Juan 14:2 - Nuevo Testamento Toba Sur

² Cha'ayi yi lma' ñi ita'a ÿataqta qalota na nma'pi. Qaq da sa ishit da 'eetec de'eda, nachi sa ishíttaxa da qami' sa'axattapeguema. Qaq ÿoqo'oyi aÿim ashic, da yaqto' saqataxanai' ca qadmayi.

Nuevo Testamento Toba Sombrero Negro

² Di'me na'ña ñe'me Taĝadena' uo'oe gaa'me 'nachaqa'te jo'ne qayoĝode'. Yataqachiñe eja da'me dojo', qo'che' joote ami ja'aĝatema da'me jec qaedi jiyamaĝateta'ajalo jogaa'me mach'e at'achaqachidi'.

La'aqtaqa Ñim Lo'onatac 'Enauacna 2013

² Cha'aye ye lma' Ñim Ita'a ỹataqta qalota ye ndaqa'pi. Qaq da saishet da 'eetec taxa de'era, nache saishettaxa da qami' sa'aqtaxanema da sheeta', ashec da seqataxanai' ca qarmaye.

Juan 14:2 Iomraidhean Croise

Lucas 14:22

Qaq co'ollaq mashi ñi'iguelaq so nlatac, nachi da'aqtaxan, 'eeta': “'Am ñi'aco', mashi sogote da so'ot 'enauac da aÿim 'auamaxalec, qalaxayi ñaqaiyita ñaq huo'o yi ndaqa'.”

Juan 13:33

Qami' ÿalqolqa, mashi sa ishit da loigui da qami' soota'agueta. Qaq qami' qome aÿim qanmichiitaique, qalaxayi nachi 'eeta'am de'eda i'aqtac co'ollaq shiitega na judiopi da shiita': Sa ishit qome da qauañoxochi da qanqo'oñiÿa cam saÿa.

Juan 13:36

Nachi so Simón Pedro inat so Jesús, 'eeta': –'Am ÿataxala', ¿chaq huá'ague qome ca 'auataigue? Nachi so Jesús 'enapeco': –Cam sataigue nagui, 'am sa ishit qome da 'auañoxot da 'aigue. Qalaxayi qom mashi lcopa'a, nachi 'am qome ishit da aÿim qoquegue.

Juan 14:28

Qaq mashi aÿim qau'aqaitega da aÿim ashic, qataq ñi'iguelaq, da yaqto' qaltaq qami' soota'agueta. Qaq da ÿoqta 'eesa da aÿim qauauochiic, nachi ishit da qauamaichiguiñi, da qauaÿajñi da aÿim saÿa ñi ita'a; cha'ayi ñimayi aÿim napacalec da l'amaqchic.

Juan 16:4

Qaq nagui qami' sa'axatema de'eda, yaqto' qom ivita ca laloqo', nachi qami' ishit da qauennachi da mashi sogote da qami' sa'axattapeguema damayi. Sa ishit da qami' sa'axatema de'eda co'ollaq chita'ague da so'onataxan, cha'ayi aÿim ñaq qami' soota'agueta.

Juan 17:24

'Am ita'a, namayipi aÿim 'ai'anem co'ollaxa, qaq ÿoqo'oyi ñishitaique da namayipi aÿim hueta'aguet qome cam soota'a, yaqto' ÿauaachigui cam ÿi'oxoyic mayi aÿim 'ai'ami'. Cha'ayi 'am nal'ena co'ollaxa da ÿataqta aÿim 'auauotec co'ollaq saxanaqaca ana 'alhua.

Hechos 9:16

Qaq ñimayi aÿim sachaxana qome da ÿataqta qalota da nque'ejnaxac souaxat aÿim.

2 Corintios 5:1

Qaq ÿoqo'oyi qomi' saÿajnaq da huo'otaq nlaguiñi de'eda qad'oquiaxac, mayi 'eeta'am ca noÿic mayi saq 'eetai', qalaxayi ñi Dios sogote da ÿaqataxaatai' ca qadma' mayi qaica ca loga't da piguem. Camayi sa ishit da chochi shiÿaxaua ca l'onatac.

1 Ts 5:9

Cha'ayi ñi Dios sa ishit da qomi' lca'agui'shi da ÿauo'o ca qanhuaxanaguec ca pa'ateec na'a'q. Chaqdato' da saconaxaguet da nca'alaxa mayi chigoqo'ot so qadataxala' Jesucristo.

Tito 1:2

qataq ÿauattoota nataq'en da aquitaxac da achaalataxac mayi chochaq tateec. Qaq ñim Dios mayi sa datenataxan ñimayi ÿachaxanapec co'olloxochiyi de'eda achaalataxac co'ollaq saxanaqaca ana 'alhua.

Hebreos 11:10

Cha'ayi so Abraham iuatta'a cam la ciudad mayi sa ishit da nlaguiñi, cam la ciudad mayi maichi l'enaqtac ñi Dios qataq maichi n'oxooshiguem.

Hebreos 13:14

Cha'ayi ana souaqtalec 'alhua qaica ca qadma' da huo'otaq nachi 'eetai', cha'ayi qomi' ñimitaqtaique cam la ciudad mayi ñaq naÿa'cna.

Hebreos 6:20

som inoxoneu'a co'ollaxa so Jesús, da yaqto' ÿauategue ca qoyic. Qaq 'eda da 'eetec da so Jesús ivida'a da nachiso so 'oonolec qadtaxaÿaxanaxanec da detaxaÿapegue' ñi Dios, 'eeta'am da lataxac so Melquisedec.

Hebreos 9:8

Qaq 'eda da 'eetec so Espíritu Santo da qomi' i'axatema da se'eso hua'auchiguiñi ndaqa', da ñaq 'eetalec da qai'onataxaatapoigui da qai'ot da ñi'oxonnataxanaxac ñi Dios, nachi saxanaxa da qaÿauategue se'eso ñigueuo mayi taÿau'a so lÿa ndaqa' mayi sa qaishitapec.

Apocalipsis 1:5

Qataq chigoqo'ot so Jesucristo som ÿataqta ipacchiguilo naua l'aqtaqa ñi Dios, qataq nachiso so l'auaxanec da qanca'alaxateeguesop na leuaxaicpi, qataq nachiso so lataxala' na nta'alpi mayi huetalec ana 'alhua. Qaq somayi ÿataqta qomi' ÿauoteque, qataq iÿouec na qadasouaxashitpi, deÿoxonalo naua ltago'q,

Apocalipsis 21:2

Qaq aÿim Juan sela'aguet so dalaxaic la ciudad Jerusalén. Somayi ÿataqta qui'itta, chigaqshiguem, chigoqo'ot ñi Dios. Mashi sogote da 'enauac imeta, 'eeta'am da n'otaxac aca qa'añole da mashi huotaique da huadonguet ca nauonaxaua.

Apocalipsis 3:12

Qaq cam dauegaxan qome, nachi aÿim sanagui da 'ico' aca nhuoqte mayi nllañi aca l'onaxanaxaqui ñi ita'a Dios, nachi camayipi sa ishit da nauane' da pa'auec. Qaq camayipi sedelec da l'enaxat ñi ita'a Dios qataq ca l'enaxat cam lma' ñimayi, cam dalaxaic Jerusalén mayi chigoqo'ot na piguem, chigoqtot ñi ita'a Dios. Nataq'en sedelec camayipi ca dalaxaic i'enaxat.

Apocalipsis 3:21

Qaq cam dauegaxan qome, nachi camayi sanem da huo'o aca nso'onaxaqui ca ñiso'onqa' da aÿim nta'a, da yaqto' 'eeta'am co'ollaq aÿim sauegaxan, nachi ñiso'ona'ai' ñi ita'a Dios.