Juan 11:26 - Nuevo Testamento Toba Sur

²⁶ Qaq 'enauac nam ña nca'altauec nagui mayi aÿim i'amaqten, nachi namayipi sa nauane' qome da ileu. Qaq ¿'au'amaqten peta'a de'eda?

Nuevo Testamento Toba Sombrero Negro

²⁶ nataq'aen ena'uaque jogaa'me jo'ne nec'aletedaye, qom jayem p'iida'a qama'le ja nale'en ta'le yele'u. ¿Qo'li a'uamaqaten nayi da'me dojo'?

La'aqtaqa Ñim Lo'onatac 'Enauacna 2013

²⁶ Qataq 'enauac nam ña nca'altauec nagui qataq Aỹem ỹa'amaqten, nache namayepi saishet da ivireguet ca nleuaxa maye chochaq tatec. Qaq ¿'aua'amaqten peta'a de'era?

Juan 11:26 Iomraidhean Croise

Mateo 26:53

¿Sa qauaÿajñiÿo' da aÿim ishit da seÿaxanot ñi ita'a, nachi ñimayi ishit da aÿim namaxa nagui ca napacalec ca doce mil lamaxashic piguem l'ecpi?

Mateo 9:28

Nachi so Jesús co'ollaq mashi ivideu'a ca nma', nachi se'esoua qanamaiqa nqo'oodeu'a somayi. Nachi so Jesús ina't soomayi, 'eeta': –¿Qami' qau'amaqchiñi peta'a da ishit da so'ot de'eda? Nachi soomayi 'ena'po': –Aja', sa'amaqtenaq, 'am qadataxala'.

Marcos 9:23

Nachi so Jesús 'enapego' somayi, 'eeta': –Da 'aushit da 'au'amqajnataxan, cha'ayi cam da'amqajnataxan, nachi sa ishit da huo'o ca alaq.

Juan 10:28

Qaq aÿim sanem da lca'alaxa mayi chochaq tateec anamayipi. Huaña, nachi sa ishit da ileu, qataq sa ishit da huo'o ca ishit da nqateeguesop da iuaqÿaxac anamayipi.

Juan 14:10

Qaq ¿sa ishito' peta'a da 'au'amaqten da ñi ita'a aÿim hueta'aguet qataq aÿim soota'aguet ñimayi? Naua i'aqtaqa mayi ñanoldeec, naamayi sa ishit da maichi ñalligoxottrela't, cha'ayi ñi ita'a mayi aÿim nachattaigui, nachiñi ñim i'ot cam maichi l'onataxanaxac.

Juan 4:14

Qaq cam nÿomgui ca 'etaxat mayi sanem, camayi sa ishit da ÿi'iguelaxalec da huo'o na laquip. Cha'ayi cam 'etaxat mayi sanem, camayi ÿataqta npaxaatashiguem, 'eeta'am na l'auaxac pa'ataigui camayi. Qaq nachica ca ividaxata'a cam nca'alaxa mayi chochaq tateec.

Juan 5:24

Qaq ÿataqta 'eesa de'eda qami' sa'axatema, da ca n'axaÿaxana de'eda sa'axattac, qataq i'amaqten ñim aÿim namaq, nachi camayi huo'o da lca'alaxa chochaq tateec. Nachi sa ishit da qaÿauo'o qome ca nhuaxanaguec, cha'ayi mashi sogote da ca'ai da nleuaxa da inoxoneu'a da nca'alaxa.

Juan 6:47

Qaq ÿataqta 'eesa de'eda qami' sa'axatema, da cam aÿim i'amaqten, nachi ishit da huo'o da lca'alaxa mayi chochaq tateec.

Juan 9:35

Qaq so Jesús l'axaÿaxac da qaÿamaqhuec som qanamaic co'ollaxa. Nachi co'ollaq nauane', nachi 'eetega, 'eeta': –¿'Am peta'a 'au'amaqten so llalec ñi Dios?

Romanos 8:13

Cha'ayi qami' da huo'otaq chaqdata da qoquiitague' cam maichi 'eetapeguec da qadapachiyaxaqui, nachi ishit da qadellivi. Qalaxayi da chigoqchigui qanqashiñi so Espíritu Santo da 'ico' qaualauachi nam 'eetapegueguesat de'eda qadapachiyaxaqui, nachi ishit da qadca'allivic.