Juan 13:5 - Nuevo Testamento Toba Sur

⁵ Nachi icoyingui so 'etaxat so pilotaxaqui, nachi iÿoi' naua lapia'te so lapaxaguenatacpi qataq da ÿaqaxaÿaxa't, huota'a naq'en se'eso pilotaxat mayi nsattagui.

Nuevo Testamento Toba Sombrero Negro

⁵ Yem qama'le yecodiñgui joga'me noĝop ga'me ouelae qama'le yiyo'y gaa'me lapia'te jogaa'me lapaĝaguenataqa nataq'aen da'me yaqayaĝa't, da'me ya'uo ga'me ualoĝo lae jo'ne nejatetaye.

La'aqtaqa Ñim Lo'onatac 'Enauacna 2013

⁵ Nache icoyingui so 'etaxat so pilotaxaqui, nache iỹoi' naua lapia'ate soua lapaxaguenataqa qataq ỹaqaxaỹaxa't, huota'a naqa'en so pilotaxat hualoq laỹe.

Juan 13:5 Iomraidhean Croise

Lucas 7:38

Nachi asomayi noÿiitac, nachi huaqtau'alo naua lchil so Jesús, nachi iÿota'pe, deÿoxonalo naua lachi'. Ime, qataq ÿaqaxaÿaxa't naua lchil somayi, huota'a na laue. Nachi napigoqta'pe, qataq icodelguete som codaxat.

Lucas 7:44

Nachi so Jesús ÿamato'ot aso 'alo. Ime, qaq 'enapega so Simón, 'eeta': –¿'Am peta'a 'aulota'a añi'añi 'alo? Can ñinoxonoigui na 'adma', qalaq sa ishit da aÿim 'ai'anem ca 'etaxat da seÿoi' naua ichil. Qalaq añim aña' 'alo yi iÿoi' naua ichil, deÿoxonalo naua lachi', qataq ÿaqaxaÿaxa't, huota'a na laue.

Juan 13:10

Qalaxayi so Jesús 'enapeco': –Cam ñaq chita'ague da nachiltac, camayi sa iuen da qaltaq nÿo, cha'ayi nachaqnauate' naua lapia'te iÿoi', cha'ayi camayi sogote da qui'itta. Qaq qami' sogote da qami' qui'itte', nai'ctaxa da sa imauec da ÿoqta qami' qui'itte'.

Juan 13:6

Qaq co'ollaq taÿa'a so Simón Pedro da huotaique da iÿoi' naua lapia'te, nachi somayi 'enapeco': –'Am ÿataxala', ¿peta'a 'anshitaique da 'auÿoi' naua ÿapia'te?

Juan 13:8

Qalaxayi so Pedro 'enapeco': –'A'i, sa ishit da 'am sashinem da 'auÿoi' naua ÿapia'te. Nachi so Jesús 'enapega somayi, 'eeta': –Da sa ishit da 'am seÿo, nachi 'am sa ishit qome da 'am ÿapaxaguenatac.

Juan 19:34

Qalaxayi so 'oonolec soua ale't, somayi i'adeu'a na laÿi somayi aso lataquiaxai, nachi anac so ltago'q qataq so 'etaxat.

Hechos 22:16

Qaq ÿoqo'oyi nagui, ¿négue't cam 'au'aptapigui? Qoñishiguem qome, nachi 'am qanachilaxan, ÿataqta 'aupi'iÿa'a da l'enaxat so qadataxala', yaqto' ishit da qaÿapalaxat na 'adasouaxashitpi.”

1 Corintios 6:11

Qaq huo'o co'ollaxa da qoñiita na 'eeta'am ne'enapi. Qalaxayi mashi qami' qaiqui'itaxatte', qataq mashi qanañañiÿot ñi Dios, qataq ñimayi mashi qami' ÿaÿamaxadeete'. Qaq 'enauac de'eda chigoqchigui so qadataxala' Jesús qataq so Espíritu mayi chigoqo'ot ñi qadta'a Dios.

Efesios 5:26

Qaq 'eetec de'eda somayi, cha'ayi nshitaique da iqui'itaxatta na 'amqajnataxanaxaicpi, idolec na 'etaxat da iÿo qataq da l'aqtac.

1 Timoteo 5:10

Qataq qaÿauattoota da l'onataxanaxac ÿaÿamaqchiguiñi. Qaq 'eda da n'aqtaguec acamayi: Da ÿataqta no'on da lco'oxoc, qataq da ilo'oguet ca namaxasoxoic, qataq qaica ca huotaique da huapegue' na 'amqajnataxanaxaicpi, qataq da huo'otaq mashi itauaatac da huo'o ca huetapigui ca lÿa, qataq da huo'o ca lÿa l'onataxanaxac ÿaÿamaqchiguiñi.

Hebreos 10:22

Qaq ÿoqo'oyi qomi' ishit da ñiquigaxau'a ñi Dios, qalaxayi ÿataqta huesote' ñaq'enaq naua qadquiyaqte, qataq ÿataqta 'eesa ñaq'enaq da qadpi'iÿaxac. Cha'ayi ñimayi mashi iqui'itaxatte' naua qadquiyaqte, yaqto' qomi' sa ishit da 'eeta'am da ñaq huo'o ca qadasouaxashit qataq mashi sogote da qaiÿota da qad'oquiaxac, qaÿauota'a na ndoteec 'etaxat.

1 Juan 1:7

Qalaxayi da ñachaataqtaigui na yi'oqchiguiñi, da shinaqta'am ñi Dios da nachattaigui na yi'oqchiguiñi, nachi ñi 'oonolec da shinaqta ÿataqta n'atta'ai' ca lÿa, nachi naua ltago'q mayi qaicoldeec so llalec Jesucristo co'ollaq qaÿalauat, iÿouec 'enauac na qadasouaxashit.

1 Juan 5:6

Qaq da lvidaxac co'ollaq hueta'a ana 'alhua so Jesucristo, dos naua l'anqa'te: so 'etaxat co'ollaq qanachilaxan, qataq soua ltago'q co'ollaq qaÿalauat. Qaq sa ishit da nachaqsota so 'etaxat, cha'ayi nataq'en soua ltago'q co'ollaq qaÿalauat. Qaq so Espíritu Santo nachiso so i'axat de'eda, qalaq ÿataqta 'eesa da l'aqtaxanaxac.

Apocalipsis 1:5

Qataq chigoqo'ot so Jesucristo som ÿataqta ipacchiguilo naua l'aqtaqa ñi Dios, qataq nachiso so l'auaxanec da qanca'alaxateeguesop na leuaxaicpi, qataq nachiso so lataxala' na nta'alpi mayi huetalec ana 'alhua. Qaq somayi ÿataqta qomi' ÿauoteque, qataq iÿouec na qadasouaxashitpi, deÿoxonalo naua ltago'q,

Apocalipsis 7:14

Nachi aÿim shiita': –Aque', 'am ÿataxala', 'am mayi 'auaÿaten. Nachi somayi 'eeta': –Qomyi ne'ena, nachina na chigoqtoigui da lta'adaic que'ejnaxac. Nachina na iÿoi' naua alogo qataq ÿataqta qui'itta, souaxat da deÿoxonalo naua ltago'q ñi qagueta llalec.