Juan 16:15 - Nuevo Testamento Toba Sur

¹⁵ Cha'ayi 'enauac nam lalamaxatpi ñi ita'a, namayipi nataq'en ÿalamaxatpi. Qaq ÿoqo'oyi aÿim shinapec da que'eca Espíritu ÿaconguet qome nam ÿalamaxatpi, nachi qami' ÿaÿajnaxanaxanque.

Nuevo Testamento Toba Sombrero Negro

¹⁵ Yema ga'me loĝot joñe'me Taĝadena', nach'e ena'am mach'e yoĝot, qo'che' ja'aĝatetac ñe'me Dios Lepaqal da'me yaconegueta jogaa'me jo'ne jayem chiyoqodayi, qama'le ami yayatenaĝanaĝaneque joñe'me.

La'aqtaqa Ñim Lo'onatac 'Enauacna 2013

¹⁵ Cha'aye 'enauac nam lalamaxatpi Ñim Ita'a, namayepi nataqa'en ỹalamaxatpi. Qaq ỹoqo'oye Aỹem shenapec da que'eca Saqcha'a Na'añaxac Camaye qami' ỹaỹaanaxanaxaneque 'enauac da sheeta.

Juan 16:15 Iomraidhean Croise

Mateo 11:27

Ñi ita'a aÿim imato'ot 'enauac da l'onataxanaxac. Qaq qaica ca ishit da ÿauatton na llalec, chaqñita ñimayi mayi ÿauatton. Qataq qaica ca ishit da ÿauatton ñimayi, chaqnata na llalec mayi ÿauatton, qataq cam ÿauattonaxanaxanec ñimayi nam llalec.

Mateo 28:18

Nachi so Jesús nquiga somayipi, nachi 'enapega, 'eeta': –Aÿim mashi aÿim qaipataxalec da samaqpec 'enauac na hueto'ot na piguem qataq na huetalec ana 'alhua.

Lucas 10:22

Nachi 'enapego' so shiÿaxauapi, 'eeta': –Ñi ita'a aÿim ÿanem 'enauac da nauattonaxanaxac. Qalaxayi qaica ca ishit da ÿauatton ne'ena llalec, chaqñita ñim lta'a mayi ÿauatton, qataq qaica ca ishit da ÿauatton ñim lta'a, chaqnata na llalec mayi ÿauatton qataq 'enauac nam tachigui da ÿauattonaxanaxan namayi.

Juan 14:21

Qaq ca ÿaÿateeteguet qataq ÿalaxaguet na ÿamaxasoxonaxacpi, camayi yi'oq da ÿataqta 'eesa da aÿim ÿauotec. Qaq ñim ita'a ÿataqta ÿauotec cam aÿim ÿauotec, qaq aÿim nataq'en ÿataqta sauotec camayi, qataq ñachaxana.

Juan 17:10

Cha'ayi 'enauac nam ÿalamaxatpi, namayipi 'adalamaxatpi, qaq nam 'adalamaxatpi, namayipi nataq'en ÿalamaxatpi. Nachi da ÿi'oxoyic qaila'a da huetaigui namayipi.

Juan 17:2

Cha'ayi 'am 'ai'anem co'ollaxa da l'añaxac na 'ai'alec, da yaqto' ilo'ogue 'enauac na shiÿaxauapi, qataq da yaqto' ÿanem da lca'alaxa mayi chochaq tateec 'enauac nam 'ai'anempi namayi.

Juan 3:35

Cha'ayi ñi lta'a Dios ÿataqta ÿauotec so llalec, ÿoqo'oyi ÿataqta imato'ot 'enauac nam lalamaxatpi.

Colosenses 1:19

Cha'ayi ñi Dios nshitaique da so Cristo ÿataqta imatta't 'enauac da lataxac ñimayi.

Colosenses 2:3

Cha'ayi somayi nachiso so imatta't 'enauac na ÿotta'a't naÿajneguesat qataq na nauattonaxanaxacpi mayi chochaq huañi.

Colosenses 2:9

Cha'ayi 'enauac da lataxac ñi Dios ÿataqta imattaigui da nachaalataxac so Cristo.