Juan 11:25 - Nuevo Testamento Toba Sur

²⁵ Nachi so Jesús 'enapego' asomayi, 'eeta': –Aÿim mayi nachaÿim ñica'alaxateec ca leuaxaic, qataq nachaÿim nca'alaxa. Ca aÿim i'amaqten, qaq nai'ctaxa da ileu, qalaxayi ishit da nca'aleec.

Nuevo Testamento Toba Sombrero Negro

²⁵ Qama'le enaac ñe'me Jesús: —Jayem naqayem jo'ne 'ñiyelaĝachidijeguem jogaa'me napa'lpi nataq'aen da'me ñec'alaĝatedegue. Gaa'me jo'ne jayem p'iida'a, mate mane'e yele'u qalaĝaja yitaĝa ñec'alaĝatedegue;

La'aqtaqa Ñim Lo'onatac 'Enauacna 2013

²⁵ Nache So Jesús 'enapego' asomaye, 'eeta': –Aỹem Nachaỹem nca'alaxa, qataq ishet da ca leuaxaic ỹe'eguelaxalec da nca'alec ñaqa'en. Qaq cam huo'o da naquitaxac Aỹem, nache camaye na'aictaxa da ileu, qalaxaye qaltaq nca'alec.

Juan 11:25 Iomraidhean Croise

Lucas 23:43

Nachi so Jesús 'enapeco': –Ÿoqta 'eesa da shinapec da nachina nagui da sogote aÿim qoueta'aguet da qoueta'a yi lma' na qanca'alaxateecpi da piguem.

Juan 1:4

Qaq somayi nachiso so chigoqchigui da nca'alaxa, qaq de'eda nca'alaxa nachida da yi'oqojlec naq'en na shiÿaxauapi.

Juan 14:19

Qaq mashi yaqta'a da ivita yi laloqo' da na shiÿaxauapi qome sa ishit da aÿim ila'a, qalaxayi qami' qome qalaq aÿim qauloita'a. Cha'ayi qanca'alliitauec, cha'ayi aÿim ñica'altauec.

Juan 14:6

Nachi so Jesús 'enapega somayi, 'eeta': –Aÿim mayi nachaÿim nqa'aic, qataq nachaÿim 'eesa lataxac, qataq nachaÿim nca'alaxa. Saqca ca lÿa ñigueuo da qainoxoneu'a ñi ita'a, nachaqaÿimta.

Juan 3:16

Cha'ayi ñi Dios ÿataqta lta'adaic da lauotaxanaqtaic na shiÿaxauapi, ÿoqo'oyi ÿan na 'oonolec llalec, yaqto' 'enauac nam i'amaqten namayi, nachi sa ishit da ileu. Chaqdata da huo'o da lca'alaxa mayi chochaq tateec.

Juan 3:36

Qaq cam i'amaqten se'eso ñalec, nachi camayi huo'o da lca'alaxa chochaq tateec. Qaq cam sa ishit da i'amaqten, nachi camayi sa ishit da taÿot de'eda nca'alaxa, chaqdata da huetalec camayi dam qaica ca 'en'am da lchic lhuaxanaxanaxac ñi Dios.

Juan 5:21

Cha'ayi de'eda 'eetec da ñi ita'a da ishit da qaltaq nca'alaxateec ca leuaxaic, nachi ÿanem da lca'alaxa, qaq nachi 'eetec nataq'en nam llalec da ishit da ÿanem da lca'alaxa cam tajlec da ÿanem.

Juan 5:26

Cha'ayi ñim lta'a huo'o da l'añaxac, da yaqto' maichi ÿan da nca'alaxa, nataq'en ÿanem na llalec da l'añaxac da ÿan da nca'alaxa.

Juan 6:35

Nachi so Jesús 'enapeco': –Nachaÿim mayi aÿim pan mayi chigaqaigui da nca'alaxa. Ca aÿim nau'a, nachi sa nauane' qome na lqouaxa; qataq ca aÿim i'amaqten, nachi sa nauane' qome na laquip.

Juan 6:44

Qaica ca ishit da chochi aÿim nau'a da huo'otaq sa nauegueuo ñi ita'a mayi aÿim namaq; nachi camayi ishit da qaltaq ñica'alaxateec ca pa'ateec na'a'q.

Hechos 3:15

Qaq 'eda da 'eetec da qami' qaualauachi som chigoqo'ot da achaalataxac. Qalaxayi ñi Dios qaltaq nca'alaxateec somayi, qaq 'enauac de'eda qomi' sauanaqchigui.

Romanos 4:17

qaq damayi chigoqchigui ñi Dios ñim i'amaqten nataq'en somayi. Qaq ipacchigui dam 'enapec naua ñiyigui'shi l'aqtaqa ñi Dios, mayi 'eeta': “'Am sanagui da 'am lta'a na saqalota ÿotta'a't shiÿaxauapi.” Cha'ayi ñi Dios ishit da qaltaq nca'aleec naq'en nam leuaxaicpi, qataq ishit da yi'oq naq'en cam saq cha'a.

Romanos 8:2

Cha'ayi dam l'añaxac so Espíritu mayi ÿan da achaalataxac, damayi aÿim huesoueguesop naq'en da l'añaxac da ñi'itaxaloxo qataq da nleuaxa, chigoqchigui naq'en da mashi qan'attau'a so Cristo Jesús.

1 Corintios 15:18

Qaq nataq'en na mashi qanmataxanaxaneecpi nam quetañi' da i'amaqten so Cristo, namayipi imauec da daqat.

1 Corintios 15:29

Qaq ¿huá'ague ca 'eetec yi huo'o na nañan da qanachilaxan da nshitaique da 'ico' qanachilaxan ca leuaxaic? ¿Tá'ainco' yi i'ot de'eda? Da huo'otaq sa ishit da nca'aleec qanqoÿin na leuaxaicpi, ¿tá'ainco' yi nañaalec namayipi da qanachilaxan?

2 Corintios 4:14

Cha'ayi saÿajnaqta ñim Dios mayi qaltaq nca'aleec naq'en co'ollaq qaÿalauat so qadataxala' Jesús, ñimayi nataq'en qome qomi' nca'alaxatreec, 'eeta'am da 'eetec naq'en so Jesús. Ime, qaq qomi' nÿatreuo da qomi' ÿauegueu'alo ca netaña ñimayi.

Filipenses 1:23

Ÿataqta huo'o da lqalaic ñaq'en cam ÿoqta llica'ateu'a naamayi. Cha'ayi da lÿa iuennataxa 'eeta': Aÿim ñishitaique da seleu, yaqto' nachi 'eetai' da soota'aguet so Cristo. Cha'ayi damayi ÿataqta ÿacteec da 'onaxaic ñaqshin.

Filipenses 3:10

Qataq aÿim ñishitaique da ÿataqta sauattoota so Cristo qataq da l'añaxac co'ollaq nca'aleeguesop qanqoÿin da nleuaxa, qataq da ñiuanau'a da nque'ejnaxac, chochi sevitta'a da shiita'am somayi da seleu.

1 Ts 4:14

Cha'ayi da qomi' sa'amaqtenaq so Jesús da mashi ileu qataq nca'aleec, qaq nachi 'eeta'ama qomi' mayi sa'amaqtenaq da ñi Dios ishit da nca'alaxateec da hueta'aguet naq'en so Jesús na 'amqajnataxanaxaicpi, nam mashi qanmataxanaxaneec.

Apocalipsis 1:18

Qaq aÿim mayi nachaÿim ñica'alapeguec. Aÿim co'ollaxa seleu, qalaxayi nagui qaltaq ñica'altauec, qanachi sa lÿa da seleu. Qaq nagui aÿim hueto'ot da l'añaxac da nleuaxa qataq cam laponqa' na leuaxaicpi.

Apocalipsis 20:5

Qaq 'eso som hua'auchiguiñi da qanca'alaxateeguesop na leuaxaicpi. Qaq som laÿipi leuaxaicpi, qalaq sa ishit da qaltaq qanca'alaxateec to' qom ivildeec caua mil vi'iyi.

Apocalipsis 21:4

Nachi ñimayi iÿodeec 'enauaque naua lachi' namayipi. Huaña, nachi sa ishit da ileu ca shiÿaxaua, qataq sa ishit da noÿiitac, huo'otaq da n'alaqtapiguiñi, huo'otaq da huo'o da nqui'ic. Cha'ayi 'enauac na seloqtaigui nagui 'enauac imeuo.

Apocalipsis 22:1

Nachi so namaxashic aÿim ÿachaxana so tala mayi chigoqtapoigui da nca'alaxa na l'ec 'etaxat. Somayi 'eeta'am na chauec, ÿataqta yi'oqchiguiñi. Qaq somayi chigoqteu'a ca nso'onqa' ñi Dios qataq so qagueta llalec.

Apocalipsis 22:17

Qaq so Espíritu Santo qataq aso huotaique da lhua so qagueta llalec 'eeta': –Ña 'auanac. Qaq cam hua'axaÿa de'eda n'aqtac, qaq nataq'en 'eeta': –'Auanac. Qaq cam ilem na laquip, qaq da nshapeque da nÿom, qaq no'on da anac, nachi nÿomgui ca 'etaxat mayi chigaqaigui da nca'alaxa. Qaq camayi chochi qoÿaachi'.