Juan 10:2 - Nuevo Testamento Toba Sur

² Qaq cam tateu'a ca lasom, qachi nachica cam qagueta l'o mayi ilotague' ana qaguetapi.

Nuevo Testamento Toba Sombrero Negro

² Qalaĝaja ga'me jo'ne ta'uet ga'me najom jaga'me 'naĝanaĝatelpi lae't nach'ega jo'ne 'naĝanaĝate nouatoqo't jo'ne netelalo jogaa'me 'naĝanaĝatelpi.

La'aqtaqa Ñim Lo'onatac 'Enauacna 2013

² Qalaxaye cam tateua'a ca lasom, qache nacheca cam ilotague' ana qaguetapi.

Juan 10:2 Iomraidhean Croise

Mateo 15:11

Da 'enauac na chic ca shiÿaxaua, sa ishit da nachina na ishipaxanaqchit da nachaalataxac. Chaqnata nam l'aqtacpi mayi chigaqaigui na alap mayi nachina na ishit da ishipaxanaqchit da nachaalataxac.

Juan 10:14

Aÿim mayi nachaÿim no'on qagueta l'o. Qaq de'eda 'eetec da ñi ita'a aÿim ÿauattoota, qataq da aÿim sauatton ñimayi, qaq nachida da 'eetec da aÿim sauattoota ana ilo qaguetapi, qaq anamayipi nataq'en ÿataqta aÿim ÿauattoota. Qaq aÿim san da ñachaalataxac souaxat anamayipi.

Juan 10:7

Nachi so Jesús qaltaq ÿi'iguelaxalec da da'aqtaxan, 'eeta': –Ÿataqta 'eesa de'eda qami' sa'axatema, 'eeta': Aÿim mayi nachaÿim lasom mayi aÿim lligueuo ana qagueta.

Juan 10:9

Qaq aÿim mayi nachaÿim lasom. Qaq ca aÿim tateu'a, nachi camayi nca'aleec. Nachi camayi 'eeta'am aca qagueta da pa'auo qataq da npa'aueguesop aca laÿi', nachi ÿanata ca 'auaqpi.

Hechos 20:28

Qaq ÿoqo'oyi ñi 'oonolec da qoñiita ÿataqta ntel-la't qome, qataq nataq'en qadchilliÿa'a qome 'enauac na 'amqajnataxanaxaicpi mayi qami' ipataxagueta so Espíritu Santo da yaqto' qauloÿigue. Namayipi maichi lalamaxatpi so qadataxala', lshijnaxanaxatpi, lashiue soua maichi ltago'q co'ollaq qaÿalauat.

1 Timoteo 4:14

Sa ishit da 'anañaxane' da l'onataxanaxac ñi 'anshitaxat mayi 'am ÿami' ñi Dios so na'a'q co'ollaq ÿachanguit añi lquiyaqte na lataxala'pi na 'amqajnataxanaxaicpi da 'am ÿashil-lec.

Tito 1:5

Se'eso na'a'q co'ollaq 'am ñi'onaxataña yi 'alhuolec Creta, cha'ayi ñishitaique da 'auaÿamaxajñi na saxana sematpi, qataq da 'edeuo na lataxala'pi na 'amqajnataxanaxaicpi mayi netaña na pueblopi. Qaq 'eda da 'am sepataxalec da 'au'axat:

Hebreos 13:20

Qaq ñim Dios mayi i'ot da nlagaxayic, ñim nca'alaxateeguesop da nleuaxa so qadataxala' Jesucristo, mayi nachiso so 'oonolec lataxala' ana qagueta, souaxat soua ltago'q mayi ÿoqta 'itchiguiñi naq'en dam qanaÿamaxataxac mayi chochaq tateec,

1 Pedro 2:25

Cha'ayi qami' co'ollaxa qoñiita'am aca qaguetapi mayi isomtac, qalaxayi nagui da qavi'iguelaqaÿa so Cristo mayi ishit da qami' ntela'alo da 'eeta'am ca qagueta l'o, qataq ilo'ogue da qanachaalataxaqui.

1 Pedro 5:4

yaqto' qom ivita da ñi'iguelaq som ilotague' 'enauac na lataxala'pi na 'amqajnataxanaxaicpi, nachi qami' qauacoñiiguet aca qanshiitenaqchi mayi saqca ca 'en'am da lyac, saq 'en'am aca lshiitenaxanaqte ca shiÿaxaua mayi ishit da daqaqtañi, 'eeta'am ana laue ca qo'ipaq.

Apocalipsis 1:20

Qaq 'eda dam saq cha'a n'aqtaguec asom siete huaqajñi mayi 'auauaachigui da huetaigui na iuaq qataq asom siete ncoÿadaxanaxaqui mayi chigaqaigui na oro, 'eeta': asom siete huaqajñipi, naigui ñi 'oonolec na namaxashic piguem l'ecpi mayi ilotague' na 'amqajnataxanaxaicpi mayi netalguete naua siete 'ale'u. Qaq aso siete ncoÿadaxanaxaqui naigui na 'amqajnataxanaxaicpi mayi netalguete se'esoua siete 'ale'u.