Juan 12:37 - Nuevo Testamento Toba Sur

³⁷ Qaq nai'ctaxa da so Jesús ÿataqta qalota na i'ot n'anec mayi sa qaÿauanapega da ÿauaachigui naq'en somayipi, qalaxayi ñaqaiyita sa ishit da qai'amaqten somayi.

Nuevo Testamento Toba Sombrero Negro

³⁷ Temaqaedi ñe'me Jesús yauo'oe qayoĝode' naa'me 'nanaqa 'me di'yo't q'ae'n da'me dajoya'agueta jogaa'me jiyaĝa'u, qalaĝaja jogaa'me ja jetaque p'iida'a joñe'me.

La'aqtaqa Ñim Lo'onatac 'Enauacna 2013

³⁷ Qaq na'aictaxa da So Jesús ỹataqta qalota na ỹo'ot na'anec maye sa qaỹauanapega da ỹauaachigui naqa'en somayepi, qalaxaye ñaqaiyeta saishet da qaỹa'amaqten Somaye.

Juan 12:37 Iomraidhean Croise

Mateo 11:20

Nachi so Jesús ÿataqta ividaxattega nam netaña na pueblopi mayi huaña da ÿacteec na i'ot mayi sa qaÿauanapega, cha'ayi nam shiÿaxauapi netañalo, naamayi sa ishit da ÿaxaadeec naua n'onataxaco. Nachi 'eeta':

Lucas 16:31

Qalaxayi so Abraham 'enapeco': “Da sa ishit da ÿalaxaguet so Moisés qataq som l'aqtaxanaxanecpi ñi Dios, qaq ¡huá'aguectoxo' da ishit da da'amqajnataxan, nai'ctaxa da huo'o ca qaltaq nca'aleec!”

Juan 1:11

Qaq somayi anaÿa na maichi lalamaxat lma', qalaxayi na maichi lalamaxat lauo' l'ecpi sa ishit da ÿaconguet.

Juan 11:42

Qaq aÿim saÿaten da 'am nachi 'eetai' naxa da aÿim 'au'aqtega. Qalaxayi aÿim shinapec de'eda souaxat nam shiÿaxauapi mayi hueta'a ne'ena, yaqto' namayipi ishit da i'amaqten da 'eesa da aÿim 'adamaxashic.

Juan 12:36

Qaq qau'amaqchiñi qome ne'ena yi'oqchiguiñi, llaxatemallaxa da ña qami' hueta'agueta, yaqto' qami' ishit da qoñiita'am na yi'oqchiguiñi. Qaq co'ollaq ime de'eda 'enapec so Jesús, nachi jec da nqañoxochiisop somayipi.

Juan 12:38

Qaq ÿataqta ipacchigui dam l'aqtaxanaxac som l'aqtaxanaxanec ñi Dios, l'enaxat Isaías, mayi 'eeta': 'Am ÿataxala', ¿negue'tom ca ishit da i'amaqten da qad'aqtaxanaxac? Qataq ¿negue'tom ca ÿachaxana da l'añaxac ñi qadataxala'?

Juan 15:24

Qaq namayipíctaxa sa ishit da huo'o ca lasouaxashit, da sa ishit da huangui ñaq'en namayipi da so'ot nam sa ishit da huo'o ca ÿañoxot da i'ot; qaq namayipi sogote da ÿauaachigui ne'ena so'otpi, qalaxayi ñaqaiyita sa ÿaqalan da aÿim nquiÿa, nataq'en ñi ita'a.

Juan 2:11

Qaq de'eda i'ot so Jesús huaña yi Caná mayi huaigui yi 'alhua Galilea. Qaq damayi nachida da hua'auchiguiñi nam i'otpi n'anec mayi sa qaÿauanapigui co'ollaq ÿachaxan da lli'oxoyic. Nachi so lapaxaguenatacpi ÿataqta i'amaqten somayi.

Juan 6:2

Qaq ÿataqta qalota na shiÿaxauapi ca'attague' somayi souaxat da ÿauaatapigui na i'ottac n'anecpi mayi sa qaÿauanapega da natadeetac na sa no'onpi.