Juan 12:2 - Nuevo Testamento Toba Sur

² Nachi qai'ot so nallic da qaique'elec so Jesús. Nachi aso Marta huetapec, qaq so Lázaro ÿalectauo, datatalec so nqui'axala' da lqui'axaua somayi.

Nuevo Testamento Toba Sombrero Negro

² Di'me ua'ña da'me uo'oe gaa'me yauote da'me liqui'yaĝa'j joñe'me Jesús jojo'me pi'yaq, qama'le Marta yanouelo jojo'me niqui'yaĝa't, nataq'aen ñe'me Lázaro dajotalegue ga'me niqui'yaĝala' da'me deque'tape choqoñe'me Jesús.

La'aqtaqa Ñim Lo'onatac 'Enauacna 2013

² Nache qaỹo'ot so nallec da qaique'elec So Jesús. Nache aso Marta huetac, qaq so Lázaro ỹalectauo da lquia'axaua So Jesús.

Juan 12:2 Iomraidhean Croise

Mateo 26:6

So Jesús hueta'a yi Betania, hueta'a yi lma' so Simón mayi qaÿamata'ac da nchiga na l'oc.

Marcos 14:3

So Jesús hueta'a yi Betania, netaña ca lma' so Simón mayi qaÿamata'ac da nchiga na l'oc. Qaq somayi co'ollaq ña datatalec ca nqui'axala', nachi nvideuo aso 'alo lasoqta'a aso coma', l'enaxat alabastro. Asomayi nlaqchigui na codaxat, l'enaxat nardo. Somayi ÿataqta qaÿoqteu'a. Nachi asomayi ilaxat, nachi icodelec so codaxat na lqaic so Jesús.

Lucas 12:37

Ÿataqta huo'o qome da lamaxayic ca nlatacpi qom huo'otaq ca n'aco' ilalec camayipi da nlotauec qom ivita da nvi'. Qaq aÿim shinapec da que'eca 'aco' ishit da maichi huapegue' qome da nso'onaxanaxaañi camayipi da ÿataxaalec ca nqui'axala', ime, qaq nÿoxoshiguem ca nallic.

Lucas 14:12

Nataq'en 'enapega som shiÿaxaua mayi dequi'axanataxan, 'eeta': –Da ivita da huo'o ca 'ai'an nallic huo'otaq camachaqca npetaxanaxatolec, qalaq sa ishit qome da 'auqui'axan ca 'anauochaxaua qataq ca 'adqaÿa huo'otaq ca camachaqca 'adhuo' l'ec huo'otaq na 'adhuodeuapi sallaxanecpi, cha'ayi namayipi ishit da qaltaq 'am qaÿi'iguelaxateguet da 'am qaiqui'axan, huaña, qaq huo'o da 'anshiitenaguec.

Lucas 22:27

Qaq ÿoqo'oyi ¿chaq négue't cam ÿoqta ÿi'oxodaq, peta'a cam nso'ootañi da datatalec cam nqui'axala' da deque'etac, huo'ochaq cam qaÿamaqtac? Qaq ¿peta'a sa ishito' da nachiso som datatalec so nqui'axala' som ÿi'oxodaq? Aÿim, qalaxayi qami' sootaiguilo, shiita'am cam chochi qaÿamaqtac.

Lucas 5:29

Ime, qaq i'ot so lta'adaic lqui'axac, huaña so lma' da lqui'axaua so Jesús. Nachi ÿataqta qalota na ÿalectauo nam ÿacootapeeguet ana nshiitenaqte ca nta'a, qataq qalota nam laÿipi nso'ootañi, datatalec se'eso nqui'axala'.

Apocalipsis 3:20

Qaq ña 'aula'a da aÿim sootaigui na lasom, seÿaxaatac. Qaq da huo'o ca hua'axaÿa da iÿaxanaxac, qaq da aÿim nauateguet, nachi aÿim senoxonoigui ca lma'. Ime, qaq qomi' nqui'axa'u.