Juan 1:14 - Nuevo Testamento Toba Sur

¹⁴ Qaq se'eso l'enaxat l'aqtac ñi Dios, somayi nañigui da lataxac na yi'oqchigui shiÿaxaua. Nachi somayi qomi' hueta'agueta, qalaq ÿataqta nlaqchigui da lauotaxanaqtaic qataq dam 'eesa lataxac. Qaq qomi' sauanaqchigui da lli'oxoyic dam ñi'oxoyic mayi maichi lalamaxat lli'oxoyic som 'oonolec llalec ñim qadta'a Dios.

Nuevo Testamento Toba Sombrero Negro

¹⁴ Qama'le ñe'me jo'ne 'naqatac joca'li male di'yoq ca'li da'me jiyaĝaua, ñe'me jo'ne yataqachiñe choĝodenataĝanaĝaic nataq'aen yataqatelegue, male qo'mi uetauelo. Chane'eja jauanaĝa da'me 'lonaĝac jo'ne yachiyoĝo'tot ñe'me Let'a queda'me onolec jo'ne mach'e Lec'oĝot.

La'aqtaqa Ñim Lo'onatac 'Enauacna 2013

¹⁴ Qaq se'eso Na'aqtac qomi' hueta'agueta, 'eeta'am ca 'oonolec da shenaqta. Qataq qomi' sauanaqchigui da la'añaxac maye maiche lalamaxat som 'oonolec Llalec Ñim Lo'onatac 'Enauacna, cha'aye qomi' ỹachaxanalo 'enauac da lsoxoyec qataq da 'eesa lataxac.

Juan 1:14 Iomraidhean Croise

Mateo 1:16

Qaq so Jacob nachi llalec so José som lhua aso María mayi late'e so Jesús som l'enaxat nta'a nca'alaxaqui.

Lucas 2:11

Qaq damayi 'eeta': nagui lañoqo' yi npueblo so David cam qaÿauotaique da qadca'alaxaquii l'enaxat da Cristo cam qadataxala'.

Lucas 2:7

Nachi huaña yimayi co'ollaq ñiguiñi so l'auaxanec llalec. Nachi lpataxangui so lapo', ime, nachi ÿachangui aso lqui'axaqui na nlo shiguiÿacpi, cha'ayi souaxat da qaica ca lma't soomayi som noÿic mayi n'ochaqa'.

Lucas 9:32

Qaq so Pedro qataq soua lÿa't ÿataqta sa l'axaic na l'ochaqa', qalaxayi ishit da nlodeec. Nachi ÿauaachiyigui da lli'oxoyic so Jesús qataq soua dos shiÿaxa'u mayi hueta'agueta somayi.

Juan 1:1

Co'ollaq chita'ague da qai'ot 'enauacna, qaq nal'ena da huo'o so l'enaxat l'aqtac ñi Dios. Qaq se'eso l'enaxat l'aqtac ñi Dios, somayi hueta'aguet ñi Dios, qaq somayi Dios.

Juan 11:40

Qalaxayi so Jesús 'enapeco': –¿Sa ishito' da 'am shiitega caillaxa da huo'otaq 'au'amqajnataxan, nachi ishit da 'aulogui da lli'oxoyic ñi Dios?

Juan 14:6

Nachi so Jesús 'enapega somayi, 'eeta': –Aÿim mayi nachaÿim nqa'aic, qataq nachaÿim 'eesa lataxac, qataq nachaÿim nca'alaxa. Saqca ca lÿa ñigueuo da qainoxoneu'a ñi ita'a, nachaqaÿimta.

Juan 14:9

Nachi so Jesús 'enapego' somayi, 'eeta': –Felipe, aÿim mashi huo'oi soua na'axa'te da qami' soota'agueta, ¿qalaq ñaq saxanoxo' da aÿim 'auauatton? Cha'ayi ca aÿim ila'a, camayi nataq'en ila'a ñi ita'a, qaq ¿tá'ainco' yi aÿim 'auÿaxaatacot da qami' salloxonaxanguilo ñi ita'a?

Juan 17:22

Qataq aÿim sanem namayipi dam ÿi'oxoyic mayi aÿim 'ai'anem, yaqto' namayipi ÿataqta 'oonolec ca lataxac, 'eeta'am da 'eetec 'am qataq aÿim da ÿataqta 'oonolec da qadataxac.

Juan 17:24

'Am ita'a, namayipi aÿim 'ai'anem co'ollaxa, qaq ÿoqo'oyi ñishitaique da namayipi aÿim hueta'aguet qome cam soota'a, yaqto' ÿauaachigui cam ÿi'oxoyic mayi aÿim 'ai'ami'. Cha'ayi 'am nal'ena co'ollaxa da ÿataqta aÿim 'auauotec co'ollaq saxanaqaca ana 'alhua.

Juan 18:37

Nachi so Pilato 'enapego' somayi, 'eeta': –¿Qachi ÿoqta 'eesa da 'am nta'a? Nachi so Jesús 'enapeco': –Aja', aÿim nta'a, nachida dam qonapec. Aÿim sañiguiñi da ñanaÿa ana 'alhua, da yaqto' sa'axat cam 'eesa. Qaq 'enauac nam ÿalaxalec dam 'eesa, namayipi n'axaÿaxana dam i'aqtaxanaxac.

Juan 2:11

Qaq de'eda i'ot so Jesús huaña yi Caná mayi huaigui yi 'alhua Galilea. Qaq damayi nachida da hua'auchiguiñi nam i'otpi n'anec mayi sa qaÿauanapigui co'ollaq ÿachaxan da lli'oxoyic. Nachi so lapaxaguenatacpi ÿataqta i'amaqten somayi.

Juan 3:16

Cha'ayi ñi Dios ÿataqta lta'adaic da lauotaxanaqtaic na shiÿaxauapi, ÿoqo'oyi ÿan na 'oonolec llalec, yaqto' 'enauac nam i'amaqten namayi, nachi sa ishit da ileu. Chaqdata da huo'o da lca'alaxa mayi chochaq tateec.

Juan 3:18

Ca i'amaqten na llalec ñi Dios, nachi camayi sa ishit da huo'o ca nhuaxanaguec. Qalaxayi cam sa i'amaqten namayi, nachi sogote da huetalec da huo'o da nhuaxanaguec qanqoÿin, souaxat da sa ishit da i'amaqten na 'oonolec llalec ñi Dios.

Juan 6:51

Qaq aÿim mayi nachaÿim pan mayi ñica'altauec, qataq sachigoqo'ot na piguem. Ca chic ana'ana pan, nachi huo'o da lca'alaxa chochaq tateec. Ana pan mayi san, nachida da i'oquiaxac. Qaq damayi san, yaqto' nca'aleec na shiÿaxauapi.

Juan 8:32

Nachi qami' qome ÿataqta qauauattoñiita da 'eesa lataxac, qaq de'eda 'eesa lataxac, nachida da ÿataqta qami' huesochiyiñi naq'en.

Hechos 13:33

Cha'ayi qomi' maichi qomi' llalaqpi somayipi, qaq ÿoqo'oyi ñi Dios ÿataqta ipacchigui dam 'enapec co'ollaxa da qaltaq nca'alaxateec so Jesús da qadca'alaxaqui. Cha'ayi nachi nanettalec aso nede l'enaxat Salmo da l'aqtac, 'eeta': “'Am mayi nachi'am ÿalec, 'am seco'oic ne'ena na'a'q.”

Romanos 8:3

Cha'ayi ñi Dios i'ot co'ollaxa dam sa ishit da ÿañoxot da i'ot nam nqataxacpi mayi chigoqo'ot so Moisés. Cha'ayi na nqataxacpi qaica ca l'añaxac souaxat da lapachiyaxac na shiÿaxauapi. Nachi ñi Dios namaq so lalamaxat llalec da 'eeta'am naq'en ca shiÿaxaua, da yaqto' ishit da qaÿalauat da ishiiten da ñi'itaxaloxo. Qaq 'eda da 'eetec da huo'o mshi ñimayi namaq so llalec da 'eeta'am naq'en ca 'itaxaloxoic shiÿaxaua. Huaña, nachi ÿachigoxotchigui de'eda lapachiyaxac somayi da nlaxajñi da l'añaxac da ñi'itaxaloxo.

Romanos 9:5

Namayipi maichi llalaqpi som hua'au qadta'alpi. Qaq da yi'oqchigui lapachiyaxac namayipi chigoqtoigui so Cristo som qoÿanagui da qadta'a Dios da ilo'ogue 'enauacna, da yaqto' nachi 'eetai' da qaÿi'oxodeetac. Aja', nachi 'eetec de'eda.

1 Corintios 15:47

So hua'auchiguiñi shiÿaxaua qaÿachigoxotaigui ana 'alhua, qaq somayi 'alhua l'ec. Qalaxayi so ÿaqa'aguet shiÿaxaua som qadataxala', somayi chigoqo'ot na piguem.

2 Corintios 12:9

Qalaxayi somayi aÿim 'enapega, 'eeta': “Da ÿoqouagaxanaqtaic mashi 'am hueto'ot, qaq saqca ca lÿa 'aueetac. Cha'ayi da i'añaxac yi'oq da nachattaigui ca shiÿaxaua qaica ca l'añaxac.” Qaq ÿoqo'oyi ÿataqta samachiguiñi da saqca ca i'añaxac, yaqto' da l'añaxac so Cristo yi'oq da aÿim nachattaigui.

Gálatas 4:4

Qalaxayi co'ollaq ivita so na'a'q mayi naloqnec, nachi ñi Dios namaq so llalec da nañaxatoigui naq'en aso 'alo, da chigoqtoigui naq'en na judiopi mayi hueto'ot da lapaxaguenataxanaxac na nqataxacpi.

Efesios 3:8

Cha'ayi aÿim ÿataqta qaica ca i'amaqchic, sa ishit da shin'am ca ÿapacteec qaica ca l'amaqchic na lalamaxatpi ñi Dios. Qalaxayi ñimayi aÿim ÿanagui de'eda ñi'achiquiaxac da yaqto' sa'axatem nam sa ishit da judío l'ecpi da no'on qad'axaÿaxac mayi i'axat dam sa ishit da qanaloqten lsallaxa so Cristo.

Colosenses 1:19

Cha'ayi ñi Dios nshitaique da so Cristo ÿataqta imatta't 'enauac da lataxac ñimayi.

Colosenses 2:3

Cha'ayi somayi nachiso so imatta't 'enauac na ÿotta'a't naÿajneguesat qataq na nauattonaxanaxacpi mayi chochaq huañi.

Colosenses 2:9

Cha'ayi 'enauac da lataxac ñi Dios ÿataqta imattaigui da nachaalataxac so Cristo.

1 Timoteo 3:16

Qaq sa ishit da qaÿoqolguet de'eda saq cha'a lataxac da qad'amqajnataxanaxac, cha'ayi ÿataqta lta'adaic da lli'oxoyic: Ñi Dios nachaxan, qalaxayi nachida da yi'oqchigui lapachiyaxac na shiÿaxauapi; qaq da n'aqtaguec co'ollaq i'axat so Espíritu ÿataqta 'en da no'on shiÿaxaua, qaq ÿauaachigui somayi 'enauac na chigaqshiguem Dios lamaxashicpi. Qataq qai'axatem 'enauac na ÿotta'a't shiÿaxauapi, ÿoqo'oyi huo'o na i'amaqten na 'enauac ÿallippi nam huetalecna. Ime, qaq qaÿaueegue da piguem.

Hebreos 1:3

Qaq somayi nachiso som lli'oxoyic da l'edaxa ñi Dios, qataq somayi nachiso som lqui'iÿaxac ñimayi, qataq somayi nachiso som nllitañi 'enauacna, nam l'aqtaqa mayi qaica ca ÿaqalana'pe. Qaq somayi co'ollaq imat da iÿouec 'enauac nam qadasouaxashitpi, nachi somayi nso'ongue da aloic ñi Dios mayi nso'ootangui aca nso'onaxaqui da nta'a mayi neta'ague da piguem.

Hebreos 1:5

Cha'ayi ñi Dios sa ishit da huo'otaq iÿaxana ca lamaxashic piguem l'ec da 'eeta': 'Am mayi nachi'am ÿalec; 'Am seco'oic ne'ena na'a'q. Qataq sa ishit da detaxaÿa ca lamaxashic piguem l'ec da 'eeta': Aÿim qome aÿim lta'a somayi, qaq somayi qome ÿalec.

Hebreos 10:5

Qaq ÿoqo'oyi so Cristo, co'ollaq huotaique da anaÿa ana 'alhua, nachi 'eetega ñi Dios, 'eeta': 'Am sa 'auaconguet na nachitaqtaxanaxatpi, qataq na qoÿaatapegueuo shiguiÿacpi, chaqdata da 'am 'auqataxaatapigui cam i'oquiaxac.

Hebreos 2:11

Cha'ayi nam qaiÿo da nachaalataxac, qataq som deÿoxootac, naamayi 'oonolec ñi lta'a' Dios. Qaq ÿoqo'oyi so llalec ñi Dios, somayi sa ishit da da'aguelec da iÿaxana namayipi da ÿataqta lqaÿañicpi.

Hebreos 5:5

Qaq 'eda da 'eetec nataq'en so Cristo, somayi sa ishit da huo'otaq maichi nalligoxojla't da nachiso lataxala' na ntaxaÿaxanaxanecpi. Cha'ayi nachiñi ñim Dios mayi ÿanem de'eda l'amaqchic somayi. Cha'ayi nachi 'ena'pe naua l'aqtaqa, 'eeta': 'Am mayi nachi'am ÿalec; 'am seco'oic ne'ena na'a'q.

1 Juan 4:14

Qataq qomi' nataq'en ÿataqta sauanaqchigui ñi qadta'a Dios qataq sa'axataqtac da ñimayi namaq so llalec, da yaqto' nca'alaxateec 'enauac nam huetalec ana 'alhua.

1 Juan 4:9

Qaq ñi Dios qomi' ÿachaxanalo da lauotaxanaqtaic co'ollaq namaxa ana 'alhua so 'oonolec llalec, da yaqto' qomi' sachigoxotaqchigui somayi da qadca'alaxa.

2 Juan 1:7

Cha'ayi qalota nam huetalec ana 'alhua tenataxanaxaicpi mayi nqolguete' so Jesucristo da ÿoqta 'eesa shiÿaxaua. Qaq cam nachi 'eetec de'eda, qachi nachica ca tenataxanaxaic qataq npa'aguene' so Cristo.

Apocalipsis 19:13

Qaq somayi soua ÿaatrañi alogo ÿataqta huaguilo na ntago'q. Qaq da l'enaxat somayi, 'eeta': L'aqtac ñi Dios.

Apocalipsis 21:3

Nachi sa'axaÿa so n'aqtac ÿataqta alam, chimqot na piguem, 'eeta': –Ña 'aula'a, ñi Dios netangui nagui na shiÿaxauapi, ÿataqta lauodeuapi. Namayipi ÿataqta lauo' l'ecpi. Ñimayi ÿalecta'aguet na shiÿaxauapi, qaq nachiñi ñi lta'a Dios namayipi.