Juan 16:22 - Nuevo Testamento Toba Sur

²² Qaq nachi 'eetec nataq'en da qoñiita nagui huo'o da qadachitataiqui, qalaxayi aÿim qami' ñi'iguelaxalo qome, nachi da qadquiyaqteÿaxaqui ÿataqta nlaqchigui da qantonaxaqui, qaq que'eca qantonaxaqui sa ishit qome da huo'o ca nqat.

Nuevo Testamento Toba Sombrero Negro

²² Qama'le naq'aeta da'me ami, cha'li 'uo da'me adachoĝodequi nayi, qalaĝaja da'me jayem 'ñiyelaq jo' qomle qama'le yitaĝa ami jauanalo, qama'le naa'me adai'lidi' najaĝayelo da'me adamaiqui jo'ne qaya'te ta'le doĝotaĝanec.

La'aqtaqa Ñim Lo'onatac 'Enauacna 2013

²² Qaq nache 'eetec nataqa'en da qoñiita nagui huo'o da qarachetataiqui, qalaxaye Aỹem qami' ñe'eguelaxalo qome, nache da qarquiyaqteỹaxaqui ỹataqta nlaqchigui da qantonaxaqui, qaq que'eca qantonaxaqui saishet da huo'o ca nqat.

Juan 16:22 Iomraidhean Croise

Mateo 28:8

Nachi soua 'alo sa naÿaloxo'n da queda'ai aso huachiqui, ÿataqta huo'o da lcolanqa' qataq ÿataqta qalota nataq'en da ntonaxa'c. Nachi je'c, ÿataqta nqalgoqte' da idou'alo da l'axaÿaxa'c soua napaxaguenataqa.

Lucas 10:42

Qalaxayi 'oonolec dam ÿacteec da qaiuen. Añi María ÿataqta 'onaxaic dam tateu'a, qaq damayi qaica ca ishit da nqat.

Lucas 16:25

Qalaxayi so Abraham 'enapego' somayi, 'eeta': “'Am ÿalec, 'auennate co'ollaq 'auaconguet da 'auaÿamaqchiguiñi, saqca ca da da 'anachaalataxac, qaq ñi Lázaro qalaq qauem da lliquiaxac. Qaq ñimayi nagui huo'o da ntaunaguec ne'ena hueta'a, qaq 'am machaq huo'o da 'anque'ejnaxac.

Lucas 19:26

Nachi som nta'a 'enapeco': “Aÿim qami' shinapegalo da ca huo'o ca hueto'ot, qalaq camayi ÿacteec qanqoÿin ca qoÿami'; qaq cam qaica ca hueto'ot, qalaq nachi 'en'am ivida'a da qaiuotaxanec cam saq 'amaqtaq mayi hueto'ot.

Lucas 24:41

Qalaxayi somayipi saxanaxa da i'amaqten de'eda souaxat da ntonaxac qataq dam l'aalaxa. Nachi so Jesús 'enapeco': –¿Huo'o peta'a ca qonoqoi ne'ena?

Juan 14:1

Sa ishit qome da huo'o ca tatapigui qadvilli. Chaqdata da qaupi'iÿa'ai ñi Dios, nataq'en aÿim.

Juan 14:19

Qaq mashi yaqta'a da ivita yi laloqo' da na shiÿaxauapi qome sa ishit da aÿim ila'a, qalaxayi qami' qome qalaq aÿim qauloita'a. Cha'ayi qanca'alliitauec, cha'ayi aÿim ñica'altauec.

Juan 14:27

Nagui qami' shica'aisalo, qalaq nda'a't da nlagaxayic. Qaq de'eda ilagaxayic qami' sanema, qalaxayi sa ishit da qami' sanema da huo'otaq shiita'am da 'eetec nam huetalec ana 'alhua da huo'otaq ÿan da l-lagaxayic. Qaq sa ishit qome da huo'o ca tatapigui yi qadvilli, qataq sa ishit da qayi'iitac.

Juan 16:16

Qaq mashi yaqta'a da qami' sa ishit qome da aÿim qauloÿa'a, qalaxayi saqaÿaloq qome da qaltaq aÿim qauloÿa'a, cha'ayi aÿim saigue da neta'ague ñi ita'a.

Juan 16:20

Qaq ÿataqta 'eesa de'eda qami' sa'axatema nagui, da qami' qome qanoÿiñiitac, qataq qauaquicoita, qaq nam shiÿaxauapi mayi huetalec ana 'alhua, namayipi qome machiguiñi. Qalaxayi nai'ctaxa qome da qami' ÿataqta qauaquicoita, qalaxayi de'eda qadaquicoqoi, damayi naigui ca qantonaxaqui.

Juan 16:6

Chaqdata da qami' qauaquicoita, souaxat da qami' sa'axatema de'eda.

Juan 21:7

Nachi som napaxaguenatac mayi ÿataqta nauochaxaua so Jesús, somayi 'enapego' so Pedro, 'eeta': –¡Nachida da qadataxala'! Nachi co'ollaq chochi hua'aqchigui de'eda so Simón Pedro da nachiso so qadataxala', nachi ÿaayiñi soua alogo (cha'ayi somayi nqa't co'ollaxa soua alogo), nachi padenaxangui so 'etaxat.

Juan 4:14

Qaq cam nÿomgui ca 'etaxat mayi sanem, camayi sa ishit da ÿi'iguelaxalec da huo'o na laquip. Cha'ayi cam 'etaxat mayi sanem, camayi ÿataqta npaxaatashiguem, 'eeta'am na l'auaxac pa'ataigui camayi. Qaq nachica ca ividaxata'a cam nca'alaxa mayi chochaq tateec.

Hechos 13:52

Qalaxayi nam da'amqajnataxanpi ÿataqta huo'o da ntonaxac qataq nlaqchigui so Espíritu Santo.

Hechos 16:25

Qalaxayi co'ollaq mashi laiñi na pe, nachi so Pablo qataq so Silas, soomayi nqouagaxaueeta'pe qataq do'onaxaata'pe, ÿi'oxodeetrac ñi Dios. Nachi som laÿipi ncoñitaguishicpi n'axaÿaxaategalo soomayi.

Hechos 2:46

Nachi 'enauaque naua na'axa'te lapootega't, qanayiuta'a aca n'onaxanaxaqui, qataq da qanayiitaugalo naua nma'te da nqui'axauapi, ÿataqta machiguiñi qataq qaica ca n'amqajnaxac.

Hechos 5:41

Nachi se'esoua Jesús lamaxa'shi chigoqtoiguilo so nta'alpi ÿataqta huo'o da ntonaxa'c, cha'ayi ñi Dios ÿashiitegueta soomayi da huo'o da nque'ejnaxa'c, huasoidelec da l'enaxat so Jesús.

2 Corintios 6:10

Qaq nai'ctaxa da saquicoqta, qalaxayi nachi 'eetai' da samaqchiguiñi. Qataq qomi' choxoda'q, qalaxayi qalota na sesallaqchitaq. Nai'ctaxa da qaica ca yi da shinaqta, qalaxayi qaica 'enauac ca seuenaqtac.

2 Ts 2:16

Qaq ñim qadataxala' Jesucristo qataq ñi qadta'a Dios ñim qouagaxanaqtaqaic mayi qomi' ÿauoteque, qataq qomi' ÿanema da qad'añaxac chochi tateec, qataq da ÿaÿamaqchiguiñi qanaquitaxac,

Hebreos 10:34

Qataq qami' ÿataqta huo'o da qadchoxonnataxanaxai nam qaicoñittai', qataq ivida'a da ÿataqta huo'o da qantonaxaqui da qan'añaxachiiguet da qaiuotaxanec na qadalamaxachiipi, cha'ayi qami' qauaÿajñiita da huo'o cam hueta'ague da piguem mayi ÿacteec da lyac qataq qaica ca loga't.

Hebreos 6:18

Qaq 'eda da 'eetec da huo'oi naua dos mayi sa ishit da qanqochinaxa't, nam huo'o mshi sa ishit da datenataxan ñi Dios, qaq nachinaua naua ÿachigoxotchiguilo ñi Dios da qomi' ÿanema da qad'añaxac, qomi' mayi shi'iguenqot ñimayi qataq sa'amaqtenaq dam aquitaxac mayi qomi' ÿanema.

1 Pedro 1:8

Cha'ayi qami' ÿataqta qauauochiic so Jesucristo, nai'ctaxa da sa qauauañiigui; qataq da qau'amaqchiñi nagui, nai'ctaxa da saxanaxa da qauloÿo'ot, qataq ÿataqta huo'o da lli'oxoyic da lta'adaic qadamaxayiqui. Qaq damayi sa ishit da qaivi' da qai'axategue.