Juan 14:16 - Nuevo Testamento Toba Sur

¹⁶ Nachi aÿim ñachoxonnot ñi ita'a, da yaqto' qami' namaxalo cam lÿa mayi qami' itaua'n qataq qami' i'añaqchi't, yaqto' camayi nachi 'eetai' da qami' hueta'agueta,

Nuevo Testamento Toba Sombrero Negro

¹⁶ Qama'le jajelaĝanot ñe'me Taĝadena' qaedi namaĝaquena ga'me laqaya jo'ne necochaĝaua, qaedi nach'e eta't ami uetauelo.

La'aqtaqa Ñim Lo'onatac 'Enauacna 2013

¹⁶ Qaq Aỹem ñachoxonnot Ñim Ita'a, da yaqto' qami' namaxalo ca Saqcha'a Na'añaxac Qui'itta da qami' itaua'n, qataq nache 'eetai' da qami' hueta'agueta,

Juan 14:16 Iomraidhean Croise

Mateo 28:20

Qataq qauapaxaguiñiic qome namayipi da ÿalaxalec 'enauac na ÿaqataxacpi mayi qami' sanema. Qataq sa ishit qome da qaucouai'ai da aÿim nachi 'eetai' da qami' soota'agueta 'enauaque naua na'axa'te, chochi ivitta'a ca loga't ana 'alhua. Aja', nachi 'eetec de'eda.

Juan 14:14

Nachi aÿim so'ot qome ca camachaqca qauÿaxañiÿaique da qoviilec da i'enaxat.

Juan 14:18

Aÿim sa ishit da qami' sala't; aÿim ñi'iguelaq qome, da yaqto' qami' soota'agueta.

Juan 14:26

Qalaxayi cam Espíritu Santo, mayi ñi ita'a qami' namaxalo qome, nactaigui naq'en da i'enaxat, da yaqto' qami' itaua'n qataq qami' i'añaqchi't, camayi qome qami' ÿapaxaguenque 'enauac na lataxaguesat, qataq qami' iuennataxanaxanque 'enauac na i'aqtacpi mayi qami' sanoiguilo.

Juan 15:26

Qalaxayi qom ivita da anac cam qami' itaua'n qataq qami' i'añaqchi't, cam Espíritu mayi ÿoqta 'eesa, cam qami' ñamaxalo qome mayi chigoqo'ot ñi ita'a, qaq camayi qome aÿim i'axat.

Juan 16:22

Qaq nachi 'eetec nataq'en da qoñiita nagui huo'o da qadachitataiqui, qalaxayi aÿim qami' ñi'iguelaxalo qome, nachi da qadquiyaqteÿaxaqui ÿataqta nlaqchigui da qantonaxaqui, qaq que'eca qantonaxaqui sa ishit qome da huo'o ca nqat.

Juan 17:15

Qaq aÿim sa ishit da 'am seÿaxaatacot da yaqto' 'anqateeguesop namayipi ana 'alhua, chaqdata da 'am seÿaxaatacot da 'anpaxatalec namayipi, souaxat so shiÿaxaua lma'na.

Juan 17:20

Qalaxayi sa ishit da nachaqnata namayipi da ñachoxodeetapeguelec, nataq'en cam aÿim i'amaqtenpi qome, qom hua'axaÿa ca l'aqtaxanaxac namayipi.

Juan 4:14

Qaq cam nÿomgui ca 'etaxat mayi sanem, camayi sa ishit da ÿi'iguelaxalec da huo'o na laquip. Cha'ayi cam 'etaxat mayi sanem, camayi ÿataqta npaxaatashiguem, 'eeta'am na l'auaxac pa'ataigui camayi. Qaq nachica ca ividaxata'a cam nca'alaxa mayi chochaq tateec.

Juan 7:39

Qaq de'eda 'enapec so Jesús, damayi naigui da ca i'amaqten somayi, nachi camayi ÿaconguet so Espíritu Santo. Cha'ayi so Espíritu Santo saxanaxa co'ollaxa da anac, cha'ayi so Jesús saxanaxa da ivita ca laloqo' da lli'oxoyic.

Hechos 1:4

Qaq co'ollaq ñaq hueta'agueta soua lamaxa'shi, nachi so Jesús huaqattegalo soomayi da sa ishit qome da queda'ai yi la ciudad Jerusalén. 'Eeta': –Qami' qauachiÿa'aguet qome cam ÿachaxanapec ñi ita'a da qami' ÿanema, cam mashi qami' sa'axattapeguema.

Hechos 13:52

Qalaxayi nam da'amqajnataxanpi ÿataqta huo'o da ntonaxac qataq nlaqchigui so Espíritu Santo.

Hechos 9:31

Nachi 'enauac nam 'amqajnataxanaxaicpi mayi netaña yi 'alhua Judea, qataq yi Galilea, qataq yi Samaria, namayipi ÿataqta lactapiguiñi qataq nquictauec da l'añaxac, qataq ÿataqta huo'o da lcolanaxa so qadataxala'. Qaq so Espíritu Santo ÿataqta i'añaqchittac namayipi da nquictauec naq'en yi lcata na da'amqajnataxan.

Romanos 14:17

Cha'ayi da l'onataxanaxac ñi Dios da ilo'ogue 'enauacna, damayi sa ishit da naigui da yi'oqchigui nqui'axac qataq da ÿomaxac, chaqdata da qui'itta achaalataxac, nlagaxayic, qataq da namaiquiaxac mayi chigoqo'ot so Espíritu Santo.

Romanos 15:13

Qaq ñi Dios mayi qomi' ÿanema da qanaquitaxac qami' nlaxatchiguilo qome da qantonaxaqui qataq da qadlagaxayiqui souaxat da qau'amaqchiñi ñimayi, da yaqto' chochaq huañi da qanaquitaxaqui souaxat da l'añaxac so Espíritu Santo.

Romanos 5:5

Qaq de'eda qanaquitaxac i'ot da sa ishit da ñi'aloxonaqtac. Cha'ayi da lsoxoyic ñi Dios sogote da qaicoyinguita naua qadquiyaqte, chigoqchigui naq'en so n'Espíritu Santo mayi qomi' ÿanema.

Romanos 8:34

Qataq ¿négue't ca ishit da ÿauo'o ca lasouaxashit ca shiÿaxaua? ¡Qaica! Cha'ayi so Cristo nachiso so ileu, qaltaq jec da nca'aleeguesop qanqoÿin da nleuaxa. Ime, qaq nso'oota'ague da aloic ñi Dios, nachi nachoxodeetapeguelec da shinaqta.

Gálatas 5:22

Qaq dam alaÿaxac ca netanguit so Espíritu Santo, qalaq 'eeta': Huo'o da lsoxoyic, ntonaxac, l-lagaxayic, lhualaxavic, lauotaxanaqtaic, i'ot ca ÿaÿamaqchiguiñi, qataq npe'et,

Filipenses 2:1

Qaq ÿoqo'oyi so Cristo da qami' i'añaqchi't, qataq da qami' machiyiñi naq'en da lauotaxanaqtaic somayi, qataq da qami' hueta'agueta so n'Espíritu, qataq da qauauattoñi da nauotaxanaqtaic qataq da nchoxonnataxanaxac,

2 Ts 2:16

Qaq ñim qadataxala' Jesucristo qataq ñi qadta'a Dios ñim qouagaxanaqtaqaic mayi qomi' ÿauoteque, qataq qomi' ÿanema da qad'añaxac chochi tateec, qataq da ÿaÿamaqchiguiñi qanaquitaxac,

Hebreos 7:25

Qaq ÿoqo'oyi somayi ishit da chochaq tateec da nca'alaxateec cam chigoqchigui somayi da nañanot ñi Dios. Cha'ayi somayi nachi 'eetai' da nca'altauec, da yaqto' nqouagaxaueetacot ñi Dios souaxat namayipi.

1 Juan 2:1

Qami' ÿalqolqa, shiyiñi de'eda da qami' samaxalo, yaqto' sa ishit da huo'o ca qau'ochi qadasouaxashichi. Qalaxayi da huo'otaq huo'o ca huo'o ca lasouaxashit, qalaxayi huo'o so ishit da qomi' detaqleguete da detaxaÿapegue' ñi qadta'a. Somayi nachiso so Jesucristo som i'ot ca ÿaÿamaqchiguiñi.

1 Juan 2:27

Qalaxayi qami' mashi qami' netanguita so Espíritu Santo mayi qami' ÿanema so Jesucristo. Qaq sa ishit da iuen da huo'o ca qami' ÿapaxague'n, cha'ayi nachiso som Espíritu qami' ÿapaxaguenque 'enauac na lataxaguesat. Qaq nam lapaxaguenataxanaxacpi somayi ÿataqta 'eesa, qaq sa ishit da saq 'en. Qaq ÿoqo'oyi nachi 'eetai' qome da qan'ayiitau'a so Cristo, cha'ayi nachiqami' ÿapaxaguenque so Espíritu.

2 Juan 1:2

Aÿim ÿataqta sauotec 'enauac da qoñiita souaxat dam n'aqtac mayi ÿataqta 'eesa, dam huetaiguilo naua qadquiyaqte, qataq nachi 'eetai' da qomi' hueta'agueta.