Juan 15:22 - Nuevo Testamento Toba Sur

²² Namayipíctaxa sa ishit da huo'o ca lasouaxashit, da huo'otaq sa ñanac da setaxaÿot. Qalaxayi namayipi nagui sa ishit da ÿoqolguet da huo'o da lasouaxashit,

Nuevo Testamento Toba Sombrero Negro

²² “Jogaa'me te'me qaya'te ta'le laviyaĝajet, da'me ta'le ja ñanaequena da'me jojapegue'to. Qalaĝaja nayi qaya'te nichoĝodenataguec queda'me yajouaĝat jonaa'me mach'e loeco;

La'aqtaqa Ñim Lo'onatac 'Enauacna 2013

²² Na shiỹaxauapi saishettaxa da huo'o ca lasouaxashet, da huo'otaq sa ñanac da setaxaỹot. Qalaxaye namayepi nagui saishet da iqoleguet da huo'o da lasouaxashet,

Juan 15:22 Iomraidhean Croise

Lucas 12:46

qaq se'eso n'aco' da lvidaxac huetoigui ca na'a'q qataq cam laloqo' da huo'otaq se'eso nlatac sa ishit da ÿaÿaten qataq saq huotaique, ime, qaq qaÿauo'o ca nhuaxanaguec mayi qaica ca 'en'am da lchic, 'eeta'am qanqoÿin da nhuaxanaguec cam sa da'amqajnataxan.

Juan 12:48

Qaq ca aÿim i'otan, qataq sa ishit da i'o't naua i'aqtaqa, camayi sogote da huo'o qome ñim i'ot ca nhuaxanaguec camayi. Cha'ayi naua i'aqtaqa mayi ñanoldeec, nachinaua qome naua i'o't ca nhuaxanaguec na shiÿaxauapi ca pa'ateec na'a'q.

Juan 15:23

cha'ayi ca aÿim nquiÿa, camayi nataq'en nquiÿa ñi ita'a.

Juan 15:24

Qaq namayipíctaxa sa ishit da huo'o ca lasouaxashit, da sa ishit da huangui ñaq'en namayipi da so'ot nam sa ishit da huo'o ca ÿañoxot da i'ot; qaq namayipi sogote da ÿauaachigui ne'ena so'otpi, qalaxayi ñaqaiyita sa ÿaqalan da aÿim nquiÿa, nataq'en ñi ita'a.

Juan 16:9

Namayipi huo'o da lasouaxashit, cha'ayi sa ishit da aÿim i'amaqten;

Juan 19:11

Nachi so Jesús 'enapeco': –'Am qaica ca qonec da huo'otaq sa ishit da 'am ÿanem ñi Dios ca 'ad'añaxac, da yaqto' ishit da huo'o ca qoneta'ac aÿim. Qaq ÿoqo'oyi cam aÿim ÿaneu'a 'am, camayi qome ÿataqta ÿacteec da lta'adaic da lasouaxashit, qaq saq 'en'am da qoneta.

Juan 9:41

Nachi so Jesús 'enapeco': –Qamí'ctaxa da sa qanauañiiñi, nachi qaica ca qadasouaxashichi. Qalaxayi qami' qoñiitega da qanauañiichiguiñi, qaq ÿoqo'oyi huo'o da qadasouaxashichi.

Hechos 17:30

Ñim Dios mayi sa ishit co'ollaxa da iloguilo naua n'enaxaco na shiÿaxauapi soua hua'a'u vi'iyi. Qalaxayi nagui ñimayi 'enapega na shiÿaxauapi mayi netalguete naua ÿotta'a't 'ale'u, da yaqto' ÿaxaadeec naua n'onataxaco.

Romanos 1:20

Cha'ayi dam saq cha'a lataxac ñi Dios ishit da chigoqchigui nam l'onatacpi ñimayi da ishit da qaila'a. Qaq ishit da ÿataqta qaÿauattoota da ñimayi nachiñi ñi imattalecna qataq da ñimayi nachi 'eetai' da 'añaxaic, chigoqchiguiña co'ollaq ñimayi i'ot ana 'alhua. Qaq ÿoqo'oyi namayipi sa ishit da saqca ca lasouaxashit.

Romanos 2:1

Qaq ÿoqo'oyi sa ishit da saqca ca 'adasouaxashit, 'am mayi 'ai'aatapigui ca lasouaxashit ca 'adÿa, nai'ctaxa da chaq negue't da qoneta. Cha'ayi da 'am 'ai'aatapigui ca lasouaxashit ca 'adÿa, nachi 'am maichi qoquetau'a da qaÿauo'o qome ca 'anhuaxanaguec, cha'ayi 'am nataq'en 'au'ottac nam 'anshitaique da 'anmit.

Santiago 4:17

Cha'ayi ca shiÿaxaua da ÿaÿaten ca ÿaÿamaqchiguiñi, qalaxayi sa ishit da i'ot, qanachi huo'o da lasouaxashit.

1 Pedro 2:16

Qami' qoñiita'amo' qome ca shiÿaxaua ÿataqta huesochiguiñi, qalaxayi sa ishit da qau'ogoxoñiÿa da qami' huesochiyiñi da qau'ochi ca sa ÿaÿamaxañi. Chaqdato' da qoñiita'am da ÿataqta qami' l-lataqa ñi Dios.