Juan 15:20 - Nuevo Testamento Toba Sur

²⁰ Qaq qauennachiÿa'a qome da i'aqtac mayi qami' sanema co'ollaq shiita': “Qaica ca nlatac da huo'otaq ishit da napacalec ca n'aco'.” Qaq da huo'otaq aÿim qaicaatac co'ollaxa, qaq nataq'en da qoñiita huo'o da qancanaguiiqui. Qaq da ÿataqta qaÿalaxalec da ÿapaxaguenataxanaxac, qaq nataq'en qome ÿataqta qaÿalaxaguet da qadapaxaguenataxanaxaqui.

Nuevo Testamento Toba Sombrero Negro

²⁰ Anetoviñetac da'me jo'ne joote ami ja'aĝatema: «Qaya'te namaĝajec ta'le napacalegue joga'me lejaliaĝanec.» Qom naqayem da'me 'uo da'me ñecanaguec, qama'le nach'e ena'am ami 'uo da'me anecanaguequi, nataq'aen qom qoyoqocha'alo naa'me 'yaqataqa qama'le nach'e ena'am qoyoqocha'alo naa'me mach'e at'aqataqadi'.

La'aqtaqa Ñim Lo'onatac 'Enauacna 2013

²⁰ Qaq qauennachiỹa'a da ỹa'aqtac maye qami' sanema quiye da sheeta': «Qaica ca nlatac da huo'otaq ishet da napacalec ca na'aco'.» Qaq da huo'otaq Aỹem qaicaatac, qaq nataqa'en da qoñiita huo'o da qancanaguiiqui. Qaq da ỹataqta ỹalaxalec da ỹapaxaguenataxanaxac na shiỹaxauapi, qaq nataqa'en ỹataqta ỹalaxaguet da qarapaxaguenataxanaxaqui.

Juan 15:20 Iomraidhean Croise

Mateo 10:24

Qaq sa ishit da huo'o ca chochi napaxaguenatac da huo'otaq napacalec ca napaxaguenaxala', qataq ca chochi nlatac sa ishit da napacalec ca n'aco'.

Marcos 10:39

Nachi soomayi 'ena'po': –Aja', seshitaq. Nachi so Jesús 'enapeco': –'Eesa da qami' ishit qome da qauachii da que'ejnaxac mayi 'eeta'am da aÿim qanÿomaxangui, qataq da achilaxac mayi saigui qome.

Lucas 2:34

Nachi so Simeón ÿan da no'on l'aqtac. Ime, nachi 'enapega aso María asom late'e so Jesús, 'eeta': –Ña 'aumeten ne'enatai' nogotolec, namayi qoÿanagui da ÿataqta qalota qome naq'en na huañi huo'otaq ñishiguem na Israel llalaqpi. Namayi nachina na l'anaxat da ÿataqta qalota qome na sa da'amqajnataxan,

Lucas 6:40

Qaica ca chochi napaxaguenatac da ishit da napacalec ca napaxaguenaxala'. Qalaxayi da huo'otaq mashi inoxonaqchiteec nam qaÿapaxaguenecpi, qaqca ishit da 'eeta'am cam napaxaguenaxala'.

Juan 10:31

Nachi na judiopi qaltaq ÿacona na coma' da qaÿasaq somayi.

Juan 11:57

Na fariseopi qataq na lataxala'pi na ntaxaÿaxanaxanecpi da qaitaxaÿapegue' ñi Dios, namayipi ÿan da l'aqtac da huo'otaq huo'o ca ÿaÿaten ca hueta'a so Jesús, nachi ishit da i'axat, da yaqto' qaÿaconeu'a somayi da qaicoñi'.

Juan 13:16

Qaq ÿataqta 'eesa de'eda qami' sa'axatema, da qaica ca chochi nlatac da napacalec ca n'aco', qataq qaica ca namaxashic da ishit da napacalec cam ÿamaqtac camayi.

Juan 5:16

Qaq ÿoqo'oyi na judiopi icaatac so Jesús da nshitaique da ÿalauat, souaxat somayi da datannataxangui so na'a'q mataxaqui.

Juan 7:32

Na fariseopi co'ollaq hua'aqtapoigui na shiÿaxauapi da 'eetega so Jesús, nachi namayipi qataq nam lataxala'pi na ntaxaÿaxanaxanecpi namaq so huataxanaq mayi ilotague' aso n'onaxanaxaqui, da yaqto' ÿaconeu'a somayi da icoñi'.

Juan 8:51

Qaq ÿataqta 'eesa de'eda qami' sa'axatema, da ca ÿalaxaguet dam shinapec, nachi camayi sa nauane' da ileu.

Juan 8:52

Nachi na judiopi 'enapego' somayi, 'eeta': –Qomi' nagui saÿajnaqta da 'am huo'o ñi 'ad'ec leguemaxaic. Cha'ayi so Abraham qataq 'enauac so l'aqtaxanaxanecpi ñi Dios, somayipi co'ollaxa ileu, qalaq 'am qonapec: “Da ca ÿalaxaguet cam shinapec, nachi camayi sa ishit da nauane' da ileu.”

Juan 8:59

Huaña, nachi qaÿacona na coma' da qaÿauotaique da qaÿasaq so Jesús. Qalaxayi somayi nqañoxojñi, ca'ai aso n'onaxanaxaqui, taigui se'eso shiÿaxauapi, nachi jec.

Hechos 14:22

Nachi soomayi ÿataqta huaqattrega na 'amqajnataxanaxaicpi mayi netalguete ne'enaua 'ale'u, da yaqto' ÿataqta n'añaxattec da lpi'iÿaxac, qataq i'axattrac da qainoxoneu'a da l'onataxanaxac ñi Dios qom ilo'ogue 'enauacna, nachi ÿataqta qalota da que'ejnaxac.

1 Corintios 4:12

Ñasamaqtañi souaxat da yi'oqchigui qad'onataxanaxac. Na shiÿaxauapi qomi' ishiueetalguete, qalaq qomi' sedoxolguete naua qadtaxaÿaxaco ÿaÿamaqchiyiñi. Qomi' qaicaata'pe, qalaq ñi'añaxataxaguet da qancanaguec.

2 Corintios 4:9

Qataq nai'ctaxa da qomi' qaicaata'pe, qalaq sa ishit da qomi' qaÿala't. Qataq nai'ctaxa da qomi' qaÿamaxayiñi, qalaq sa ishit da qadeleu.

1 Ts 2:15

Ne'ena judiopi nachina na ÿalauat co'ollaxa so qadataxala' Jesús, 'eeta'am so hua'au lta'alpi co'ollaq maichi ÿalauat so lalamaxat mayi Dios l'aqtaxanaxanecpi. Qataq nachina na qomi' ÿamaqdauec co'olloxochiyi. Ñi Dios ÿataqta sa ÿaÿamaxaden namayipi. Qataq namayipi taÿa da sa ÿalemaxat 'enauac na shiÿaxauapi.

2 Timoteo 3:12

Qaq ÿataqta 'eesa da 'enauac na nshitaique da nañanot da quetague' so Cristo Jesús, nataq'en nque'etaxangui qome da ncanaguec.