Juan 12:50 - Nuevo Testamento Toba Sur

⁵⁰ Qaq aÿim saÿaten da lamaxasoxonaxac ñi ita'a, damayi chigaqaigui da nca'alaxa mayi chochaq tateec. Qaq 'eda da 'eetec da cam ñanodeec, qalaq nachica ca aÿim ÿamaxalec ñi ita'a.

Nuevo Testamento Toba Sombrero Negro

⁵⁰ Nataq'aen jayaten da'me jo'ne mach'e lamaĝajoĝonaĝac ñe'me Taĝadena', nach'eda chiyaqayi da'me qat'oyaĝac 'me ja 'naidena'a. Chane'eja naq'aeta da'me ñenaĝategue nale, japaĝaguenataĝanec da'me jo'ne jayem 'yaĝatem ñe'me Taĝadena'.”

La'aqtaqa Ñim Lo'onatac 'Enauacna 2013

⁵⁰ Qaq Aỹem saỹaten da lamaxasoxonaxac Ñim Ita'a, damaye chegaqaigui da nca'alaxa maye chochaq tatec. Qaq 'era da 'eetec da cam ñasaxauec qalaq nacheca ca Aỹem ỹamaxalec Ñim Ita'a.

Juan 12:50 Iomraidhean Croise

Juan 17:3

Qaq de'eda achaalataxac mayi chochaq tateec, damayi nachida da naigui da 'am qaÿauatton, 'am Dios mayi nachi'amta qataq 'am 'eesa, qataq na 'ai'alec Jesucristo mayi 'anamaq co'ollaxa.

Juan 20:31

Qalaxayi de'eda qoÿiyiñi, damayi qoÿiyiñi, yaqto' qami' ishit da qau'amaqchiñi da so Jesús nachiso som nta'a mayi qadca'alaxaqui, som llalec ñi Dios, qataq yaqto' qami' ishit da huo'o da qadca'alaqai da qau'amaqchiñi somayi.

Juan 5:19

Nachi so Jesús 'enapega somayipi, 'eeta': –Ÿataqta 'eesa de'eda qami' sa'axatema, da ne'ena llalec ñi Dios, namayi sa ishit da huo'o ca i'ot da huo'otaq maichi ndojlec, cha'ayi namayi i'ot cam ÿauaachigui da i'ot ñi lta'a. Qaq ÿoqo'oyi 'enauac nam i'otpi ñi lta'a, qaq nataq'en i'ot nam llalec.

Juan 6:63

Som Espíritu, nachiso so chigoqo'ot da nca'alaxa; qaq dam yi'oqchigui n'oquiaxac, damayi sa ishit da huo'o ca chigaqaigui. Qaq dam shinapec, damayi ÿataqta 'eesa, qataq chigoqo'ot so Espíritu, qataq damayi chigaqaigui da nca'alaxa.

Juan 6:68

Qalaxayi so Simón Pedro 'enapeco': –'Am ÿataxala', ¿negue'tom ca lÿa soqolaxague? Yi nachi'amta mayi naua 'ad'aqtaqa naamayi chigaqaiguilo da achaalataxac mayi chochaq tateec.

Juan 8:28

Qaq ÿoqo'oyi so Jesús 'enapego' somayipi, 'eeta': –Qami' qom ivita da qanauaxaÿaxañiishiguem nam shiÿaxaua llalec, nachi huaña qome, qaq ishit da qauaÿajñi da aÿim mayi nachaÿimta, qataq da sa ishit da chochi maichi ñalligoxottela't ca so'ot, chaqdata da aÿim sa'axat cam aÿim ÿapaxaguenec ñi ita'a.

1 Timoteo 1:16

Qalaxayi ñaqaiyita ñi Dios aÿim ichoxoden, cha'ayi ñimayi nshitaique da aÿim l'auaxanec da do'onataxana naq'en so Jesucristo da ÿachaxana na shiÿaxauapi da lhualaxavic lta'adaic. Cha'ayi ÿauotaique da aÿim naloqnaxanaxat, yaqto' ca shiÿaxaua ishit da i'amaqten so Jesús, qaq ÿaconguet da nca'alaxa mayi chochi tateec.

1 Juan 2:25

Qaq som Jesucristo qomi' ÿachaxanapeguema co'ollaxa da achaalataxac mayi chochaq tateec.

1 Juan 5:20

Nataq'en qomi' saÿajnaq da so llalec ñi Dios, somayi anac da qomi' ÿanema da qadauattonaxanaxac, da yaqto' sauattonaqta ñim ÿoqta 'eesa Dios. Qaq ñi'adaqtau'a som llalec Jesucristo som ÿataqta 'eesa. Qaq 'eso som qadta'a Dios, qataq nachiso som chigoqo'ot da nca'alaxa mayi chochaq tateec.