Juan 16:19 - Nuevo Testamento Toba Sur

¹⁹ Nachi so Jesús noma'a da huotaique da qainat, nachi 'enapega somayipi, 'eeta': –Aÿim shinapec da mashi saqaÿaloq da aÿim sa qauloÿa'a, qalaxayi saqaÿaloq qome da qaltaq aÿim qauloÿa'a. Qaq ¿nachida peta'a da qannachiitapigui qami'?

Nuevo Testamento Toba Sombrero Negro

¹⁹ Qalaĝaja Jesús joote yayaten da'me jetaque 'uo ga'me qoyenatec, qama'le enaac: —Ami ja'aĝatema da'me jo'ne cha'li cada'ac da'me ja jayem 'te auañiya, qalaĝaja ja cop'a da'me yitaĝa jayem auañiya qomle. ¿Qo'li nach'ena jo'ne auenataĝañetapec da'me ami?

La'aqtaqa Ñim Lo'onatac 'Enauacna 2013

¹⁹ Nache So Jesús noma da soua lapaxaguenataqa huotraique da ina't Somaye, qaq ỹoqo'oye 'enapegalo, 'eeta': –¿Qanchemaxacheetague' cam naigui som ỹa'aqtac?

Juan 16:19 Iomraidhean Croise

Mateo 6:8

Qaq sa ishit qome da qau'enaxachi namayipi. Cha'ayi ñi qadta'a Dios, ñimayi ÿaÿaten cam qami' qaviñiitaique da huo'otaq saxanaxa da qauÿaxañiÿot.

Mateo 9:4

Nachi so Jesús co'ollaq ilau'a da lhuennataxa somayipi, nachi 'enapega, 'eeta': –¿Tá'ainco' yi ÿataqta qauema naua qadhuennataxacolli'?

Marcos 9:32

Qalaxayi soomayi sa ishi't co'ollaxa da ÿaÿate'n de'eda qai'axattapeguema, qalaxayi ñi'iÿalguete da qaltaq denataxa'n.

Juan 13:33

Qami' ÿalqolqa, mashi sa ishit da loigui da qami' soota'agueta. Qaq qami' qome aÿim qanmichiitaique, qalaxayi nachi 'eeta'am de'eda i'aqtac co'ollaq shiitega na judiopi da shiita': Sa ishit qome da qauañoxochi da qanqo'oñiÿa cam saÿa.

Juan 14:19

Qaq mashi yaqta'a da ivita yi laloqo' da na shiÿaxauapi qome sa ishit da aÿim ila'a, qalaxayi qami' qome qalaq aÿim qauloita'a. Cha'ayi qanca'alliitauec, cha'ayi aÿim ñica'altauec.

Juan 16:16

Qaq mashi yaqta'a da qami' sa ishit qome da aÿim qauloÿa'a, qalaxayi saqaÿaloq qome da qaltaq aÿim qauloÿa'a, cha'ayi aÿim saigue da neta'ague ñi ita'a.

Juan 16:18

Qaq ¿chaq huá'ague ca 'eetec de'eda 'eeta': “saqaÿaloq qome da aÿim sa qauloÿa'a?” Qomi' sa ishit da saÿajnaq chaq negue't ca 'eetega.

Juan 16:23

Qaq que'eca na'a'q qome, nachi sa ishit da huo'o ca aÿim inattac da qoñiita. Qaq ÿataqta 'eesa de'eda qami' sa'axatema, da ñi ita'a qami' ÿanema qome 'enauac ca qauÿaxañiÿaique da qoviilec da i'enaxat.

Juan 16:26

Nachi que'eca na'a'q qome, ÿataqta qoviilec da i'enaxat da qauÿaxañi, qaq aÿim shinapec da sa ishit qome da qami' ñachoxodeetapeguelguete da seÿaxanot ñi ita'a,

Juan 16:30

Qaq nagui mayi saÿajnaq da 'am 'auaÿaten 'enauac na lataxaguesat, qaq sa ishit da 'auen da huo'o ca 'am inat. Qaq ÿoqo'oyi sa'amaqtenaq da 'am 'auachigoqtot ñi Dios.

Juan 21:17

Nachi qaltaq ÿi'iguelaxalec da inat, 'eeta': –'Am Simón mayi 'am llalec so Jonás, ¿peta'a aÿim 'auauotec? Nachi so Pedro ÿataqta naquicochiguiñi, souaxat da mashi ivi' tres da qaÿi'iguelaxalec da qainat da ÿoqta 'eesa da dauotaxanaqta. Nachi somayi 'enapeco': –'Am ÿataxala', 'am 'auaÿaten mque' 'enauac da ÿataxac, qataq 'auaÿateeta da ÿataqta 'am ÿauotaxat. Nachi so Jesús 'enapego' somayi, 'eeta': –'Aulo'ogue qone' ana ilopi qagueta.

Juan 6:61

Nachi so Jesús ÿaÿajnau'a da lhuennataxac somayipi da quetapeguelec de'eda l'aqtac somayi. Nachi somayi inattac somayipi, 'eeta': –¿Peta'a qami' ÿashaxaadeec naq'en de'eda?

Juan 7:33

Nachi so Jesús 'enapeco': –Aÿim ñaq cada'acolec da qami' soota'agueta. Qaq qom ime, nachi aÿim shi'iguelaxa ñi aÿim namaq.

Hebreos 4:13

Qaq sa ishit da huo'o ca 'oonolec nam l'onatacpi ñi Dios da huo'otaq ishit da nqañoxochiisop ñimayi. Cha'ayi 'enauac namayipi ÿataqta yi'oqta qataq ÿaateec naq'en da ilotalec ñim huo'o ca na'a'q qaq ñachaataxau'a da sa'axataxam ca qad'onataxanaxac.

Apocalipsis 2:23

Qataq salauat qome 'enauac na llalaqpi, yaqto' 'enauac na 'amqajnataxanaxaicpi ishit da ÿaÿaten da aÿim 'eesa da saÿateetac cam saq cha'a nhuennataxac qataq da nquiyaqteÿaxac. Qataq ñi 'oonolec da qoñiita seshiitenguet cam naigui ca i'ottac.