Juan 15:21 - Nuevo Testamento Toba Sur

²¹ Qaq 'enauac qome ne'ena qami' qai'oteque souaxat aÿim, cha'ayi namayipi sa ishit da ÿauatton ñim aÿim namaq.

Nuevo Testamento Toba Sombrero Negro

²¹ Yema jenjo' jo'ne ami qo'yeteque chiyaqayi da'me jayem auoqochi'taguet, qa'a ja qoyateton ñe'me jo'ne jayem namaĝaquena.

La'aqtaqa Ñim Lo'onatac 'Enauacna 2013

²¹ Qaq 'enauac qome ne'ena qami' qaỹo'oteque souaxat da qami' ỹapaxaguenataqa, cha'aye na shiỹaxauapi saishet da ỹauatton Ñim Lo'onatac 'Enauacna maye Aỹem namaq.

Juan 15:21 Iomraidhean Croise

Mateo 10:18

Qataq ivida'a qome da qami' qaÿauegueu'alo nam ilotagueto naua 'ale'u, qataq na lta'alpi namayipi, souaxat da aÿim qoquiitague'. Huaña, nachi ishit da aÿim qau'axachi da qau'aqtaxañiim namayipi qataq nam sa ishit da judiopi.

Mateo 10:22

Qataq 'enauac qome nam huetalec ana 'alhua ÿataqta qami' nquiÿalo, souaxat da aÿim qoquiitague'. Qalaxayi ca sa ishit da huo'o ca ÿoqocha'a, chochi ivitta'a ca loga't da nachaalataxac, nachica ca qanca'alaxateec.

Mateo 10:39

Qaq ca nshitaique da maichi nca'alaxateec da maichi nachaalataxac, nachi camayi daqat. Qalaxayi ca 'ico' ÿaqataqchit da nachaalataxac, souaxat da aÿim quetague', nachi camayi qanca'alaxateec.

Mateo 24:9

Huaña, nachi qami' qoÿaadeuo, da yaqto' qami' qaiuaxaata'pe, qataq da qami' qaÿalauat. Qataq 'enauac na shiÿaxauapi ÿataqta qami' nquiÿalo, souaxat da aÿim qoquiitague'.

Mateo 5:11

Qataq ÿataqta qauamaichiguiñi qom qami' ishiueeta'pe na shiÿaxauapi, huo'otaq da sa ishit da qami' iyacna'pe qataq da qami' ÿasaxalguete na ÿotta'a't shipegaxanaxacpi, souaxat da aÿim qoquiitague'.

Marcos 13:13

Qaq 'enauac qome na shiÿaxauapi ÿataqta qami' nquiÿalo, souaxat da aÿim qoquiitague'. Qalaxayi cam qaica ca ÿoqocha'a, chochi ivitta'a ca loga't da nachaalataxac, qaq nachica ca qanca'alaxateec.

Lucas 21:12

Qaq qom saxanaxa da yi'oq 'enauac de'eda, nachi qami' qaÿaconeu'alo qome, qataq qami' qaicaata'pe. Ime, qaq qami' qaÿauegueu'alo ana laponaxaquipi na judiopi, da yaqto' qami' qanmi't. Ime, qaq qami' qaicoñi't, qataq qami' qaÿauegueu'alo na nta'alpi qataq nam ltauapi, souaxat da i'enaxat qauasoviilec.

Lucas 21:17

Qataq 'enauac qome na shiÿaxauapi mayi huetalecna qami' nquiÿalo, souaxat aÿim.

Lucas 6:22

Nataq'en ÿataqta qauamaichiguiñi qom qami' nquiÿalo na shiÿaxauapi, souaxat ne'ena shiÿaxaua llalec, qataq da huo'otaq qami' qai'oldaue'c, huo'otaq da qami' qaishiue'n, huo'otaq da qai'otan da qad'enaxachi, 'eeta'am ca ÿapacteec qauem.

Juan 15:24

Qaq namayipíctaxa sa ishit da huo'o ca lasouaxashit, da sa ishit da huangui ñaq'en namayipi da so'ot nam sa ishit da huo'o ca ÿañoxot da i'ot; qaq namayipi sogote da ÿauaachigui ne'ena so'otpi, qalaxayi ñaqaiyita sa ÿaqalan da aÿim nquiÿa, nataq'en ñi ita'a.

Juan 16:3

Qaq i'ot qome de'eda namayipi, cha'ayi sa ishit da ÿauatton ñi ita'a, nataq'en aÿim.

Juan 17:25

'Am ita'a mayi ÿataqta ÿaÿamaqchiyiñi naua 'au'o't, nam huetalecpi ana 'alhua sa ishit da 'am ÿauatton. Qalaxayi aÿim 'am sauatton, qaq ne'enapi mashi sogote da ÿaÿaten da 'am aÿim 'adamaxashic.

Juan 8:19

Nachi qainattac somayi, qoÿiita': –¿Huá'ague ca neta'ague ca 'adta'a? Nachi so Jesús 'enapeco': –Qami' sa ishit da aÿim qauauattoñi, qaq nachi 'en'am ñi ita'a sa ishit da qauauattoñi. Cha'ayíctaxa da aÿim qauauattoñi, nachi nataq'en ishit da qauauattoñi ñi ita'a.

Juan 8:54

Nachi so Jesús 'enapeco': –Da aÿim maichi ñi'oxodeetapeguela't, nachi de'eda ñi'oxonnaxac, damayi qaica ca naigui. Qalaxayi ñim aÿim ÿi'oxodeetac, nachiñi ñi ita'a ñi qami' qoñiitega nataq'en da qadta'ai Dios.

Juan 8:55

Qalaxayi qami' sa ishit da qauauattoñi ñimayi; aÿim, qalaxayi sauatton ñimayi. Cha'ayi da aÿim shinapec da sa sauatton, nachi aÿim chochi satenataxaatac, qaq nachi shiita'ama qami'. Qalaxayi aÿim ÿataqta sauattoota ñimayi, qataq salaxaguet cam 'enapec.

Hechos 17:23

Cha'ayi can aÿim secoleetac na qoviita'a, nachi semeteetac 'enauac nam qanatamnaqa'aipi. Nachi huo'o yi selalec atamnaqa' qoÿittañi so n'aqtac, 'eeta': “Atamnaqa' da qanatamnot cam Dios mayi sa ishit da qaÿauatton.” Qaq ñi'iñi Dios mayi qanatamñiitacot qalaxayi sa qauauattoñi, nachiñi nagui ñi qami' sa'axatema.

Hechos 26:9

Aÿim co'ollaxa ÿataqta qalota nam qauem iuennataxacpi mayi huotaique da so'otec dam l'enaxat som Jesús mayi Nazaret l'ec.

Hechos 3:17

Qaq aÿim saÿaten, qami' ÿaqaÿa't, da co'ollaq qami' qataq nam qadataxala'aipi qaualauachi so Jesús, qalaq sa ishit da ÿoqta qauaÿajñiita dam qau'ochiitac.

Hechos 4:17

Qalaxayi da yaqto' sa ishit da queta da ÿaÿaten 'enauac na shiÿaxauapi de'eda, qaq no'on da qomi' sadenaqleguete daamayi, da yaqto' nagui nachi tachiguiña da sa ishit da huo'o ca i'axatrem de'eda l'enaxat so Jesús.

Hechos 5:41

Nachi se'esoua Jesús lamaxa'shi chigoqtoiguilo so nta'alpi ÿataqta huo'o da ntonaxa'c, cha'ayi ñi Dios ÿashiitegueta soomayi da huo'o da nque'ejnaxa'c, huasoidelec da l'enaxat so Jesús.

Hechos 9:14

Qaq camayi nagui nachi naÿa'a ne'ena souaqta'a, nachitac da l'aqtac na lataxala'pi na ntaxaÿaxanaxanecpi, da yaqto' ÿauec da icoñi' 'enauac nam iÿaxaatega da 'ad'enaxat.

Hechos 9:16

Qaq ñimayi aÿim sachaxana qome da ÿataqta qalota da nque'ejnaxac souaxat aÿim.

Romanos 1:28

Qaq cha'ayi namayipi mashi ÿaxaneec da nauattonaguec ñi Dios, nachi ñimayi ca'ai namayipi, da yaqto' i'o't naua qauema lhuennataxaco, qataq da i'ot cam sa ishit da lataxac.

1 Corintios 15:34

Qami' qavi'iguelaqaÿa qome da achaalataxac qui'itta qataq sa daÿactac, qataq qai'axañiiuec da qayi'itaxalqoi, cha'ayi huo'o da qoñiita na sa ishit da ÿauatton ñi Dios. Qaq de'eda shinapec, yaqto' huo'o da qad'alqoi.

1 Corintios 2:8

Na nta'alpi mayi huetalecna, qaica ca ÿaÿaten de'eda naÿajnec. Cha'ayi da huo'otaq ÿaÿaten de'eda, qaq sa ishíttaxa da qaiuaxaneuo so qadataxala' mayi ÿi'oxodaic.

2 Ts 1:8

Anaga da ÿauo'o da nhuaxanaguec na sa ÿoqocha'a ñi Dios qataq sa ÿalaxalec da no'on qad'axaÿaxac mayi n'aqtaguec so qadataxala' Jesucristo.

1 Juan 3:1

Qaq ña qauloÿa da ÿataqta lta'adaic da lauotaxanaqtaic da shinaqta ñi qadta'a Dios da qomi' ÿamata'aque da qomi' llalqa ñimayi, qaq ÿoqta 'eesa da qomi' llalqa. Qaq ÿoqo'oyi sa ishit da qomi' ÿauatto'n nam quetague' na 'onataxacpi mayi huetalec ana 'alhua, cha'ayi sa ishit da ÿauatton ñi Dios.

3 Juan 1:7

Cha'ayi namayipi cot da lliquiaxac da do'onataxanot so Jesucristo, qataq sa ishit da ÿaconguet da ltaunaxanaxac cam sa ishit da ÿauatton ñi Dios.

Apocalipsis 2:3

Qaq ÿataqta huo'o da 'anhualaxaunaxac, qataq da 'anque'ejnaxac, qataq qalota da 'ad'onataxanaxac souaxat aÿim, qalaxayi sa ishit da 'anasamtapiguiñi.