Juan 1:11 - Nuevo Testamento Toba Sur

¹¹ Qaq somayi anaÿa na maichi lalamaxat lma', qalaxayi na maichi lalamaxat lauo' l'ecpi sa ishit da ÿaconguet.

Nuevo Testamento Toba Sombrero Negro

¹¹ Qama'le da'me male nec'ata jena'me mach'e 'naleua, jogaa'me mach'e 'lachaqa' laje'pi ja yacoteguet joñe'me.

La'aqtaqa Ñim Lo'onatac 'Enauacna 2013

¹¹ Qaq So Na'aqtac anaỹa ana 'alhua, qalaxaye na lauo' le'ecpi saishet da ỹaconeguet.

Juan 1:11 Iomraidhean Croise

Mateo 15:24

Nachi so Jesús 'enapeco': –Ñi Dios ndoqteeteec da aÿim namaxa nam Israel llalaqpi mayi 'eeta'am aca qagueta mayi isomtac.

Lucas 19:14

Qalaxayi so shiÿaxauapi mayi lma' se'eso 'alhua ÿataqta nquiÿa somayi. Nachi qaÿauo'o so qaÿamaq da qaica'ataxanaxaalec somayi, da yaqto' qoÿinapega, qoÿiita': “Qomi' sa saÿamaxadenaq ne'ena shiÿaxaua da qadta'a.”

Juan 1:10

Qaq se'eso l'enaxat l'aqtac ñi Dios, somayi hueta'a ana 'alhua. Qaq nai'ctaxa da ñi Dios ÿachigoxotchigui somayi co'ollaq i'ot ana 'alhua, qalaxayi nam huetalec ana 'alhua sa ishit da ÿauatton.

Juan 1:12

Qalaxayi ñaqaiyita huo'o na ÿaconguet qataq i'amaqten somayi, qaq nachina na ÿanem da ÿoqta 'itchiguiñi da llalaqpi ñi Dios.

Juan 19:27

Ime, qataq 'enapego' so lapaxaguenatac, 'eeta': –'Ada qome ada 'adate'e. Nachi chigoqchiguiña se'eso na'a'q da se'eso lapaxaguenatac ÿauegueu'a so lma' asomayi.

Juan 3:32

Qaq camayi da detaqa, qalaq i'axat nam ÿauaachigui qataq nam hua'aqchigui. Qalaxayi sa ishit da huo'o ca i'amaqten cam 'enapec camayi.

Hechos 13:26

Qaq qami' ÿaqaÿa't mayi qami' llalaqpi so Abraham qataq 'enauac da qoñiita mayi ÿataqta qayi'iÿai ñi Dios, de'eda qai'axattac nca'alaxa, damayi nachi qadalamaxachi.

Hechos 13:46

Qalaxayi so Pablo qataq so Bernabé sa ishit da ñi'idelec da l'aqtaxanaxa'c. Nachi co'ollaq ime, nachi 'ena'po': –Da l'aqtac ñi Dios, damayi iuen da hua'auñi da qai'axatem nam judiopi. Qalaxayi nagui yi qami' sa ishit da qauacoñiiguet, qataq qoñiÿapec yi sa iuen da qauacoñiiguet da nca'alaxa mayi chochaq tateec, qaq qomoxochictaxa qomi' nagui saxaigui nam sa ishit da judío l'ecpi.

Hechos 21:6

Huaña, nachi ñaqapalaqtague' somayipi da ñicoyiguenaqtague', nachi senotaxau'a aso barco. Qaq somayipi ÿi'iguelaxau'alo naua lma'te.

Romanos 15:8

Cha'ayi de'eda sa'axattac da so Cristo anac da do'onataxaalec nam judiopi, da yaqto' ipacchigui 'enauac nam qaÿachaxanapeguempi som hua'au qadta'alpi, qataq da ÿachaxan da ñi Dios ÿataqta ipacchiguilo nam ÿachaxana'pe.

Romanos 9:1

Ÿataqta 'eesa de'eda sa'axattac, cha'ayi aÿim sa'amaqten so Cristo, qaq sa ishit da chochi satenataxaatac. Cha'ayi da ivilÿaxac chigoqchigui so Espíritu Santo da aÿim i'axatem da ÿoqta aÿim 'eesa.

Romanos 9:5

Namayipi maichi llalaqpi som hua'au qadta'alpi. Qaq da yi'oqchigui lapachiyaxac namayipi chigoqtoigui so Cristo som qoÿanagui da qadta'a Dios da ilo'ogue 'enauacna, da yaqto' nachi 'eetai' da qaÿi'oxodeetac. Aja', nachi 'eetec de'eda.

Gálatas 4:4

Qalaxayi co'ollaq ivita so na'a'q mayi naloqnec, nachi ñi Dios namaq so llalec da nañaxatoigui naq'en aso 'alo, da chigoqtoigui naq'en na judiopi mayi hueto'ot da lapaxaguenataxanaxac na nqataxacpi.