Juan 11:52 - Nuevo Testamento Toba Sur

⁵² qaq sa ishit da nachaqnata nam judiopi, cha'ayi nataq'en yaqto' lapona't 'enauac nam llalaqpi ñi Dios mayi nlagaxattac.

Nuevo Testamento Toba Sombrero Negro

⁵² Qalaĝaja ja nach'edata da'me yiyamaĝam ga'me judiopi, dite da'me qaedi yapotena't ena'uac jogaa'me nelagaĝa ga'me neteda'ña jo'ne Dios lec'oqo'tepi.

La'aqtaqa Ñim Lo'onatac 'Enauacna 2013

⁵² qaq saishet da nachaqnata nam judiopi, cha'aye nataqa'en 'enauac nam llalaqpi Ñim Lo'onatac 'Enauacna maye nlagaxattac da yaqto' lapona't.

Juan 11:52 Iomraidhean Croise

Lucas 15:8

Qataq aca 'alo da huo'otaq hueto'oto caua diez lca'chole da huo'otaq daqat aca 'oonole, qaq ¿peta'a sa ishito' da iqueteteu'a aca lcoÿadaxanaxaqui, ime, qaq ÿataqta huo'o da ltelaxa da iqueloc ca lma', chochi ivitta'a da ÿanata?

Lucas 2:32

Namayi nachina na 'ico' ncoÿadaxanaqte mayi icoÿadelec nam sa ishit da Israel l'ecpi, nataq'en i'ot da lli'oxoyic nam Israel llalaqpi nam 'adalamaxatpi.

Juan 1:12

Qalaxayi ñaqaiyita huo'o na ÿaconguet qataq i'amaqten somayi, qaq nachina na ÿanem da ÿoqta 'itchiguiñi da llalaqpi ñi Dios.

Juan 1:29

Qaq so lÿa na'a'q, nachi so Juan ila'aguet so Jesús da naÿaxaama somayi, nachi somayi 'eeta': –Ña qauloÿa, 'ena cha'aguet na qagueta llalec mayi chigoqo'ot ñi Dios, nam nqat qome 'enauac na nasouaxashitpi ana 'alhua.

Juan 10:16

Qaq huo'o nataq'en anam ilo qaguetapi mayi sa ishit da ÿalectaigui anam netaigui añi laÿi' ana qaguetapi. Qaq anamayipi iuen nataq'en da ñauegueuo. Qaq anamayipi qome ÿataqta aÿim ÿalaxaguet, huaña, qa nachi ishit da 'oonole aca nhuataguishipi qagueta, qataq 'oonolec cam nhuataxaua.

Juan 12:32

Qaq qom ivita da aÿim qananotshiguem ana 'alhua, nachi aÿim maichi ñaueguela't 'enauac na shiÿaxauapi.

Hechos 18:10

Cha'ayi aÿim 'am soota'aguet, qaq sa ishit qome da huo'o ca 'am ÿaconeu'a da huo'o ca 'am i'otec. Cha'ayi ÿataqta qalota na shiÿaxauapi na netaña ne'ena la ciudad na ÿalamaxatpi.

Romanos 3:29

Qaq ¿peta'a ishit da nachaqnata nam judiopi da lta'a ñi Dios? Qaq ¿sa ishit peta'a da nataq'en lta'a na saq judiopi? Aja', namayipi nataq'en lta'a ñimayi.

Romanos 4:17

qaq damayi chigoqchigui ñi Dios ñim i'amaqten nataq'en somayi. Qaq ipacchigui dam 'enapec naua ñiyigui'shi l'aqtaqa ñi Dios, mayi 'eeta': “'Am sanagui da 'am lta'a na saqalota ÿotta'a't shiÿaxauapi.” Cha'ayi ñi Dios ishit da qaltaq nca'aleec naq'en nam leuaxaicpi, qataq ishit da yi'oq naq'en cam saq cha'a.

Efesios 1:5

Qaq nal'ena co'ollaxa da qomi' ÿaqataxaatai'salo da ÿauo'oi qomi' llalqa, souaxat da lsoxoyic. Qaq damayi ÿachigoxotchigui so Jesucristo, cha'ayi nachida da ÿaÿamaxadeeta ñimayi qataq maichi 'eetapeguec.

Efesios 3:11

Qaq de'eda i'ot ñi Dios, damayi nateeteguet da nal'ena lhuennataxa co'olloxochiyi mayi ÿachigoxotchigui naq'en so qadataxala' Jesucristo da i'ot.

Santiago 1:1

Aÿim Santiago, aÿim lamaxashic ñi Dios qataq so qadataxala' Jesucristo. Samaxa da iquinaxanaxac na shiÿaxauapi mayi chigoxogueta soua doce llalqa so Israel nam nlagaxajlec 'enauac ana 'alhua.

1 Pedro 1:1

Aÿim Pedro, aÿim lamaxashic so Jesucristo, shiyiñi ana ÿide da samaxa 'enauac nam nlagaxattacpi mayi sa ishit da nqajleguete naua lañoqo'te, nam neta'alo yiua 'ale'u Ponto, Galacia, Capadocia, Asia, qataq yi Bitinia.

1 Juan 2:2

Cha'ayi somayi nachiso so chigoqchigui da huo'o mshi qaÿapalaxa't naua qadasouaxashi'te, qaq sa ishit da nachiqomaqta, cha'ayi nataq'en 'enauac na shiÿaxauapi mayi huetalec ana 'alhua.

1 Juan 3:1

Qaq ña qauloÿa da ÿataqta lta'adaic da lauotaxanaqtaic da shinaqta ñi qadta'a Dios da qomi' ÿamata'aque da qomi' llalqa ñimayi, qaq ÿoqta 'eesa da qomi' llalqa. Qaq ÿoqo'oyi sa ishit da qomi' ÿauatto'n nam quetague' na 'onataxacpi mayi huetalec ana 'alhua, cha'ayi sa ishit da ÿauatton ñi Dios.

1 Juan 3:10

Huaña, nachi ishit da qaÿaÿaten cam ÿoqta 'eesa da llalaqpi ñi Dios qataq cam llalaqpi so shiÿaxaua mayi lma'na, cha'ayi cam sa ishit da i'ot ca ÿaÿamaqchiguiñi, huo'otaq sa ishit da ÿauotec ca lqaÿa, nachi camayi sa ishit da lalamaxat ñi Dios.

1 Juan 3:2

Qami' ñauochaxa'u ÿaqaÿa't, nagui mashi qomi' llalqa ñi Dios. Qaq saxanaxa da qomi' qaichoxotema chaq hua'ague ca 'eetec qome ca qadataxac ca pa'ateec na'a'q. Qalaxayi qomi' saÿajnaq da qom nachaxan so Jesucristo, nachi ÿataqta shinaqta'am somayi, cha'ayi ÿataqta ñimaqa'ai' da seloqto'ot.

Apocalipsis 5:9

Qaq somayipi i'ootac da dalaxaic n'onec, 'eeta': 'Am ÿataqta 'itchiguiñi da 'auacona ana nede qataq da 'anqa't naua qaiuaxaatalguete n'anaxanaqte; cha'ayi 'am qaÿalauat co'ollaxa, qaq soua 'adtago'q nachi lashiue da qomi' 'aushijnaxanalo, qomi' 'auachigoxottoiguilo na ÿotta'a't shiÿaxauapi mayi ÿotta'a't naua l'aqtaqa, da yaqto' 'enauac qomi' lalamqa'te ñi Dios.