Juan 13:18 - Nuevo Testamento Toba Sur

¹⁸ Qaq aÿim sa ishit da imauec da qoñiita da qami' setaqtapoiguilo, cha'ayi aÿim saÿateeta nam ÿataqta llica'aguishicpi. Qalaxayi ÿataqta ipacchigui qome da 'enapec naua ñiyigui'shi n'aqtaqa, mayi 'eeta': “Cam maichi iqui'axaua, qalaq camayi aÿim dataÿa'aguet da aÿim npa'aguene'.”

Nuevo Testamento Toba Sombrero Negro

¹⁸ “Ja ademiya ta'le ami ja'aĝate'tape nayi, qa'a jayate'n jogaa'me jo'ne je'n yecochaĝa'u. Qalaĝaja yataqata yepaquichigui qomle da'me qoyediñe joca'li jo'ne eet'oi: «Joga'me mach'e yiqui'yaĝaua naqaega jo'ne jayem nautena jo' qomle.»

La'aqtaqa Ñim Lo'onatac 'Enauacna 2013

¹⁸ Qaq Aỹem saishet da imauec da qoñiita da qami' setaqtapoiguilo, cha'aye Aỹem sauattoota nam ỹataqta ica'aguishecpi. Qalaxaye no'on da ỹataqta ipacchiguilo naua nanettralec ana nere maye huetalec na la'aqtacpi Ñim Lo'onatac 'Enauacna maye 'eeta': «Cam maiche iquia'axaua, qalaq camaye Aỹem dataỹa'aguet.»

Juan 13:18 Iomraidhean Croise

Mateo 10:36

Qaq ÿoqo'oyi ñi 'oonolec maichi npa'agueetapegue' ca maichi lalamaxat lauo' l'ec.

Mateo 26:21

Qaq co'ollaq ña deque'eta'pe, nachi 'enapeco': –Ÿataqta 'eesa de'eda qami' sa'axatema da ñi 'oonolec da qoñiita aÿim ÿaneuo.

Mateo 26:23

Nachi so Jesús 'enapeco': –Ñim ÿauoltenaxanaxaua ne'ena qadqui'axaqui, nachiñi qome ñim aÿim ÿaneuo.

Marcos 14:17

Qaq co'ollaq mashi pe, nachi ivideuo so Jesús, nnaictagueto soua doce lapaxaguenataqa.

Marcos 14:18

Nachi somayi co'ollaq mashi datatalec so nqui'axala' da deque'etac, nachi so Jesús 'enapegalo' soomayi, 'eeta': –Ÿataqta 'eesa de'eda qami' sa'axatema, da ñi 'oonolec da qoñiita mayi aÿim lqui'axaua, ñimayi nachiñi ñi aÿim ÿaneuo.

Marcos 14:20

Nachi so Jesús 'enapeco': –Ñimayi nachiñi ñi 'oonolec da qoñiita, qami' doce, ñim ÿauoltenaxanaxaua ne'ena qadqui'axaqui.

Lucas 22:21

Qaq nagui ñi aÿim ÿaneuo qome, ñimayi nataq'en ñiso'onaqta'ai', datatalec ne'ena qadqui'axala'.

Juan 13:21

Qaq co'ollaq ime da nasaxauec de'eda l'aqtac, nachi so Jesús nomteguet da sa nalo'oguet da lquiyaqteÿaxac. Huaña, nachi ÿataqta i'axatta de'eda, 'eeta': –Ÿataqta 'eesa de'eda qami' sa'axatema, da 'oonolec da qoñiita ñi aÿim ÿaneuo qome.

Juan 13:22

Nachi so lapaxaguenatacpi somayi namatapega't, cha'ayi sa ÿaÿaten chaq negue'tca cam qoÿiitega somayipi.

Juan 13:26

Nachi so Jesús 'enapeco': –Aÿim qome ñauolchiiñi ca laÿi ana pan, qaq ca aÿim sami', qachi nachica. Ime, nachi somayi nauolchiiñi so laÿi ana pan, nachi ÿami' so Judas Iscariote, som llalec so Simón.

Juan 15:16

Qami' sa ishit co'ollaxa da aÿim qalca'aguishiqui, aÿim mayi qami' llica'agui'shi. Nachi qami' shinapegalo da yaqto' ÿataqta qalota da alaÿaxac da qanachaalataxaqui, qaq de'eda alaÿaxac da qanachaalataxaqui, damayi nachi 'eetai'. Qaq yaqto' ñi ita'a qami' ÿanema 'enauac nam qauÿaxañiÿaique da huo'otaq qoviilec da i'enaxat.

Juan 15:19

Qami' da huo'otaq qami' lashi' ana 'alhua, nachi nam shiÿaxauapi mayi huetalec ana 'alhua, namayipi ishit da qami' ÿauoteque, 'eeta'am da 'eetec da ÿauotec nam lalamaxatpi. Qalaxayi aÿim qami' llica'agui'shi, qami' sachigoxottoiguilo nam huetalec ana 'alhua. Qaq ÿoqo'oyi namayipi ÿataqta qami' nquiÿalo, cha'ayi qami' sa ishit da qami' lashi' ana 'alhua.

Juan 15:25

Qalaxayi damayi nachi lliquiaxac qanqoÿin, yaqto' ishit da ipacchigui da n'aqtac mayi nanettañi nam nqataxacpi mayi qoÿami' co'ollaxa namayipi, mayi 'eeta': “Aÿim nquiÿa namayipi, qamaq qaica ca sasouaxat.”

Juan 17:12

Co'ollaq soota'aguet namayipi ana 'alhua, qalaq aÿim so'ogoxona da 'ad'añaxac da ñitela'a qataq da ñipaxattalec nam aÿim 'ai'anempi. Qaq sa ishit da huo'o ca daqat namayipi, chaqsota som nal'ena da taÿa'a da daqat, yaqto' ÿataqta ipacchigui dam 'enapec naua nanettrañi n'aqtaqa.

Juan 18:32

Huaña, nachi ÿataqta ipacchigui da 'enapec so Jesús co'ollaq i'axata'a da 'eetec qome da nalaataguec.

Juan 19:24

Nachi soua ale't 'ena'po': –Sa ishit qome da secolaxataqa'ague anamayi. Chaqdata da ñallitaxagui, yaqto' saÿajnaq chaq negue't ca talec. Huaña, nachi ÿataqta ipacchigui da 'enapec naua nanettrañi l'aqtaqa ñi Dios mayi 'eeta': “Qanaloguilo qome naua aÿogo, qanallichiguilo, da yaqto' huo'o ca talec.” Qaq nachida da 'eetec co'ollaxa so allippi.

Juan 19:36

Cha'ayi de'eda qanayiuaigui, damayi yi'oq, yaqto' ishit da ipacchigui da 'enapec naua nanettrañi n'aqtaqa mayi 'eeta': “Sa ishit qome da huo'o ca qainoxon naua lpi'inqa.”

Juan 21:17

Nachi qaltaq ÿi'iguelaxalec da inat, 'eeta': –'Am Simón mayi 'am llalec so Jonás, ¿peta'a aÿim 'auauotec? Nachi so Pedro ÿataqta naquicochiguiñi, souaxat da mashi ivi' tres da qaÿi'iguelaxalec da qainat da ÿoqta 'eesa da dauotaxanaqta. Nachi somayi 'enapeco': –'Am ÿataxala', 'am 'auaÿaten mque' 'enauac da ÿataxac, qataq 'auaÿateeta da ÿataqta 'am ÿauotaxat. Nachi so Jesús 'enapego' somayi, 'eeta': –'Aulo'ogue qone' ana ilopi qagueta.

Juan 6:70

Nachi so Jesús 'enapeco': –¿Sa ishito' da qami' doce da qami' llica'agui'shi? Qalaq da 'oonolec da qoñiita ÿaatañi da lataxac so shiÿaxaua lma'na.

Hechos 1:16

–Qami' ÿaqaÿa't, ÿataqta ipacchigui co'ollaxa da l'aqtac so Espíritu Santo mayi nanettañi co'ollaq i'aqtaxanaxan so David, da i'axata'a naq'en so Judas som datalec co'ollaxa som ÿaconeu'a so Jesús da qaicoñi'.

Hechos 1:2

chochi ivitta'a so na'a'q co'ollaq taigue da piguem. Qaq somayi co'ollaq saxanaxa da taigue da piguem, nachi lca'au'alo soua lamaxa'shi, nachi ÿapaxaguenque cam l'onataxanaxa'c, ÿachigoxotchigui naq'en so Espíritu Santo.

2 Corintios 4:5

Qataq da sa'aqtaxanaqtac, qalaq sa ishit da maichi ñi'aqtaxanaqtapeguela't. Chaqdata da qomi' sa'axataqtac so Jesucristo da nachiso so qadataxala'. Qataq ñi'axataqta da chochi qomi' qadlataqalli', souaxat da lsoxoyic so Jesús.

Hebreos 4:13

Qaq sa ishit da huo'o ca 'oonolec nam l'onatacpi ñi Dios da huo'otaq ishit da nqañoxochiisop ñimayi. Cha'ayi 'enauac namayipi ÿataqta yi'oqta qataq ÿaateec naq'en da ilotalec ñim huo'o ca na'a'q qaq ñachaataxau'a da sa'axataxam ca qad'onataxanaxac.

Apocalipsis 2:23

Qataq salauat qome 'enauac na llalaqpi, yaqto' 'enauac na 'amqajnataxanaxaicpi ishit da ÿaÿaten da aÿim 'eesa da saÿateetac cam saq cha'a nhuennataxac qataq da nquiyaqteÿaxac. Qataq ñi 'oonolec da qoñiita seshiitenguet cam naigui ca i'ottac.