Juan 14:7 - Nuevo Testamento Toba Sur

⁷ Qaq da qami' aÿim qauauattoñi, nachi nataq'en qauauattoñi ñi ita'a. Qaq nagui mashi sogote da qauauattoñi, cha'ayi mashi qauloito'ot ñimayi.

Nuevo Testamento Toba Sombrero Negro

⁷ Da'me ami joote jayem auatetoñi, qama'le nach'e ena'am auatetoñi ñe'me Taĝadena'. Chane'eja chiyoqotelegue nayi, yataqata auatetoñi joñe'me nataq'aen auec'achiñetac.

La'aqtaqa Ñim Lo'onatac 'Enauacna 2013

⁷ Qaq da qami' Aỹem qauauattoñi, nache nataqa'en qauauattoñi Ñim Ita'a. Qaq nagui mashe sogote da qauauattoñi, cha'aye mashe qauloito'ot Namaye.

Juan 14:7 Iomraidhean Croise

Mateo 11:27

Ñi ita'a aÿim imato'ot 'enauac da l'onataxanaxac. Qaq qaica ca ishit da ÿauatton na llalec, chaqñita ñimayi mayi ÿauatton. Qataq qaica ca ishit da ÿauatton ñimayi, chaqnata na llalec mayi ÿauatton, qataq cam ÿauattonaxanaxanec ñimayi nam llalec.

Lucas 10:22

Nachi 'enapego' so shiÿaxauapi, 'eeta': –Ñi ita'a aÿim ÿanem 'enauac da nauattonaxanaxac. Qalaxayi qaica ca ishit da ÿauatton ne'ena llalec, chaqñita ñim lta'a mayi ÿauatton, qataq qaica ca ishit da ÿauatton ñim lta'a, chaqnata na llalec mayi ÿauatton qataq 'enauac nam tachigui da ÿauattonaxanaxan namayi.

Juan 1:18

Ñi Dios qaica ca ishit da ilogui, qalaxayi so 'oonolec llalec mayi ÿataqta neto'ot ñimayi, somayi nachiso so qomi' ÿauattonaxanaxanque ñi qadta'a.

Juan 15:24

Qaq namayipíctaxa sa ishit da huo'o ca lasouaxashit, da sa ishit da huangui ñaq'en namayipi da so'ot nam sa ishit da huo'o ca ÿañoxot da i'ot; qaq namayipi sogote da ÿauaachigui ne'ena so'otpi, qalaxayi ñaqaiyita sa ÿaqalan da aÿim nquiÿa, nataq'en ñi ita'a.

Juan 16:3

Qaq i'ot qome de'eda namayipi, cha'ayi sa ishit da ÿauatton ñi ita'a, nataq'en aÿim.

Juan 17:21

Qataq 'am seÿaxanot, 'am ita'a, da yaqto' 'enauac namayipi ÿataqta n'atta't, da ÿataqta 'oonolec ca lataxac da qomi' n'attau'alo, yaqto' ishit da 'eeta'am da 'am aÿim qoueta'aguet, qataq aÿim 'am soota'aguet. Qataq ñishitaique da namayipi ÿataqta n'atta't, yaqto' nam huetalec ana 'alhua ishit da i'amaqten da aÿim 'adamaxashic.

Juan 17:23

Aÿim soota'aguet namayipi, qataq 'am aÿim qoueta'aguet, yaqto' namayipi ishit da ÿataqta 'oonolec ca lataxac, qaq yaqto' nam huetalec ana 'alhua ishit da ila'a da 'am aÿim 'adamaxashic, qataq da ÿataqta 'auauotec namayipi, 'eeta'am da 'eetec da ÿataqta aÿim 'auauotec.

Juan 17:26

Aÿim mashi saÿajnaxanaxanec namayipi da qoneta, qalaxayi ñaqaiyita aÿim ñaq shicto'ot da 'am sa'axattac, yaqto' dam 'adauotaxanaqtaic da shiita nachi 'eetai' da huetaigui namayipi, qataq yaqto' aÿim nachi 'eetai' da soota'aguet namayipi.

Juan 17:3

Qaq de'eda achaalataxac mayi chochaq tateec, damayi nachida da naigui da 'am qaÿauatton, 'am Dios mayi nachi'amta qataq 'am 'eesa, qataq na 'ai'alec Jesucristo mayi 'anamaq co'ollaxa.

Juan 17:6

Qaq nam 'adca'aguishicpi mayi 'auachigoxottoigui co'ollaxa nam huetalec ana 'alhua da yaqto' aÿim 'ai'anem, namayipi sogote da sa'axattem da qoneta. Namayipi 'adalamaxatpi, qalaxayi aÿim 'ai'anem, qaq namayipi ÿataqta ÿalaxaguet da 'ad'aqtac.

Juan 17:8

cha'ayi mashi sanem dam 'ad'aqtac mayi aÿim 'ai'anem. Qaq namayipi ÿaconguet, qataq ÿaÿateeta da ÿoqta 'eesa da 'am sachigoqtot, qataq i'amaqten da aÿim 'adamaxashic.

Juan 6:46

Sa ishit da huo'otaq huo'o ca ilogui da lashiguiÿaxac ñi ita'a; chaqnata nam chigoqtot ñimayi mayi nachinata ishit da ÿauatton ñimayi.

Juan 8:19

Nachi qainattac somayi, qoÿiita': –¿Huá'ague ca neta'ague ca 'adta'a? Nachi so Jesús 'enapeco': –Qami' sa ishit da aÿim qauauattoñi, qaq nachi 'en'am ñi ita'a sa ishit da qauauattoñi. Cha'ayíctaxa da aÿim qauauattoñi, nachi nataq'en ishit da qauauattoñi ñi ita'a.

2 Corintios 4:6

Cha'ayi ñim Dios mayi maichi namaq asom lcoÿadaxanaqte, da yaqto' icoÿadelec nam napalaxa, qaq nachiñi ñimayi icoÿadoiguilo naua qadquiyaqte, chigoqchigui naq'en asa'aso lcoÿadaxanaqte, da yaqto' ishit da sauattonaq da lli'oxoyic ñimayi mayi 'edoigui naq'en da lashiguiaxac so Jesucristo.

Hebreos 1:3

Qaq somayi nachiso som lli'oxoyic da l'edaxa ñi Dios, qataq somayi nachiso som lqui'iÿaxac ñimayi, qataq somayi nachiso som nllitañi 'enauacna, nam l'aqtaqa mayi qaica ca ÿaqalana'pe. Qaq somayi co'ollaq imat da iÿouec 'enauac nam qadasouaxashitpi, nachi somayi nso'ongue da aloic ñi Dios mayi nso'ootangui aca nso'onaxaqui da nta'a mayi neta'ague da piguem.

1 Juan 2:13

Qataq qami' ÿi'axaiquipi, qami' samaxalo ana ÿide, cha'ayi mashi ÿataqta qauauattoñiita som nal'ena da huo'o co'ollaq ñaq saxanaxa da huo'o ana 'alhua. Qataq qami' nsoxotpi, qami' samaxalo ana ÿide, cha'ayi mashi qodoxonqui so shiÿaxaua lma'na. Qataq qami' ÿalqolqa, qami' samaxalo ana ÿide, cha'ayi mashi qauauattoñiita ñi qadta'a.