'am ita'a, da yaqto' 'enauac namayipi ÿataqta n'atta't, da ÿataqta 'oonolec ca lataxac da qomi' n'attau'alo, yaqto' ishit da 'eeta'am da 'am aÿim qoueta'aguet, qataq aÿim 'am soota'aguet. Qataq ñishitaique da namayipi ÿataqta n'atta't, yaqto' nam huetalec ana 'alhua ishit da i'amaqten da aÿim 'adamaxashic.

Juan 17:23

Aÿim soota'aguet namayipi, qataq 'am aÿim qoueta'aguet, yaqto' namayipi ishit da ÿataqta 'oonolec ca lataxac, qaq yaqto' nam huetalec ana 'alhua ishit da ila'a da 'am aÿim 'adamaxashic, qataq da ÿataqta 'auauotec namayipi, 'eeta'am da 'eetec da ÿataqta aÿim 'auauotec.

Juan 17:25

'Am ita'a mayi ÿataqta ÿaÿamaqchiyiñi naua 'au'o't, nam huetalecpi ana 'alhua sa ishit da 'am ÿauatton. Qalaxayi aÿim 'am sauatton, qaq ne'enapi mashi sogote da ÿaÿaten da 'am aÿim 'adamaxashic.

Juan 17:8

cha'ayi mashi sanem dam 'ad'aqtac mayi aÿim 'ai'anem. Qaq namayipi ÿaconguet, qataq ÿaÿateeta da ÿoqta 'eesa da 'am sachigoqtot, qataq i'amaqten da aÿim 'adamaxashic.

Juan 3:17

Ñi Dios sa ishit da namaxa na llalec ana 'alhua, da yaqto' ÿauo'o ca nhuaxanaguec na shiÿaxauapi. Chaqdata da anaga da nca'alaxateec namayipi.

Juan 3:34

Cha'ayi cam namaq ñi Dios, camayi i'axa't naua l'aqtaqa ñi Dios, cha'ayi ñimayi ÿataqta imato'ot naq'en so n'Espíritu da ÿami' camayi.

Juan 5:44

Qaq ¿táloxochiyictoxo' da qami' ishit da qau'amqajnataxañi, yi ñi 'oonolec da qoñiita maichi ÿaconguet ca lli'oxonnataxanaxac ca maichi 'en'am lÿa, qaq sa ishit da qanmichiÿaique ca ñi'oxoyic mayi chigoqo'ot ñi 'oonolec Dios?

Juan 6:57

Ñim ita'a mayi aÿim namaq, ñimayi huo'o da lca'alaxa, nachi de'eda ica'alaxa chigoqo'ot ñimayi. Qaq nachi 'eetec nataq'en ca aÿim chic, nachi camayi aÿim ÿachigoxoto'ot da lca'alaxa.

Juan 7:29

Aÿim, qalaxayi sauatton, cha'ayi sachigoqtot ñimayi, qataq ñimayi aÿim namaq.

Juan 8:19

Nachi qainattac somayi, qoÿiita': –¿Huá'ague ca neta'ague ca 'adta'a? Nachi so Jesús 'enapeco': –Qami' sa ishit da aÿim qauauattoñi, qaq nachi 'en'am ñi ita'a sa ishit da qauauattoñi. Cha'ayíctaxa da aÿim qauauattoñi, nachi nataq'en ishit da qauauattoñi ñi ita'a.

1 Corintios 15:34

Qami' qavi'iguelaqaÿa qome da achaalataxac qui'itta qataq sa daÿactac, qataq qai'axañiiuec da qayi'itaxalqoi, cha'ayi huo'o da qoñiita na sa ishit da ÿauatton ñi Dios. Qaq de'eda shinapec, yaqto' huo'o da qad'alqoi.

1 Corintios 8:4

Ÿoqo'oyi ca nallic mayi qanatameelec da qoÿanot ca nqolac, saÿajnaq da na nqolacpi mayi huetalecna ÿataqta qaica ca 'enec, cha'ayi 'oonolec ñi Dios, qaica ca lÿa.

2 Corintios 4:6

Cha'ayi ñim Dios mayi maichi namaq asom lcoÿadaxanaqte, da yaqto' icoÿadelec nam napalaxa, qaq nachiñi ñimayi icoÿadoiguilo naua qadquiyaqte, chigoqchigui naq'en asa'aso lcoÿadaxanaqte, da yaqto' ishit da sauattonaq da lli'oxoyic ñimayi mayi 'edoigui naq'en da lashiguiaxac so Jesucristo.

Filipenses 3:10

Qataq aÿim ñishitaique da ÿataqta sauattoota so Cristo qataq da l'añaxac co'ollaq nca'aleeguesop qanqoÿin da nleuaxa, qataq da ñiuanau'a da nque'ejnaxac, chochi sevitta'a da shiita'am somayi da seleu.

Filipenses 3:8

Qaq saqdata de'eda, cha'ayi 'enauac nam ishíttaxa da ÿalamaxatpi, qalaq 'enauac salatauec, cha'ayi ÿataqta sa ishit da ivi' ñaq'en da 'eetec da sauatton so Cristo Jesús mayi ÿataxala'. Qaq souaxat so Cristo, nachi imauec da daqat na temaq da ÿalamaxatpi, qataq 'eeta'am ñaq'en ca chochi lasogoñi, cha'ayi sauotaique da ñauec so Cristo,

1 Ts 1:9

Cha'ayi namayipi maichi n'aqtaxaatapigui da 'eetec so hua'auchiguiñi qoyiquiaxac co'ollaq qami' souaqta'agueta. Nataq'en n'aqtaxaatapigui da qadsoxosoxonaxaqui co'ollaq qomi' qauacoñiigueta, qataq da 'eetec co'ollaq qoquiÿa'ai nam nqolacpi da qoquiigue da qau'onataxañiÿot ñim Dios mayi nca'altauec qataq sa ishit da chochi n'enaqtaguetto.

2 Ts 1:8

Anaga da ÿauo'o da nhuaxanaguec na sa ÿoqocha'a ñi Dios qataq sa ÿalaxalec da no'on qad'axaÿaxac mayi n'aqtaguec so qadataxala' Jesucristo.

Hebreos 3:1

Qaq ÿoqo'oyi qami' ÿaqaÿa't mayi qami' lca'agui'shi ñi Dios qataq qami' iÿaxanalo da qami' lalamqa'te, qami' ÿataqta qauloichigui qome so Cristo Jesús, som qomi' qanamaxalo qataq qadataxala' da detaxaÿapegue' ñi Dios mayi sa'amaqtenaqtac.

2 Pedro 1:2

Ñishitaique da qauacoñiiguet dam chochaq huañi nchoxonnataxanaxa qataq da nlagaxayic mayi chigoqchigui da qadauattonaxanaxaqui ñi Dios qataq so qadataxala' Jesús.

2 Pedro 1:3

Ñi Dios maichi ÿachigoxotchigui da l'añaxac da qomi' ÿanema 'enauac nam iueetac da qanachaalataxac qataq da no'on qadataxac da qolaxague ñimayi co'ollaq qomi' ÿauattonaxanaxanque so Cristo mayi qomi' iÿaxanalo, ÿachigoxotchigui da l'amaqchic qataq dam l'onataxanaxac mayi qaica ca 'en'am da lli'oxoyic.

2 Pedro 1:8

Cha'ayi da qami' hueto'oto 'enauac ne'enapi, qataq da qanquigaxachiitashiguem, nachi da qanachaalataxaqui sa ishit da saqca ca naigui qataq sa ishit da chochi nalatta da qadauattonaxanaxaqui so qadataxala' Jesucristo.

1 Juan 1:2

Qaq se'eso chigaqaigui da nca'alaxa co'ollaq nachaxan, nachi qomi' sauanaqchigui, qataq sa'axataqtac somayi. Qataq qami' sa'axataxama se'eso chigaqaigui da nca'alaxa mayi chochaq tateec, som hueta'aguet co'ollaxa ñi qadta'a Dios, qataq qomi' nachaxanalo.

1 Juan 1:3

Qaq qami' sa'axataxama dam sauanaqchigui qataq sa'axasoqchigui, yaqto' qami' ishit da qomi' qan'ayiitau'alo, 'eeta'am da 'eetec da qomi' ñi'idaqtau'a ñi qadta'a Dios qataq so llalec Jesucristo.

1 Juan 2:23

Qaq 'enauac nam ÿoqolguet som llalec ñi Dios, namayipi sa ishit da hueta'aguet ñi qadta'a. Qalaxayi nam sa ishit da ÿoqolguet so llalec ñi Dios, namayipi nataq'en hueta'aguet ñi qadta'a.

1 Juan 4:6

Qomi', qalaxayi qomi' lalamqa'te ñi Dios. Qaq nam ÿauatton ñi Dios nachi ÿataqta qomi' n'axaÿaxanalo. Qaq nam sa ishit da lalamaxatpi ñi Dios, qalaq sa ishit da qomi' n'axaÿaxanalo. Qaq ÿoqo'oyi qomi' ishit da sauattonaq cam hueto'oto naua nhuennataxaco mayi ÿataqta 'eesoda qataq cam hueto'oto naua nhuennataxaco mayi desomaxanaqtaxa'n.

1 Juan 5:20

Nataq'en qomi' saÿajnaq da so llalec ñi Dios, somayi anac da qomi' ÿanema da qadauattonaxanaxac, da yaqto' sauattonaqta ñim ÿoqta 'eesa Dios. Qaq ñi'adaqtau'a som llalec Jesucristo som ÿataqta 'eesa. Qaq 'eso som qadta'a Dios, qataq nachiso som chigoqo'ot da nca'alaxa mayi chochaq tateec.