Juan 14:12 - Nuevo Testamento Toba Sur

¹² Qaq ÿataqta 'eesa de'eda qami' sa'axatema, da ca aÿim i'amaqten, nachi camayi ishit nataq'en da i'ot nam so'otpi, qataq ishit da ÿataqta ÿacteec da lta'adaic cam i'ot. Cha'ayi aÿim nagui saÿa yi netaña ñi ita'a.

Nuevo Testamento Toba Sombrero Negro

¹² Eja da'me ami ja'aĝatema: ga'me jo'ne jayem p'iya'a nach'e ena'am yauo'oe naa'me 'nonataqa jo'ne joote jauo'oe, nataq'aen yitaĝa yauo'oe qomle gaa'me 'nonataqa laqaya' jo'ne yataqachiñe let'adayaqa, yajouaĝat da'me male jec'ata di'me neta'ña joñe'me Taĝadena'.

La'aqtaqa Ñim Lo'onatac 'Enauacna 2013

¹² Qaq ỹataqta 'eesa de'era qami' sa'aqtaxanema, da ca Aỹem ỹa'amaqten, nache camaye ishet nataqa'en da ỹo'ot nam so'otpi, qaq cha'aye Aỹem nagui saỹa ye netaña Ñim Ita'a, nache qami' ishet da ỹactec ca qauo'oche, napacalec nam so'otpi.

Juan 14:12 Iomraidhean Croise

Mateo 21:21

Nachi so Jesús 'enapeco': –Ÿataqta 'eesa de'eda qami' sa'axatema, da ÿoqta 'eesa da huo'o ca qadpi'iÿaxaqui qataq sa ishit da qauqoleguetaxañi, qaq sa ishit da chaqdata de'eda so'otec ada higo da ishit da qau'ochi. Cha'ayi nataq'en ishit da qoñiÿapega aca qaÿoqotchiguemec 'alhua, qoñiita': “Qoca'ai ne'ena qonetaña, ime, qaq 'angui aso auaxai,” qaq de'eda qad'aqtaqui ÿataqta ipacchigui.

Marcos 11:13

Nachi ilota'a aso higo lchiyic co'ollaq ña qaÿoqta, nachi demejnaxaata da huo'otaq huo'o ana ala. Qalaxayi qaca aca ÿanata, nda'a't ana laue, cha'ayi saxanaxa da laloxoqui da huo'o ana ala.

Marcos 16:17

Qaq cam hueta'ague ca da'amqajnataxan, camayi i'ot qome na n'anecpi mayi 'eeta': qai'onataxana da i'enaxat da qai'odauec na n'ecpi leguemaxaic, qataq da qai'aqtaxanguilo naua ÿaqa'alo n'aqtaqa,

Juan 14:28

Qaq mashi aÿim qau'aqaitega da aÿim ashic, qataq ñi'iguelaq, da yaqto' qaltaq qami' soota'agueta. Qaq da ÿoqta 'eesa da aÿim qauauochiic, nachi ishit da qauamaichiguiñi, da qauaÿajñi da aÿim saÿa ñi ita'a; cha'ayi ñimayi aÿim napacalec da l'amaqchic.

Juan 16:7

Qalaxayi ÿataqta 'eesa de'eda qami' sa'axatema, mayi 'eeta': Aÿim ÿaÿamaqchiguiñi da ashic souaxat da qoñiita. Cha'ayi da sa ishit da ashic, nachi sa ishit qome da anac da qami' hueta'agueta cam qami' itaua'n qataq qami' i'añaqchi't. Qalaxayi da aÿim ashic, nachi ñamaq qome camayi.

Juan 4:37

Cha'ayi ÿataqta 'eesa de'eda 'enapec da n'aqtac naxa, mayi 'eeta': “Huo'o cam danaxaatac, qataq huo'o ca daqataxaatac.”

Juan 5:20

Cha'ayi ñim lta'a ÿataqta ÿauotec nam llalec, ÿoqo'oyi ÿachaxana 'enauac nam i'otpi, qataq ñaq queto'ot da ÿoqta lta'adaicpi qome na ÿachaxanapi namayi, nachi ÿataqta ishit qome da i'ot da qad'aalaqai.

Juan 7:33

Nachi so Jesús 'enapeco': –Aÿim ñaq cada'acolec da qami' soota'agueta. Qaq qom ime, nachi aÿim shi'iguelaxa ñi aÿim namaq.

Juan 7:39

Qaq de'eda 'enapec so Jesús, damayi naigui da ca i'amaqten somayi, nachi camayi ÿaconguet so Espíritu Santo. Cha'ayi so Espíritu Santo saxanaxa co'ollaxa da anac, cha'ayi so Jesús saxanaxa da ivita ca laloqo' da lli'oxoyic.

Hechos 10:46

Cha'ayi souaxat da hua'aqtrega namayipi da detaqtegoiguilo naua n'aqtaqa mayi sa qaÿauanapegalo qataq ÿi'oxodeetac ñi Dios.

Hechos 16:18

Qaq ÿataqta huo'oi soua na'axa'te da nachi 'eeta'ac de'eda. Qaq chochi ivitta'a da ÿataqta sa ÿaÿamaxaden so Pablo. Nachi somayi ÿi'iguelaxaguet asomayi, nachi 'enapego' som n'ec mayi netaigui asomayi, 'eeta': –'Am sedolec da l'enaxat so Jesucristo da qoca'ai ana'ana qa'añole. Nachi som n'ec ca'ai asomayi.

Hechos 19:12

chochi ivitta'a somayi da huo'otaq qaidouec ca camachicague't ncopaxa, huo'otaq ca l'ola' mayi nhuoctapeeguet da l'oquiaxac, da yaqto' qalapaxalec ca sa no'on, nachi ishit da no'oita, qataq i'odauec na n'ecpi leguemaxaic.

Hechos 2:33

Qaq ÿoqo'oyi somayi ñi Dios ÿacoosop da ÿaueegue da piguem, idolec na lhuaq aloic. Huaña, nachi somayi ÿaconguet so Espíritu Santo mayi ÿachaxanapeguem co'ollaxa ñi lta'a da ÿanem. Qaq 'enauac de'eda qauauañiichigui qataq qau'aqaichigui, damayi chigoqo'ot somayi.

Hechos 2:41

Huaña, nachi nam ÿalaxaguet da l'aqtaxanaxac so Pedro, nachi qanachilaxan. Nachi se'eso na'a'q nquigueec na da'amqajnataxan, cha'ayi huac da ivi' ca tres mil so shiÿaxauapi dalaxaicpi.

Hechos 4:16

Nachi somayipi 'enapeco': –¿Chaq huá'ague ca shinaqteque de'edaua shiÿaxa'u? Cha'ayi mashi 'enauac nam netaña na Jerusalén ÿaÿaten da i'o't de'eda n'anec mayi sa qaÿauanapega daamayi, qaq damayi sa ishit da soqoleguetaq.

Hechos 4:33

Qaq soua namaxa'shi ÿataqta huo'o da l'añaxa'c, nachi quetoto da i'axattrac da mashi qaltaq qanca'alaxateec so qadataxala' Jesús, qaq ñi Dios ÿanem da nqouagaxa 'enauac somayipi.

Hechos 4:4

Qalaxayi ÿataqta qalota na shiÿaxauapi nam n'axaÿaxaatega se'eso n'aqtaxanaxac na da'amqajnataxan. Qaq yim lcata so dalaxaic da'amqajnataxan huac da ivi' ca cinco mil ndoteec na ÿallippi.

Hechos 5:15

Qaq ÿoqo'oyi ivida'a da qanqateec na dalolaxaicpi, qaÿachitalguete naua lmala'te qataq naua lacanqa, da qaidougalo na nqa'aico, yaqto' da huo'o ca nateuga so Pedro, nachi nai'ctaxa da huo'otaq chochi lpaqal ca tajlec ca 'oonolec namayipi.

Hechos 6:7

Nachi da l'aqtac ñi Dios ÿataqta nquictashiguem qataq yi lcata na da'amqajnataxan yi Jerusalén ÿataqta nquictauec, ivida'a da qalota na da'amqajnataxan nam ntaxaÿaxanaxanecpi da qaitaxaÿapegue' ñi Dios mayi judío l'ecpi.

Hechos 8:7

Cha'ayi qalota na shiÿaxauapi na huo'o na l'ec leguemaxaic na qanataden, qaq nam n'ecpi mayi inoxoneec, namayipi i'alaqtagui. Qataq nataq'en qalota na qanataden nam sa da'añiigue qataq nam huaÿodaxaicpi.

Hechos 9:34

Nachi so Pedro 'enapego' somayi, 'eeta': –Eneas, 'am nataden so Jesucristo, qoñishiguem qome, nachi 'aunana't na 'adacanec. Nachi so Eneas ñishiguem.

Hechos 9:40

Qaq co'ollaq ime, nachi so Pedro ipa'axaneec 'enauac somayipi, nachi i'alyiñi naua l-llicte da nqouagaxauen. Qaq co'ollaq ime, nachi ÿamatalec asom leuaxai, nachi 'enapega, 'eeta': –Tabitá, qoñishiguem. Nachi asomayi ÿauachiguilo naua l'ai'te. Qaq co'ollaq ila'a so Pedro, nachi ñishiguem, nachi nso'ooñi.

Romanos 15:19

qataq da l'añaxac na n'anecpi qataq nam sa qaÿauanapegapi qataq da l'añaxac so Espíritu Santo. Qaq 'eda da 'eetec da aÿim sematta da sa'axat da n'aqtac mayi n'aqtaguec so Cristo dam chigaqaigui da nca'alaxa, sachigoqchiguiña yi Jerusalén qataq 'enauaque naua 'ale'u, chochi sovitta'a yi Iliria.