Juan 16:33 - Nuevo Testamento Toba Sur

³³ Qaq aÿim qami' sa'axatema 'enauac de'eda, yaqto' huo'o da qadlagaxayiqui da aÿim qan'ayiitau'a. Qami' ana 'alhua mayi qoviitalec huo'o qome da qanque'ejnaxaqui. Qalaxayi qan'añaxachi qome, cha'ayi aÿim mashi sogote da ÿoxonec nam 'onataxac mayi huetalec ana 'alhua.

Nuevo Testamento Toba Sombrero Negro

³³ Joote ami ja'aĝatema yema daa'me daajo' qaedi ami uetauelo da'me 'nemaĝac da'me adaloi'ta't queda'me jayem ovi'tajop. Ga'me aleua laje'pi ami yachalo'te qomle da'me adachoĝodequi, qalaĝaja 'noota qom a'nañaĝachi qa'a da'me jayem joote ñomat ñe'me jo'ne nejaliaĝatelo'te ga'me aleua laje'pi.

La'aqtaqa Ñim Lo'onatac 'Enauacna 2013

³³ Qaq Aỹem qami' sa'axatema 'enauac de'era, yaqto' huo'o da qarlagaxayiqui da Aỹem qana'ayeetaua'a. Qami' ana 'alhua maye qoviitalec huo'o da qanque'eenaxaqui. Qalaxaye qana'añaxache qome, cha'aye Aỹem mashe sogote da ỹoxonec nam 'onataxacpi maye huetalec ana 'alhua.

Juan 16:33 Iomraidhean Croise

Mateo 9:2

Qaq huaña yimayi, co'ollaq qaidou'a so shiÿaxaua mayi sa da'añiigue, qaÿachitalec so lmala'. Qaq so Jesús co'ollaq ila'a da lpi'iÿaxa'c soomayi, nachi 'enapega som sa no'on, 'eeta': –Ÿataqta 'an'añaxat qome, 'am ÿalec. Na 'adasouaxashitpi mashi 'enauac da qaÿapalaxat.

Lucas 19:38

Nachi qoÿiita': –¡Ÿataqta no'on da lliquiaxac na qadta'a mayi nactaigui da l'enaxat ñi qadataxala'! ¡Huo'o qome da nlagaxayic na piguem, qataq da lli'oxoyic ñi Dios!

Lucas 2:14

¡Ÿataqta lta'adaic da ñi'oxonnataxanaxac ñi Dios mayi neto'ot na piguem, nataq'en na 'alhua huo'o da l-lagaxa na shiÿaxauapi mayi ÿaÿamaxadeeta ñimayi!

Juan 12:31

Nagui mashi ivita yi laloqo' da na huetalec ana 'alhua qaÿauo'o ca lasouaxashit, qataq da qaÿamaqhuec som damaxasoxonapec ana 'alhua.

Juan 14:1

Sa ishit qome da huo'o ca tatapigui qadvilli. Chaqdata da qaupi'iÿa'ai ñi Dios, nataq'en aÿim.

Juan 14:27

Nagui qami' shica'aisalo, qalaq nda'a't da nlagaxayic. Qaq de'eda ilagaxayic qami' sanema, qalaxayi sa ishit da qami' sanema da huo'otaq shiita'am da 'eetec nam huetalec ana 'alhua da huo'otaq ÿan da l-lagaxayic. Qaq sa ishit qome da huo'o ca tatapigui yi qadvilli, qataq sa ishit da qayi'iitac.

Juan 16:11

qataq namayipi qome ÿaÿaten da ñi Dios ÿauo'o ca nhuaxanaguec, cha'ayi mashi sogote da qaÿauo'o da nhuaxanaguec som damaxasoxonapec ana 'alhua.

Hechos 14:22

Nachi soomayi ÿataqta huaqattrega na 'amqajnataxanaxaicpi mayi netalguete ne'enaua 'ale'u, da yaqto' ÿataqta n'añaxattec da lpi'iÿaxac, qataq i'axattrac da qainoxoneu'a da l'onataxanaxac ñi Dios qom ilo'ogue 'enauacna, nachi ÿataqta qalota da que'ejnaxac.

Hechos 23:11

Qaq se'eso pe nachi so qadataxala' nachaxana so Pablo, nachi 'eetega, 'eeta': –Pablo, 'an'añaxat qome, cha'ayi de'eda qonetec co'ollaq aÿim 'au'axattac can huaña na Jerusalén, nataq'en nachida qome da qonetec da aÿim 'au'axat qom huaña yi Roma.

Hechos 27:22

Qalaxayi nagui qami' shinapegalo da qan'añaxachi qome, cha'ayi sa ishit da huo'o ca 'oonolec da qoñiita da ileu, nai'ctoxo' da huo'otaq daqat ana qannotaxaqui.

Hechos 27:25

Qaq ÿoqo'oyi qami' ÿallippi, qan'añaxachi qome, cha'ayi aÿim ÿataqta huo'o da ipi'iÿaxac ñi Dios, qataq ÿataqta 'eesa ñaq'en da ipacchigui dam 'enapec so namaxashic piguem l'ec.

Hechos 9:31

Nachi 'enauac nam 'amqajnataxanaxaicpi mayi netaña yi 'alhua Judea, qataq yi Galilea, qataq yi Samaria, namayipi ÿataqta lactapiguiñi qataq nquictauec da l'añaxac, qataq ÿataqta huo'o da lcolanaxa so qadataxala'. Qaq so Espíritu Santo ÿataqta i'añaqchittac namayipi da nquictauec naq'en yi lcata na da'amqajnataxan.

2 Corintios 1:3

Shi'oxodenaq ñi Dios mayi lta'a so qadataxala' Jesucristo, cha'ayi nachiñi ñi qadta'a mayi qomi' lchoxonnataqa, qataq nachiñi ñi Dios mayi sa i'atai' da qomi' i'añaqchi't.

2 Corintios 13:11

Qaq nagui qami' ÿaqaÿa't, ÿataqta no'on qome ca qoyiquiaxaqui. Ÿataqta qanpogoxoiñiÿapegue' qome da nalochiguiñi da qanachaalataxaqui, qataq ÿataqta qauamaichiguiñi, qataq 'oonolec ca qadhuennataxaqui, qataq qaulaquiitapiguiñi. Qaq yaqto' qami' hueta'agueta ñi Dios mayi chigoqo'ot da nlagaxayic qataq da nsoxoyic.

2 Corintios 2:14

Qaq ÿoqo'oyi qomi' sanqot da qan'achic ñi Dios ñim chigoqchigui naq'en so Cristo Jesús da qomi' 'añaxaiqa, qataq chigoqchiguilo naq'en qomi' da qaÿaÿaten da n'aqtaguec somayi. Qaq damayi 'en'am da no'on alaitaÿaxac mayi huaÿoxoneec 'enauaque naua 'ale'u.

2 Corintios 4:7

Qalaxayi de'eda mayi qalota da lashiichiÿaxac, damayi sachoqtaigui da qad'oquiaxac mayi 'eeta'am aca 'alhuole, yaqto' ishit da qaila'a de'eda lta'adaic n'añaxac da chigoqo'ot ñi Dios, qaq sa ishit da nachiqomi' chigoqchiguilo.

2 Corintios 6:4

Chaqdata da sauoqtaique da 'enauac nam so'otaqpi ichoxot da qomi' l-lataqa ñi Dios, souaxat da qanhualaxaunaxac da ñi'añaxataxaguet 'enauac na qanque'ejnaxaguesat, qadhuenaxanaxa qataq nam qanqanaqtagueguesat.

2 Corintios 7:4

Qaq ÿataqta qalota da ñaquitaxac qataq ñitonaxac souaxat da qoñiita. Qaq nai'ctaxa da souaqtangui 'enauac na qanque'ejnaxaguesat, qalaq aÿim ñanomteguet da i'añaxac qataq aÿim nlaqchigui da ñitonaxac.

Gálatas 1:4

som nañanguet co'olloxochiyi da nalaataguec, souaxat nam qadasouaxashitpi, da yaqto' qomi' nca'alaxateeguesopa nam qauemsat mayi huetalec ana 'alhua. Qaq ipacchigui da maichi lhuennataxa ñim qadta'a Dios.

Gálatas 6:14

Qaq aÿim, qalaxayi sa ishit da huo'o ca ñi'amqajnaxac; chaqdata da l-leuaxa so qadataxala' Jesucristo co'ollaq qaiuaxanguet so npe'enaxaqui. Cha'ayi nachi chigoqchigui de'eda l-leuaxa so Cristo co'ollaq qaiuaxaneuo da huo'o mshi 'enauac na huetalec ana 'alhua 'eeta'am ñaq'en da leuaxaic, qataq aÿim 'eeta'am naq'en da aÿim leuaxaic.

Filipenses 4:7

Qaq yaqto' ñi Dios qami' ÿanema da l-lagaxayic mayi ÿataqta napacalec 'enauac nam laÿajneguesat ca shiÿaxaua. Qataq de'eda nlagaxayic, damayi ntela'a da qadquiyaqteÿaxaqui qataq da qadhuennataxaqui da qan'ayiitau'a so Cristo Jesús.

Colosenses 1:20

Qataq nshitaique nataq'en da ÿachigoxotchigui so Cristo da nmane' ñimayi 'enauac nam huetalec ana 'alhua qataq nam hueto'ot na piguem. Qaq i'ot de'eda nlagaxayic, ÿachigoxotchigui naq'en da l-leuaxa so Cristo co'ollaq qaiuaxanguet so npe'enaxaqui.

1 Ts 3:4

Cha'ayi co'ollaq ñaq qami' souaqta'agueta, qalaq qami' sa'axataqtapeguema da saxaigui 'enauac na que'ejnaxaguesat. Qaq ipacchigui da sovidaxaguet. Qaq de'eda mashi qauaÿajñiita.

1 Ts 3:7

Ÿoqo'oyi qami' qadqaÿa't, nai'ctaxa da qomi' souaqtangui 'enauac na qadhuenaxanaxa qataq na qanque'ejnaxaguesat, qalaxayi selagaqchiguiñi can saÿajnaq da qoñiita da ñaq qoquiito'ot da qadpi'iÿaxaqui.

2 Ts 3:16

Qaq so qadataxala' Jesús mayi chigoqo'ot da nlagaxayic, somayi qami' ÿanema qome da qadlagaxayiqui 'enauaque naua vi'iyi qataq 'enauac na sochaqna lataxaguesat. Qaq somayi hueta'agueta qome 'enauac da qoñiita.

2 Timoteo 3:12

Qaq ÿataqta 'eesa da 'enauac na nshitaique da nañanot da quetague' so Cristo Jesús, nataq'en nque'etaxangui qome da ncanaguec.

Hebreos 11:25

Chaqdata da somayi ipacapega da nque'ejnaxaua qanqoÿin som lalamaxatpi ñi Dios, qaq sa ishit da cada'ac da taigui da tonaxac souaxat da nqopitaxanaqtaic da ñi'itaxaloxo.

Hebreos 7:2

Nachi so Abraham ÿanem somayi ñi 'oonolec nam diez nam lhuotaxanaxatpi mayi ÿachigoxotaigui so alaataxac. Qaq de'eda n'enaxat Melquisedec da hua'auchiguiñi naigui 'eeta': “Nta'a mayi no'on da lataxac.” Qaq cha'ayi somayi nachiso so lta'a na netaña yi Salem yim nataq'en da naigui 'eeta': “Nlagaxayic,” qaq ÿoqo'oyi de'eda n'enaxat nataq'en da naigui 'eeta': “Lta'a da nlagaxayic.”

1 Pedro 5:9

Qalaxayi ÿataqta qanachaachiÿa'aguet, qataq sa ishit da qai'axañiiuec da qadpi'iÿaxaqui, cha'ayi qami' qauaÿajñiitac da 'enauac na qad'amqajnataxanaxauaipi mayi neta'alo naua lÿa't 'ale'u nachi nque'etaxanaxac de'eda.

1 Juan 2:13

Qataq qami' ÿi'axaiquipi, qami' samaxalo ana ÿide, cha'ayi mashi ÿataqta qauauattoñiita som nal'ena da huo'o co'ollaq ñaq saxanaxa da huo'o ana 'alhua. Qataq qami' nsoxotpi, qami' samaxalo ana ÿide, cha'ayi mashi qodoxonqui so shiÿaxaua lma'na. Qataq qami' ÿalqolqa, qami' samaxalo ana ÿide, cha'ayi mashi qauauattoñiita ñi qadta'a.

1 Juan 4:4

Qami' ÿalqolqa, qami' lalamqa'te ñi Dios. Qaq mashi sogote da qodoxonqui ne'ena tenataxanaxaicpi, cha'ayi ñim Dios mayi qami' hueta'agueta ÿataqta 'añaxaic, qaq sa ishit da 'en'am som hueta'aguet nam quetague' na 'onataxacpi mayi huetalec ana 'alhua.

1 Juan 5:4

Cha'ayi 'enauac nam llalaqpi ñi Dios, namayipi loxonec nam 'onataxacpi mayi huetalec ana 'alhua. Qaq nachida da qadpi'iÿaxac da chigoqchigui da qodoxonec na 'onataxacpi.

Apocalipsis 12:11

Cha'ayi na qadqaÿañicpi loxonec somayi, qaÿachigoqchiguilo naua ltago'q so qagueta llalec, qataq souaxat da n'aqtac mayi i'axattac. Cha'ayi namayipi ÿataqta sa ishit da ñi'itac, qataq qaica ca ÿictega da nai'ctaxa da ileutalec damayi.

Apocalipsis 3:21

Qaq cam dauegaxan qome, nachi camayi sanem da huo'o aca nso'onaxaqui ca ñiso'onqa' da aÿim nta'a, da yaqto' 'eeta'am co'ollaq aÿim sauegaxan, nachi ñiso'ona'ai' ñi ita'a Dios.

Apocalipsis 7:14

Nachi aÿim shiita': –Aque', 'am ÿataxala', 'am mayi 'auaÿaten. Nachi somayi 'eeta': –Qomyi ne'ena, nachina na chigoqtoigui da lta'adaic que'ejnaxac. Nachina na iÿoi' naua alogo qataq ÿataqta qui'itta, souaxat da deÿoxonalo naua ltago'q ñi qagueta llalec.