Juan 14:21 - Nuevo Testamento Toba Sur

²¹ Qaq ca ÿaÿateeteguet qataq ÿalaxaguet na ÿamaxasoxonaxacpi, camayi yi'oq da ÿataqta 'eesa da aÿim ÿauotec. Qaq ñim ita'a ÿataqta ÿauotec cam aÿim ÿauotec, qaq aÿim nataq'en ÿataqta sauotec camayi, qataq ñachaxana.

Nuevo Testamento Toba Sombrero Negro

²¹ Joga'me jo'ne yaconegueta daa'me yamaĝajoĝonaĝaco nataq'aen da'me yoqo'chalo, qama'le nach'ega yaloĝon da'me yataqachiñe eja jayem noqopita. Qama'le ñe'me Taĝadena' noqopita ga'me jo'ne jayem noqopita, qama'le nach'e ena'am da'me jayem joqopita joga'me nataq'aen da'me ñaloĝoneguet.”

La'aqtaqa Ñim Lo'onatac 'Enauacna 2013

²¹ Qaq ca ỹaỹateeteguet qataq ỹalaxaguet na ỹamaxasoxonaxacpi, camaye yo'oq da ỹataqta 'eesa da Aỹem ỹauotec. Qaq cam Aỹem ỹauotec, nache Ñim Ita'a nataqa'en ỹauotec camaye. Qaq Aỹem nataqa'en ỹataqta sauotec camaye, qataq ỹataqta ñachaxana.

Juan 14:21 Iomraidhean Croise

Lucas 11:28

Qalaxayi somayi 'enapeco': –¡Qalaxayi ÿataqta ÿacteec da machiguiñi cam n'axaÿaxana dam l'aqtac ñi Dios qataq ÿalaxaguet!

Juan 14:15

Qaq da qami' aÿim qauauochiic, qaq qaualaqailguete naua ÿamaxasoxonaxaco.

Juan 14:18

Aÿim sa ishit da qami' sala't; aÿim ñi'iguelaq qome, da yaqto' qami' soota'agueta.

Juan 15:14

Qaq qami' nachiqami' ñauochaxa'u, da qau'ochi dam qami' samaxalguete.

Juan 16:14

Qaq camayi qome ÿataqta aÿim ÿi'oxoden, cha'ayi camayi ÿaconguet nam ÿalamaxatpi, nachi qami' ÿaÿajnaxanaxanque.

Juan 16:27

cha'ayi ñimayi maichi qami' ÿauoteque. Qami' ÿauoteque, cha'ayi aÿim qauauochiic, qataq qau'amaqchiñi da aÿim sachigoqtot ñimayi.

Juan 17:23

Aÿim soota'aguet namayipi, qataq 'am aÿim qoueta'aguet, yaqto' namayipi ishit da ÿataqta 'oonolec ca lataxac, qaq yaqto' nam huetalec ana 'alhua ishit da ila'a da 'am aÿim 'adamaxashic, qataq da ÿataqta 'auauotec namayipi, 'eeta'am da 'eetec da ÿataqta aÿim 'auauotec.

Hechos 22:18

Aÿim sela'a so qadataxala', nachi aÿim 'eetega, 'eeta': “Sa 'anaÿaloxon qome da qoca'ai na Jerusalén, cha'ayi sa ishit da qaÿaconguet da 'ad'aqtaxanaxac da aÿim 'au'axattac.”

2 Corintios 12:8

Qaq ÿoqo'oyi tres da shi'iguelaxalec da seÿaxanot so qadataxala' da ña nqat.

2 Corintios 3:18

Qaq ÿoqo'oyi 'enauac da shinaqta mashi qaica som lapoxot na qadashic, nachi shinaqta'am aca tannaxai mayi 'edoigui naq'en da lli'oxoyic so qadataxala', qataq nachi ñiquigaqta'aguet da shinaqta'am so Cristo, cha'ayi dam lli'oxoyic somayi nachi qomi' nquigaxattrashigue'm. Qaq 'eda da 'eetec so qadataxala' da nachiso so Espíritu Santo.

2 Corintios 4:6

Cha'ayi ñim Dios mayi maichi namaq asom lcoÿadaxanaqte, da yaqto' icoÿadelec nam napalaxa, qaq nachiñi ñimayi icoÿadoiguilo naua qadquiyaqte, chigoqchigui naq'en asa'aso lcoÿadaxanaqte, da yaqto' ishit da sauattonaq da lli'oxoyic ñimayi mayi 'edoigui naq'en da lashiguiaxac so Jesucristo.

2 Ts 2:16

Qaq ñim qadataxala' Jesucristo qataq ñi qadta'a Dios ñim qouagaxanaqtaqaic mayi qomi' ÿauoteque, qataq qomi' ÿanema da qad'añaxac chochi tateec, qataq da ÿaÿamaqchiguiñi qanaquitaxac,

2 Timoteo 4:22

Qaq ñi qadataxala' Jesucristo 'am hueta'aguet qome, qaq ñi Dios qami' ÿanema qome ca no'on qoyiquiaxaqui. Aja', nachi 'eetec de'eda.

1 Juan 2:5

Qaq cam i'o't naua lamaxasoxonaxaco ñimayi, nachi camayi ivida'a da ÿataqta ÿauotec ñi Dios. Qaq 'eda da 'eetec da huo'o mshi saÿajnaq da qomi' ñi'adaqtau'a ñimayi.

1 Juan 3:1

Qaq ña qauloÿa da ÿataqta lta'adaic da lauotaxanaqtaic da shinaqta ñi qadta'a Dios da qomi' ÿamata'aque da qomi' llalqa ñimayi, qaq ÿoqta 'eesa da qomi' llalqa. Qaq ÿoqo'oyi sa ishit da qomi' ÿauatto'n nam quetague' na 'onataxacpi mayi huetalec ana 'alhua, cha'ayi sa ishit da ÿauatton ñi Dios.

1 Juan 5:3

Cha'ayi da qaÿauotec ñi Dios, damayi naigui da qaÿalaxaguet nam lamaxasoxonaxacpi ñimayi. Qaq nam lamaxasoxonaxacpi sa ishit da qapa'atta.

2 Juan 1:6

De'eda nauotaxanaqtaic naigui da qaÿalaxaguet na lamaxasoxonaxacpi ñi Dios. Qaq de'eda namaxasoxonaxac mayi qami' qau'aqaichigui co'olloxochiyi, damayi 'eetega da qoñiita'am ca shiÿaxaua dauotaxanaqta.

Apocalipsis 2:17

Qaq ÿoqo'oyi ca ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi, 'eeta': Cam dauegaxan qome, nachi aÿim sanem da chic ca nallic saq cha'a mayi chigoqo'ot ñi Dios, qataq nataq'en sami' ca coma' lapagaxaic. Qaq que'eca coma' nanettalec ca dalaxaic l'enaxat mayi sa ishit da huo'o ca ÿaÿaten, chaqcata cam ÿaconguet mayi ÿaÿaten.”

Apocalipsis 22:14

Qaq ÿataqta machiguiñi qome ca iÿoi' naua alogo, yaqto' ishit da nhuaatau'a aca qo'ipaq mayi chigaqaigui da nca'alaxa, qataq da yaqto' ishit da inoxoneu'a ñi lasom yi'iyi la ciudad.

Apocalipsis 3:20

Qaq ña 'aula'a da aÿim sootaigui na lasom, seÿaxaatac. Qaq da huo'o ca hua'axaÿa da iÿaxanaxac, qaq da aÿim nauateguet, nachi aÿim senoxonoigui ca lma'. Ime, qaq qomi' nqui'axa'u.