Juan 12:47 - Nuevo Testamento Toba Sur

⁴⁷ Qalaxayi da huo'o ca chochi n'axaÿaxaategalo naua i'aqtaqa, qalaq sa ishit da i'o't, qaq sa ishit qome da nachaÿim da so'ot ca nhuaxanaguec camayi; cha'ayi aÿim sa ishit da ñanaÿa ana 'alhua da sauo'o ca nhuaxanaguec na shiÿaxauapi; chaqdata da aÿim ñanac, da yaqto' ñica'alaxateec namayipi.

Nuevo Testamento Toba Sombrero Negro

⁴⁷ Qalaĝaja ga'me jo'ne ch'e domachiyalo naa'me 'yaqataqa qama'te ja jayem 'te yoqo'cha, nach'ega jo'ne 'uo ga'me ne'uaĝanaguec qomle. Qalaĝaja ja naqayem ta'le je'uaĝan jo' qomle, qa'a da'me jayem male ñovitequena qaedi ñec'alaĝatedegue ga'me aleua laje'pi.

La'aqtaqa Ñim Lo'onatac 'Enauacna 2013

⁴⁷ Qalaxaye da huo'o ca choche na'axaỹaxaategalo naua ỹa'aqtaqa qalaq saishet da ỹo'o't, qaq saishet da Nachaỹem da so'ot ca nhuaxanaguec camaye, cha'aye Aỹem saishet da ñanaỹa ana 'alhua da sauo'o ca nhuaxanaguec na shiỹaxauapi, nachaqrata da Aỹem ñanac, da yaqto' ñeca'alaxatec namayepi.

Juan 12:47 Iomraidhean Croise

Mateo 18:10

Sa ishit qome da qau'otañi ca 'oonolec nam saqca ca l'amaqchic. Cha'ayi aÿim qami' shinapegalo da na nhuataxauapi mayi lamaxashicpi ñi Dios, namayipi nachi 'eetai' da datato'ot ñi ita'a mayi neta'ague da piguem.

Mateo 18:11

Cha'ayi ne'ena shiÿaxaua llalec, namayi anaga da nca'alaxateec na shiÿaxauapi mayi daqat.

Mateo 20:28

Qaq 'eeta'am na shiÿaxaua llalec da namayi sa ishit da anac da yaqto' qanayiutapegue'. Chaqdata da namayi anac da yaqto' huapec, qataq ÿan da nachaalataxac, da 'eeta'am naq'en aca lashiue da yaqto' qalota na qanca'alaxateec.

Lucas 19:10

Cha'ayi ne'ena shiÿaxaua llalec, namayi anac da nmitaique qataq nca'alaxateec nam shiÿaxauapi mayi isomtac.

Lucas 9:56

Cha'ayi ne'ena shiÿaxaua llalec sa ishit da anaga da nlaxajñi da nachaalataxac na shiÿaxauapi. Chaqdata da nca'alaxateec. Ime, nachi nqo'ooda nam naña na saq 'amaqtaq shiÿaxauapiolec.

Juan 12:48

Qaq ca aÿim i'otan, qataq sa ishit da i'o't naua i'aqtaqa, camayi sogote da huo'o qome ñim i'ot ca nhuaxanaguec camayi. Cha'ayi naua i'aqtaqa mayi ñanoldeec, nachinaua qome naua i'o't ca nhuaxanaguec na shiÿaxauapi ca pa'ateec na'a'q.

Juan 3:17

Ñi Dios sa ishit da namaxa na llalec ana 'alhua, da yaqto' ÿauo'o ca nhuaxanaguec na shiÿaxauapi. Chaqdata da anaga da nca'alaxateec namayipi.

Juan 5:45

Qaq sa ishit qome da qaupi'itaxañiitega da nachaÿim mayi sa'aqtaxanem qome ñi ita'a da chaq negue't ca qadasouaxashichi, cha'ayi som Moisés mayi nachiso so i'axat ca qadsomaxaqui, som qami' qauachiito'ot da qanaquitaxaqui.

Juan 8:26

Aÿim ÿataqta ña qalota na i'aqtacpi da qami' shinapegalo qataq da ñimit na qadasouaxashichi. Qalaxayi ñim aÿim namaq, ñimayi ÿataqta 'eesa dam l'aqtac, qaq 'enauac nam sa'axatem nam huetalec ana 'alhua, nachina na sa'aqchigui l'aqtacpi ñimayi.

2 Pedro 3:15

Qataq qantouñiita'ac da lhualaxavic ñi Dios da qomi' iuatta'alo. Damayi naigui da qadca'alaxa. Qaq 'eeta'am nataq'en da 'eetec ana ledepi so qanauochaxaua qadqaÿa Pablo mayi qami' ÿamaxalo co'ollaq somayi ÿiyiñi da laÿajnec mayi ÿami' ñi Dios.

1 Juan 4:14

Qataq qomi' nataq'en ÿataqta sauanaqchigui ñi qadta'a Dios qataq sa'axataqtac da ñimayi namaq so llalec, da yaqto' nca'alaxateec 'enauac nam huetalec ana 'alhua.