Juan 1:42 - Nuevo Testamento Toba Sur

⁴² Ime, nachi so Andrés ÿauec so Simón da ÿauega ca netaña so Jesús. Qaq so Jesús co'ollaq ila'aguet somayi, nachi 'enapega, 'eeta': –'Am Simón mayi 'am llalec so Jonás, nagui 'am qaÿamata'ac da 'ad'enaxat Cefas –de'eda n'enaxat naigui da Pedro, coma'.

Nuevo Testamento Toba Sombrero Negro

⁴² Ca'li yem da'me dojo' qama'le Andrés yauec ñe'me Simón yauega joga'me ue'ta ñe'me Jesús. Mane'e ca'li Jesús yauana joñe'me, qama'le eetac: —Naqa'am jo'ne am Simón, lec'oĝot ga'me Juan, qalaĝaja nayi jen adenaĝat da'me Cefas ('me yeloteguet da'me Pedro.)

La'aqtaqa Ñim Lo'onatac 'Enauacna 2013

⁴² Ime, nache so Andrés ỹauec so Simón da ỹauega ca netaña So Jesús. Qaq So Jesús co'ollaq ila'aguet somaye, nache 'enapega, 'eeta': –'Am Simón maye 'am llalec so Jonás, 'am qaỹamata'ac da 'are'enaxat Cefas. (De'era ne'enaxat naigui da Pedro, nataqa'en naigui da Coma'.)

Juan 1:42 Iomraidhean Croise

Mateo 10:2

Qaq 'ena na l'enaxatpi soua doce lamaxa'shi: Simón da l'enaxat lÿa Pedro, qataq so lqaÿa Andrés; Santiago qataq so lqaÿa Juan, soomayi llalqa so Zebedeo;

Marcos 3:16

Qaq 'enaua naua l'enqa'te soua doce, 'eeta': so Simón som ilonec so Jesús da Pedro;

Lucas 5:8

Qaq co'ollaq noma de'eda so Simón, nachi i'adoto naua l-llicte so Jesús. Nachi 'enapega, 'eeta': –Aÿim 'auÿojlec qome, 'am ÿataxala', cha'ayi aÿim ÿataqta aÿim ÿale 'itaxaloxoic.

Lucas 6:14

Qaq 'ena na l'enaxatpi somayipi: Simón som ilonec da l'enaxat Pedro, qataq so Andrés som lqaÿa so Pedro, qataq so Santiago, qataq so Juan, Felipe, qataq so Bartolomé,

Juan 13:18

Qaq aÿim sa ishit da imauec da qoñiita da qami' setaqtapoiguilo, cha'ayi aÿim saÿateeta nam ÿataqta llica'aguishicpi. Qalaxayi ÿataqta ipacchigui qome da 'enapec naua ñiyigui'shi n'aqtaqa, mayi 'eeta': “Cam maichi iqui'axaua, qalaq camayi aÿim dataÿa'aguet da aÿim npa'aguene'.”

Juan 21:2

Soomayi co'ollaxa ÿalecta'a't so Simón Pedro, Tomás som qaÿamata'ac da huaya', qataq so Natanael mayi lma' yi Caná yim huaigui yi Galilea, qataq soua llalqa so Zebedeo, qataq soua lÿa't dos lapaxaguenataqa so Jesús.

Juan 4:16

Nachi so Jesús 'enapega asomayi, 'eeta': –'Auesoma qome, 'avi'iguena'ata ca 'adhua, nachi 'auanaxaama ne'ena.

1 Corintios 1:12

Qaq ÿoqo'oyi yi'oqta da qoñiita da ÿotta'a't naua qadtaxaÿaxacolli'. Cha'ayi huo'o na 'eeta': “Aÿim ÿataxala' so Pablo;” qataq huo'o na 'eeta': “Aÿim ÿataxala' so Apolo;” qataq huo'o na 'eeta': “Aÿim ÿataxala' so Pedro;” qataq huo'o na 'eeta': “Aÿim ÿataxala' so Cristo.”

1 Corintios 15:5

Qaq ime, nachi somayi nachaxana so Pedro, ime qaltaq jec soua lÿa't lamaxa'shi.

1 Corintios 3:22

nai'ctaxa da Pablo, huo'otaq Apolo, huo'otaq Pedro, huo'otaq ana 'alhua, huo'otaq da nca'alaxa, huo'otaq da nleuaxa, huo'otaq naua ñachaataqtaiguilo na'axa'te, huo'otaq ca ñaq natauo, cha'ayi namayi 'enauac qadalamaxachi.

1 Corintios 9:5

qataq nataq'en da ñinaictague' aca iua 'amqajnataxanaxai, 'eeta'am da 'eetec na laÿipi lamaxashicpi so qadataxala' Jesús, qataq soua lalamqa'te lqaÿa't, nataq'en so Pedro.

Gálatas 1:18

Qaq co'ollaq mashi inoxoodeec soua tres vi'iyi, nachi aÿim saigue da Jerusalén. Huaña, nachi aÿim sauatton so Pedro, nachi soota'asop somayi, ivi' naua quince na'axa'te.

Gálatas 2:11

Qalaxayi so Pedro co'ollaq taÿa yi la ciudad Antioquía, huaña, nachi ÿataqta sevidaxato'ot, souaxat da i'ottac ÿataqta sa ÿaÿamaxañi.

Gálatas 2:9

Qaq ÿoqo'oyi so Santiago, Pedro, qataq so Juan mayi l'auaxanqa da nataxala'te, soomayi ÿauattoote' da nachiñi ñi Dios ñi aÿim ÿanem de'eda i'onataxanaxac. Qaq ÿoqo'oyi soomayi nachi aÿim nashileto qataq so Bernabé. Qaq de'eda qanashilaxac naigui da maichi qomi' nÿa't, qataq da qaÿaÿamaxadeeta da qomi' so'onataxanaxaigui nam saq judiopi, qaq soomayi qalaxayi do'onataxaadoigui nam judiopi.