Juan 11:48 - Nuevo Testamento Toba Sur

⁴⁸ Cha'ayi qomi' da sauaxasoqta'a da nachi 'eetai' de'eda, nachi 'enauac qome na shiÿaxauapi i'amaqten somayi. Nachi nam nta'alpi mayi lma' yi Roma ishit qome da anac, nachi ilaxachigui añi qad'onaxanaxaqui qataq nam qadhuo' l'ecpi.

Nuevo Testamento Toba Sombrero Negro

⁴⁸ Qom ch'e jomachaqa'ta, qama'le ena'uaque ga'me jiyaĝadipi 'yamaqate'n qomle joñe'me. Qom naq'aeta qama'le na'taquena qomle gaa'me nejaliaĝanaqa jo'ne Roma laje' da'me nolaĝachidiñe jena'me mach'e qanetamenaĝaiqui nataq'aen da'me 'naĝa't jena'me qadayi.

La'aqtaqa Ñim Lo'onatac 'Enauacna 2013

⁴⁸ Cha'aye qomi' da sa'axasoqta'a Somaye, nache 'enauac na shiỹaxauapi ỹa'amaqten da nacheso So Lca'aguishec Ñim Lo'onatac 'Enauacna. Nache anac na romanopi, nache ilaxachigui añi qaro'onaxanaxaqui late'erai qataq nam qarhuo' le'ecpi.

Juan 11:48 Iomraidhean Croise

Mateo 22:7

Nachi se'eso nta'a ÿataqta qalota da lalemataic. Nachi ÿamaq so nallippi, da yaqto' ÿalauat 'enauac se'eso laataxanaxaicpi qataq da ÿavigaxat 'enauac na lma'pi.

Mateo 22:9

Qaq qoquii qome, qoquiiguelo naua pooco nqa'aico. Nachi qaucoyiguiñi 'enauac nam qauloÿalec, da yaqto' nau'a dam nadonaxac.”

Mateo 24:15

So l'aqtaxanaxanec ñi Dios l'enaxat Daniel, somayi ÿiyiñi co'ollaxa dam 'eetec ca ishit da deshipaxanaqtaxan qataq delaqtaxan. Qaq qom qami' qauloÿa'a camayi da huetaña cam sa ishit da lma' –qaq cam itaxaÿaxan ne'ena, qaq no'on da ÿaÿateeteguet,–

Mateo 27:25

Nachi 'enauac so shiÿaxauapi nmashiguem da ÿasat, 'eeta': –¡Qomi' qataq na qoyalaqpi ñachoxola't qome da qadasouaxashit da l-leuaxa de'eda shiÿaxaua!

Lucas 11:52

¡Qaq ÿoqo'oyi choxodaxasodo' qami' mayi qauapaxaguenataxañiitapeguec na nqataxacpi! Cha'ayi qami' qanamataxañiilec asom ÿauatoigui cam lasom mayi huetaigui da nauattonaxanaxac, qalaxayi qami' sa ishit da qaunoxoñiiuo, qalaq sa ishit da qauashiñiim da inoxoneuo nam huotaique da pa'auo.

Lucas 8:12

Qaq asom nanguishi mayi tajlec na laÿi so nqa'aic, qalaq naigui ca shiÿaxaua mayi n'axaÿaxaatac. Qalaxayi anac som shiÿaxaua mayi lma'na, nachi deuotaxanec som n'aqtac mayi huetagui añi lquiyaqte, da yaqto' sa ishit da da'amqajnataxan naq'en, nachi sa ishit da nca'aleec.

Juan 1:7

Qaq somayi anac, da yaqto' i'axat de'eda yi'oqchiguiñi, yaqto' 'enauac na shiÿaxauapi ishit da da'amqajnataxan, chigoqchigui da l'aqtaxanaxac somayi.

Hechos 5:28

–Qomi' mashi qami' sellaqpeguema co'ollaxa da sa ishit da qauapaxaguenataxañiic da l'enaxat so Jesús, qalaq ¿huá'ague ca 'eetec de'eda qau'ochi? Qami' mashi qanlaxachiichigui 'enauac na Jerusalén da qadapaxaguenataxanaxaqui, qataq qanshiitaique da qomi' qauasaqailguete da l-leuaxa se'eso shiÿaxaua da qadasouaxashit.