Juan 12:34 - Nuevo Testamento Toba Sur

³⁴ Nachi na shiÿaxauapi 'enapega somayi, 'eeta': –Qomi' sa'axasoqtega naxa da qaitaxaÿaxaatac ana nede mayi lmalate naua nqataxaco da que'eca nta'a nca'alaxaqui qoÿinapec yi nachi 'eetai' da nca'altauec. Qalaq ¿tá'ainco' yi 'am qonapec da que'eca shiÿaxaua llalec, camayi qananotshiguem? Qaq ¿chaq négue'to' que'eca shiÿaxaua llalec?

Nuevo Testamento Toba Sombrero Negro

³⁴ Ga'me jiyaĝadipi 'yadeteguet joñe'me: —Naa'me nedii's jo'ne Dios 'laqatac lae't 'yaĝat ñe'me Dios Liquiyac da'me nach'e eta't nec'aletaye. Chane'eja, ¿toqoch'e aueetapega ñe'me jo'ne Jiyaĝaua Lec'oĝot qoyanajeguem qomle? ¿Jach'e jogamaĝa da'me dojo' Jiyaĝaua Lec'oĝot?

La'aqtaqa Ñim Lo'onatac 'Enauacna 2013

³⁴ Nache na shiỹaxauapi 'enapega Somaye, 'eeta': –Qomi' saỹatenaq chegoqchigui ana nere maye huetalec na la'aqtacpi Ñim Lo'onatac 'Enauacna da que'eca Lca'aguishec Ñimaye maye qaiuattaique, nache 'eetai' da nca'altauec. Qalaq ¿ta'ainco' ye 'am qonetega da que'eca Shiỹaxaua Llalec, qaiuaxaneguet qome ca npe'enaxaqui? Qaq ¿chaq negue'to' que'eca Shiỹaxaua Llalec?

Juan 12:34 Iomraidhean Croise

Mateo 16:13

Qaq so Jesús co'ollaq ivita yi 'alhua Cesarea mayi ilotague' so Filipo, nachi inatta'pe soua lapaxaguenataqa, 'eeta': –Na shiÿaxauapi nagui ¿chaq négue't ca ipettega na shiÿaxaua llalec?

Mateo 21:10

Nachi so Jesús co'ollaq mashi inoxoneu'a yi Jerusalén, nachi 'enauac nam netaigui yimayi ÿataqta huo'o da l'elaxa. Nachi qalota na denataxaatac, 'eeta': –¿Négue't som so'?

Mateo 8:20

Nachi so Jesús 'enapeco': –Anam huaxaÿaxapi huo'o na lauacpi, qataq nam maÿopi huo'o na lpata'cpi. Qaq nam shiÿaxaua llalec, qalaxayi sa ishit da huo'o ca l'axasoqo'.

Juan 10:34

Nachi so Jesús 'enapega somayipi, 'eeta': –Na nqataxacpi mayi qami' qoÿanema co'ollaxa, nanettañi da l'aqtac ñi Dios mayi 'eeta': “Qami', qami' diospi.”

Juan 12:32

Qaq qom ivita da aÿim qananotshiguem ana 'alhua, nachi aÿim maichi ñaueguela't 'enauac na shiÿaxauapi.

Juan 15:25

Qalaxayi damayi nachi lliquiaxac qanqoÿin, yaqto' ishit da ipacchigui da n'aqtac mayi nanettañi nam nqataxacpi mayi qoÿami' co'ollaxa namayipi, mayi 'eeta': “Aÿim nquiÿa namayipi, qamaq qaica ca sasouaxat.”

Juan 8:28

Qaq ÿoqo'oyi so Jesús 'enapego' somayipi, 'eeta': –Qami' qom ivita da qanauaxaÿaxañiishiguem nam shiÿaxaua llalec, nachi huaña qome, qaq ishit da qauaÿajñi da aÿim mayi nachaÿimta, qataq da sa ishit da chochi maichi ñalligoxottela't ca so'ot, chaqdata da aÿim sa'axat cam aÿim ÿapaxaguenec ñi ita'a.

Romanos 3:19

Cha'ayi qomi' saÿajnaq da 'enauac nam 'enapec nam nqataxacpi mayi chigoqo'ot so Moisés, ÿalamaqchigui da 'enapega nam hueto'ot ne'ena nqataxacpi, da yaqto' sa ishit da huo'o ca 'eetega qaica ca ÿasouaxat, qataq yaqto' 'enauac na shiÿaxauapi ishit da huo'ot da 'eetec qom ñi Dios nmit 'enauac na shiÿaxauapi.

Romanos 5:18

Qaq de'eda 'eetec dam lasouaxashit so Adán da ÿasouaxateguet 'enauac na shiÿaxauapi da qaÿauo'o ca nhuaxanaguec, qaq nachi 'eetec nataq'en dam no'on lataxac so Jesucristo nda'a 'enauac na shiÿaxauapi cam achaalataxac mayi ÿataqta huesochiguiñi. Sa ishit da huo'o ca nhuaxanaguec qanqoÿin.

Hebreos 7:24

Qaq so Jesús, qalaxayi sa ishit da ileu. Qaq ÿoqo'oyi sa ishit da huo'o ca lÿa ÿanagui da l'onataxanaxac da qaitaxaÿapegue' ñi Dios.