Juan 13:34 - Nuevo Testamento Toba Sur

³⁴ Qaq nagui qami' sanema da dalaxaic namaxasoxonaxac, 'eeta': Ñi 'oonolec qome da qoñiita ÿataqta ÿauotec ca lÿa. Qoñiita'am da shiitec da ÿataqta qami' sauoteque, qaq nachida qome da qoñiitec da ñi 'oonolec da qoñiita ÿataqta ÿauotec ca lÿa.

Nuevo Testamento Toba Sombrero Negro

³⁴ Chane'eja nayi male ami janema jenjo' dalaĝaic yamaĝajoĝonaĝac: yataqata anoqopichiya'a't onolqa'tape da'me ami. Aueñe'tem da'me jayem da'me yataqata ami joqopitalo, nach'ena jenjo' auauoyi da'me anoqopichiya'a't qomle.

La'aqtaqa Ñim Lo'onatac 'Enauacna 2013

³⁴ Qaq nagui qami' sanema da dalaxaic namaxasoxonaxac, 'eeta': Ñi 'oonolec da qoñiita ỹataqta ỹauotec ca lỹa. 'Eeta'am da sheetec da ỹataqta qami' sauoteque, qaq nachera qome da qoñiitec da ñi 'oonolec da qoñiita ỹataqta ỹauotec ca lỹa.

Juan 13:34 Iomraidhean Croise

Mateo 5:44

Qalaxayi qami' shinapegalo da ÿataqta qauauochiic ca qami' ipa'agueeta'pe, qataq qauasaqailec ca no'on ca qami' ishiueeta'pe, qataq qau'ochiic ca ÿaÿamaqchiguiñi cam qami' nquiÿategalo, qataq qanatamñiitalec cam qami' ishiueeta'pe, qataq cam qami' sa iyacna'pe.

Juan 15:17

Qaq 'eda qome da qami' samaxalguete, 'eeta': Ñi 'oonolec qome da qoñiita ÿataqta ÿauotec ca lÿa.

Juan 17:21

Qataq 'am seÿaxanot, 'am ita'a, da yaqto' 'enauac namayipi ÿataqta n'atta't, da ÿataqta 'oonolec ca lataxac da qomi' n'attau'alo, yaqto' ishit da 'eeta'am da 'am aÿim qoueta'aguet, qataq aÿim 'am soota'aguet. Qataq ñishitaique da namayipi ÿataqta n'atta't, yaqto' nam huetalec ana 'alhua ishit da i'amaqten da aÿim 'adamaxashic.

Romanos 12:10

Ñi 'oonolec ÿataqta ÿauotec ca lÿa, 'eeta'am naq'en da lauotaxanaqtaic ca maichi lqaÿa. Qataq ÿataqta ipacapega ca lÿa, qataq ñi 'oonolec sa ishit da saq huo'o naq'en ca 'enec ca lÿa.

Romanos 13:10

Cha'ayi cam huo'o da lsoxoyic, camayi sa ishit da n'aqchit ca lÿa, qaq ÿoqo'oyi de'eda nsoxoyic nachida qone' da ipacchigui 'enauac na lqataxacpi ñi Dios.

Romanos 13:8

Sa ishit qome da huo'o ca neto'ot aca qadavigaxaischi, chaqdato' da lauotaxanaqtaic ñi 'oonolec ca lÿa. Cha'ayi ca ÿauotec ca lÿa, nachi camayi ÿataqta ipacchigui dam lamaxasoxonaxac na lqataxacpi ñi Dios.

Gálatas 5:22

Qaq dam alaÿaxac ca netanguit so Espíritu Santo, qalaq 'eeta': Huo'o da lsoxoyic, ntonaxac, l-lagaxayic, lhualaxavic, lauotaxanaqtaic, i'ot ca ÿaÿamaqchiguiñi, qataq npe'et,

Gálatas 5:6

Qataq da mashi sogote da ñi'adaqtau'a so Cristo Jesús, nachi ÿataqta qaica ca naigui da qaÿauo'o ca n'anaxat na l'oc ca shiÿaxaua, huo'otaq jegatai'. Cha'ayi dam ÿataqta huo'o ca naigui, nachida dam qadpi'iÿaxac. Qaq de'eda qadpi'iÿaxac, nachida da qomi' nachaatoiguilo naq'en da nsoxoyic.

Gálatas 6:10

Qaq ÿoqo'oyi da ivita da huo'o ca qaddaqa', nachi 'enauac so'otaxac ca ÿaÿamaqchiguiñi na shiÿaxauapi, lamaaxa da nachina na qad'amqajnataxanaxauapi.

Gálatas 6:2

Ñi 'oonolec da qoñiita itauan qome ca lÿa da nachishiguem ca lli'ac, qaq yaqto' ishit da qaupaquiichigui da l'aqtac so Cristo.

Efesios 5:2

Qataq ÿataqta qami' soxodaiqa, yaqto' qoñiita'am so Cristo da ÿataqta qomi' ÿauoteque, qataq qomi' nañaalguete da qomi' ileualguete, 'eeta'am ca qagueta llalec da qaÿalauat, qataq qaÿavigaxat da qoÿanot ñi Dios. Qaq da alaitaÿaxac ÿataqta ÿaÿamaxadeeta ñimayi.

Colosenses 1:4

Cha'ayi co'ollaq huo'o da qad'axaÿaxac da qadpi'iÿaxaqui so Cristo Jesús qataq da qadauotaxanaqtaiqui 'enauac nam lalamaxatpi ñi Dios,

1 Ts 3:12

Qaq ñim qadataxala' Jesús nañaxat qataq chochi huañi naq'en da qadsoxoyiqui, yaqto' qanchoxonñiÿa't qataq qavidaxachiÿauga 'enauac na shiÿaxauapi, 'eeta'ama qomi' da ÿataqta qami' sauotaxaque.

2 Ts 1:3

Qami' qadqaÿa't, qomi' soqolaqtot da sanaqtacot da qan'achiquiaxac ñi Dios, souaxat da qoñiita. Qaq damayi nachi lataxac, cha'ayi qami' ÿataqta nquictashiguem da qadpi'iÿaxaqui qataq da lsoxoyic ñi 'oonolec da ÿauotec ca lÿa, ÿataqta nqochiitauec.

Hebreos 13:1

Sa ishit qome da ÿaxaneec ñi 'oonolec da qoñiita da ÿauotec ca lÿa, 'eeta'am naq'en da lauotaxanaqtaic ca maichi lqaÿa.

Santiago 2:8

Da ÿoqta 'eesa qau'ochi dam napacalec na laÿipi nqataxacpi mayi 'eeta': “'Auauotec ca 'adÿa, 'au'enaxatchigui da maichi 'anauojla't,” qaq damayi ÿataqta ÿaÿamaqchiguiñi.

1 Pedro 1:22

Qaq nagui da chigoqchigui so Espíritu Santo da qami' qaualaqailec da n'aqtaxanaxac mayi ÿataqta 'eesa, nachi ÿataqta qauqui'itaxachiita da qanachaalataxaqui, da yaqto' ÿataqta qauauochiic na qadqaÿanquiipi. Qaq ÿoqo'oyi ñi 'oonolec da qoñiita ÿataqta imauec naq'en da lquiyaqteÿaxac qataq 'enauac da l'añaxac da ÿauotec ca lqaÿa.

2 Pedro 1:7

qataq da qaÿauotec ca nÿa, qataq da qadsoxoyiqui.

1 Juan 3:11

Cha'ayi dam n'aqtaxanaxac mayi qau'aqaichigui co'ollaq chita'ague da qau'amqajnataxañi, 'eeta': Ñi 'oonolec da shinaqta ÿataqta ÿauotec ca lÿa.

1 Juan 3:23

Qaq dam lamaxasoxonaxac ñimayi 'eetega da qomi' sa'amaqtenaq so llalec Jesucristo, qataq 'eetega da ñi 'oonolec da shinaqta ÿataqta ÿauotec ca lÿa. Nachida da qomi' ÿamaxalguete.

1 Juan 4:21

Qaq ñimayi qomi' ÿanema da lamaxasoxonaxac, 'eeta': Ca ÿauotec ñi Dios, qaq no'on da nataq'en ÿauotec ca lqaÿa.

2 Juan 1:5

Qaq nagui 'am ÿaqaÿa, 'am ñachoxonnot da ñi 'oonolec da shinaqta ÿataqta ÿauotec ca lÿa. Qaq de'eda shiyiñi da 'am samaxa sa ishit da huo'otaq dalaxaic namaxasoxonaxac, cha'ayi nachidatac da namaxasoxonaxac mayi saconaxaguet co'ollaq chita'ague da sa'amqajnataxanaq.