Juan 15:1 - Nuevo Testamento Toba Sur

¹ Qaq aÿim mayi shiita'am aca ÿoqta 'eesa nanguishi uva, qaq ñim ita'a, qalaq ñimayi 'eeta'am cam ilotague' aca'aca nanguishi.

Nuevo Testamento Toba Sombrero Negro

¹ Yitaĝa enaac ñe'me Jesús: —Naqayem jo'ne jayem uva lichidic 'me yataqatelegue, qama'le ñe'me Taĝadena' mach'e neteloqo't.

La'aqtaqa Ñim Lo'onatac 'Enauacna 2013

¹ So Jesús queto'ot da da'aqtaxaatapeguema soua lapaxaguenataqa 'eeta': Aỹem Nachaỹem maye sheeta'am aca 'eesa nañiguishe uva, qaq Ñim Ita'a, qalaq Ñimaye 'eeta'am cam ilotague' aca'aca nañiguishe.

Juan 15:1 Iomraidhean Croise

Mateo 15:13

Qalaxayi so Jesús 'enapeco': –Camachaqaca qo'ipaq mayi sa ishit co'ollaxa da ÿaañi ñi ita'a mayi neta'ague da piguem, nachi acamayi qanapoguishiguem qome.

Mateo 20:1

Da l'onataxanaxac ñi Dios mayi neta'ague da piguem, damayi 'eeta'am cam lalamaxat ca nanqa' ana uvas mayi 'otta da nte'etom da ilaique ca l'onataxanaxanecpi, da yaqto' nqat ana ala aso languishi uvas.

Mateo 21:33

Qan'axaÿaxañiÿa qome de'eda lÿa ÿaloqnaxanaxat mayi 'eeta': Huo'o so shiÿaxaua lalamaxat so 'alhua, nachi somayi ÿaañi aso uvas. Ime, nachi npaxateu'a, qataq i'ot so laÿi' da qanlom na lli'i anamayi, qataq aso lalloxolate, da yaqto' ishit da qaÿallitalec 'enauac se'eso nanaxanqa'. Ime, nachi somayi huo'o so i'aalaxanaxanec 'onataxanaxaicpi se'eso n'alhua. Ime, nachi jec.

Marcos 12:1

Nachi so Jesús ÿauota'a so laloqnaxanaxat da da'aqtaxanem so shiÿaxauapi, 'eeta': –Huo'o so shiÿaxaua ÿaañi aso languishi uvas. Ime, nachi npaxateu'a, qataq i'ot aso laÿi' da qanlom na lli'i, qataq i'ot aso nalloxolate da yaqto' ishit da qaÿallitalec 'enauac asomayi. Qaq co'ollaq ime, nachi huo'o so i'aalaxanaxanec 'onataxanaxaicpi se'eso n'alhua. Nachi somayi jec, qaÿoqta ca taÿa.

Lucas 13:6

Nachi so Jesús ÿauo'o so daloqnaxana, 'eeta': –Huo'o so shiÿaxaua huo'o aso languishi higo, qaq asomayi ñaxattalec so n'alhua. Qaq jec da demejnaxana, qalaxayi sa ishit da huo'o aca ÿanata ala.

Juan 1:17

Na nqataxacpi co'ollaq qoÿan, qalaq chigoqchigui qanqoÿin so Moisés; qaq da nauotaxanaqtaic qataq dam 'eesa lataxac, damayi chigoqchigui so Jesucristo.

Juan 1:9

Qaq som ÿoqta 'eesa da yi'oqchiguiñi mayi icoÿadelec 'enauac na shiÿaxauapi, somayi mashi nvittega ana 'alhua.

Juan 15:2

Qaq ñimayi iquesoxouec acamachaqaca ana icouepi da huo'otaq sa ishit da huo'o aca ala, qataq ñimayi nqat ana llaxataxa ana lcouepi mayi huo'o ana ala, yaqto' ÿacteec da huo'o ana alapi.

Juan 6:32

Nachi so Jesús 'enapeco': –Aja', ÿataqta 'eesa de'eda qami' sa'axatema, da sa ishit da nachiso so Moisés som qami' ÿanema aso pan mayi chigoqo'ot na piguem, chaqñita ñi ita'a mayi nachiñi ñi qami' ÿanema acam ÿataqta 'eesa pan mayi chigoqo'ot na piguem.

Juan 6:55

Cha'ayi da i'oquiaxac, nachida da ÿoqta 'eesa nallic, qataq naua itago'q, nachinaua na ÿoqta 'eesa naquip.

Romanos 11:17

Qaq huo'o nam judiopi nam lcoue asa'aso nanguishi l'enaxat olivo nam qaiquesoxouec. Qaq som chigoqchiguiña, nachi nañaxateu'a qanqoÿin 'am mayi qoneta'am aca lcoue aca olivo mayi saq nanguishi. Huaña, nachi 'am ishit da 'anhuanau'a so lpa'a'q qataq da lca'alaxa asom olivo.

1 Corintios 3:9

Cha'ayi qomi' n'onataxanaxauapi da l'onataxanaxac ñi Dios. Qaq qami' 'ico' da qoñiÿa'am ca lanaxanqa' ñi Dios. Qami' nataq'en qoñiÿa'am ca noÿic mayi n'oxootapiguishiguem ñi Dios.

1 Juan 2:8

Qalaxayi ñaqaiyita de'eda shiyiñi 'eeta'am da dalaxaic namaxasoxonaxac. Qaq damayi ÿataqta 'eesa, 'eeta'am da 'eetec naq'en co'ollaxa so Cristo, qaq nachi 'eeta'am nataq'en da qoñiita. Cha'ayi so napalaxa mashi yaqta'a da ÿoxogue, ime, qaq anac na ÿoqta 'eesa da yi'oqchiguiñi.