Juan 11:40 - Nuevo Testamento Toba Sur

⁴⁰ Qalaxayi so Jesús 'enapeco': –¿Sa ishito' da 'am shiitega caillaxa da huo'otaq 'au'amqajnataxan, nachi ishit da 'aulogui da lli'oxoyic ñi Dios?

Nuevo Testamento Toba Sombrero Negro

⁴⁰ Jesús 'yateguet jañe'me: —¿Qo'li ja joote am ja'aĝatem da'me qom auep'iya'a, qama'le auana qomle da'me 'lonaĝac ñe'me Dios?

La'aqtaqa Ñim Lo'onatac 'Enauacna 2013

⁴⁰ Qalaxaye So Jesús 'enapeco': –¿Saisheto' da 'am sheetega quiye da huo'otaq 'aua'amaqten Aỹem, nache ishet da 'aulogui da la'añaxac Ñim Lo'onatac 'Enauacna?

Juan 11:40 Iomraidhean Croise

Mateo 17:20

Nachi so Jesús 'enapeco': –Cha'ayi qami' ÿataqta qapi'olec da qadpi'iÿaxaqui. Qaq ÿataqta 'eesa de'eda qami' shinapegalo nagui da huo'otaq qami' huo'o ca qadpi'iÿaxaqui, nai'ctaxa da lcata'amolec aca ala ana nanguishi l'enaxat mostaza, qalaq ishit da qoñiÿapega aca qasoxonaxa, qoñiita': “Qoca'ai ne'ena qoueta'a, 'anqo'ona ca lÿa 'alhua;” nachi acamayi ishit da ÿalaq. Qaq qami' ÿataqta qaica ca qauqalañiÿapec, da ÿoqta 'eesa da huo'o ca qadpi'iÿaxaqui.

Marcos 9:23

Nachi so Jesús 'enapego' somayi, 'eeta': –Da 'aushit da 'au'amqajnataxan, cha'ayi cam da'amqajnataxan, nachi sa ishit da huo'o ca alaq.

Juan 1:14

Qaq se'eso l'enaxat l'aqtac ñi Dios, somayi nañigui da lataxac na yi'oqchigui shiÿaxaua. Nachi somayi qomi' hueta'agueta, qalaq ÿataqta nlaqchigui da lauotaxanaqtaic qataq dam 'eesa lataxac. Qaq qomi' sauanaqchigui da lli'oxoyic dam ñi'oxoyic mayi maichi lalamaxat lli'oxoyic som 'oonolec llalec ñim qadta'a Dios.

Juan 11:4

Nachi so Jesús co'ollaq hua'axaÿa de'eda, nachi 'eeta': –De'eda nalolaxa, damayi sa ishit da taÿa'a ca nleuaxa. Chaqdata da yaqto' damayi ishit da chigoqchigui da lli'oxoyic ñi Dios, qataq yaqto' de'eda nalolaxa ishit nataq'en da chigoqchigui da lli'oxoyic na llalec ñi Dios.

Juan 12:41

Qaq so Isaías 'enapec co'ollaxa de'eda, cha'ayi souaxat da ÿauaachigui da lli'oxoyic so Jesús. Huaña, nachi i'axattac somayi.

Juan 9:3

Nachi so Jesús 'enapegalo soomayi, 'eeta': –Sa ishit da ÿasouaxat ca maichi lasouaxashit ñimayi, huo'otaq ca lasouaxashi't caua lta'al. Cha'ayi damayi nachi qoÿina'ac, yaqto' ishit da qaila'a cam i'ot ñi Dios da chigoqchigui ñimayi.

Romanos 6:4

Cha'ayi co'ollaq qomi' qanachilaxa'n, nachi 'eeta'am da qomi' qailalyiñi da qadÿachiguiñi' so Cristo da qadeleu, yaqto' qaltaq qomi' qanca'alaxatreec, nachi sanaxañi da dalaxaic qanachaalataxac. Qanachi shinaqta'am so Cristo co'ollaq ñi qadta'a Dios nca'aleeguesop naq'en da nleuaxa, idolec da l'añaxac mayi lta'adaic da lli'oxoyic.

2 Corintios 3:18

Qaq ÿoqo'oyi 'enauac da shinaqta mashi qaica som lapoxot na qadashic, nachi shinaqta'am aca tannaxai mayi 'edoigui naq'en da lli'oxoyic so qadataxala', qataq nachi ñiquigaqta'aguet da shinaqta'am so Cristo, cha'ayi dam lli'oxoyic somayi nachi qomi' nquigaxattrashigue'm. Qaq 'eda da 'eetec so qadataxala' da nachiso so Espíritu Santo.

2 Corintios 4:6

Cha'ayi ñim Dios mayi maichi namaq asom lcoÿadaxanaqte, da yaqto' icoÿadelec nam napalaxa, qaq nachiñi ñimayi icoÿadoiguilo naua qadquiyaqte, chigoqchigui naq'en asa'aso lcoÿadaxanaqte, da yaqto' ishit da sauattonaq da lli'oxoyic ñimayi mayi 'edoigui naq'en da lashiguiaxac so Jesucristo.