Juan 11:44 - Nuevo Testamento Toba Sur

⁴⁴ Nachi som leuaxaic npa'auec, somayi qoÿaxatta'aguelo naua lhua'q qataq naua lchil som laxataxa, qataq qoÿaxattagui na lashic so hualoq. Nachi so Jesús 'enapega somayipi, 'eeta': –Ña qausoigue damayi, nachi qauaqÿa'a da queuoÿapigui'.

Nuevo Testamento Toba Sombrero Negro

⁴⁴ Joga'me jo'ne te'me joote yeleu male nenoĝonegue, jonaa'me loua' choqonaa'me lapia'te naĝatetayelo jogaa'me laĝanaqa'te, nataq'aen ga'me latajoĝoc lecoĝojop qoyen ga'me ualoq lae. Jesús yamaĝalo'te ga'me jiyaĝadipi: —Auejoyelegue, anaqachi' naa'me laĝanaqa'te qama'le auomachii'ta da'me ec.

La'aqtaqa Ñim Lo'onatac 'Enauacna 2013

⁴⁴ Nache som leuaxaic mpa'auec. Somaye qoỹaxatta'aguelo naua lhua'q qataq naua lchel som laxataxat qataq qoỹaxattagui na lashec so hualoq laỹe. Nache So Jesús 'enapega somayepi, 'eeta': –Ña qanqache na laxataxat damaye, nache qauaqaỹa'a da queuoỹapigui'.

Juan 11:44 Iomraidhean Croise

Marcos 5:43

Qalaxayi so Jesús ÿataqta sa ÿala'ac da huaqattega da sa ishit da huo'o ca qai'axatem de'eda, nachi damaxasoxoolec da qaiqui'axan asomayi.

Lucas 19:20

Qataq anac som lÿa som pa'ateec, nachi 'eeta': “'Am ÿataxala', 'ana ana 'om. Anamayi chochi saÿamaxat, sachalec so hualoqlaÿi,

Lucas 7:15

Qaq som leuaxaic nachi ñishiguem, nso'ooñi, nachi detaqa. Nachi so Jesús ÿamaxa aso late'e.

Juan 10:30

Aÿim qataq ñi ita'a qomi' 'oonolec da qadataxac.

Juan 11:39

Nachi so Jesús 'enapeco': –Ña qanqachi na coma'. Nachi aso Marta mayi lqaÿa som saqca, asomayi 'enapeco': –'Am ÿataxala', yimayi ÿoqta da mashi huo'o na laita, cha'ayi mashi ivi' naua cuatro na'axa'te da saqca.

Juan 11:43

Qaq co'ollaq ime da nasaxauec de'eda, nachi deÿaxan, 'eeta': –¡Lázaro, 'anpa'auec!

Juan 19:40

Nachi so José qataq so Nicodemo, soomayi idoue'c so l'oquiaxac so Jesús. Nachi somayi qoÿaxategue so laxataxat mayi qai'amñigui se'esoua qaÿalecna't qo'ipaq lcha'q mayi ama na laita, cha'ayi damayi nachi n'onataxac na judiopi da ivita da ilayiñi na lqatacpi.

Juan 20:5

Nachi somayi ÿamataigui asomayi da imeten. Nachi ila'a so laxataxat da huetaiya', qalaxayi sa ishit da ÿoqta taigui.

Juan 20:7

Qataq nataq'en ila'a som hualoq mayi qoÿaxattagui na lqaic so Jesús. Qaq somayi sa ishit da huaqta'ai' se'eso npataxaqui, cha'ayi somayi qainaata't, qataq ÿaqa'a so huetaña.

Juan 5:21

Cha'ayi de'eda 'eetec da ñi ita'a da ishit da qaltaq nca'alaxateec ca leuaxaic, nachi ÿanem da lca'alaxa, qaq nachi 'eetec nataq'en nam llalec da ishit da ÿanem da lca'alaxa cam tajlec da ÿanem.

Juan 5:25

Qataq ÿataqta 'eesa de'eda qami' sa'axatema, da nagui mashi ivita yi laloqo', qaq nachina nagui na huetoigui da nam leuaxaicpi, da huo'otaq hua'axaÿa da lavilÿaxac na llalec ñi Dios, nachi cam ÿalaq nachi nca'aleec.

Filipenses 3:21

Qaq somayi nadalaxat qome da qad'oquiaxac mayi taÿa'a da ileu, da yaqto' 'eeta'am naq'en dam l'oquiaxac mayi ÿi'oxodaic. Qaq nachida qome de'eda l'añaxac da ilo'ogue 'enauacna da do'onataxana.

Apocalipsis 1:18

Qaq aÿim mayi nachaÿim ñica'alapeguec. Aÿim co'ollaxa seleu, qalaxayi nagui qaltaq ñica'altauec, qanachi sa lÿa da seleu. Qaq nagui aÿim hueto'ot da l'añaxac da nleuaxa qataq cam laponqa' na leuaxaicpi.