Hechos 4:2 - Nuevo Testamento Toba Sur

² Qaq somayipi ÿataqta dalemata, souaxat so Pedro qataq so Juan da ÿapaxagueeta'pe na shiÿaxauapi, qataq i'axattrac da 'eetec da na shiÿaxauapi ishit da qaltaq qanca'alaxateec qome, cha'ayi so Jesús mashi qaltaq qanca'alaxateec.

Nuevo Testamento Toba Sombrero Negro

² Dalemata'tape jogaa'me qa'a Pedro nataq'aen Juan 'yaĝate'tape ñe'me Jesús da'me yapaĝaguetapeque ga'me jiyaĝadipi da'me 'niyelaĝadijeguem jo' qomle dia'me joote yele'u.

La'aqtaqa Ñim Lo'onatac 'Enauacna 2013

² Qaq soomaye ỹataqta dalematai', souaxat so Pedro qataq so Juan da ỹapaxagueetrac na shiỹaxauapi, qataq ỹa'axattrac da na leuaxaicpi ishet da qaltaq qanca'alaxatec qome, 'eeta'am So Jesús da qaltaq nca'alec.

Hechos 4:2 Iomraidhean Croise

Hechos 13:45

Qalaxayi nam judiopi co'ollaq ila'a da ÿataqta qalota na shiÿaxauapi, nachi namayipi ÿataqta huo'o da ndaxaÿaxa. Nachi qaÿasatta'aguet na l'aqtacpi so Pablo qataq qaishiueetac.

Hechos 17:18

Qaq huo'o nam shiÿaxauapi mayi napaxagueetega da lapaxaguenataxanaxac nam l'enaxat epicúreos, qataq nam napaxagueetega da lapaxaguenataxanaxac nam l'enaxat estoicos, nachi namayipi n'aqtaxaatague' somayi. Nachi namayipi huo'o na 'eeta': –¿Négue't da qomi' i'axattapeguema dam da' shiÿaxaua? yi ÿapacteec da ltaxaÿaxac. Qataq huo'o na 'eeta': –Damayi 'eeta'am da i'axattapeguec cam lÿa nnatac. Qaq qoÿiitec de'eda, cha'ayi so Pablo i'axattac dam no'on qad'axaÿaxac mayi n'aqtaguec so Jesús qataq da 'eetec da qaltaq nca'aleec ca shiÿaxaua.

Hechos 19:23

Qaq se'esoua na'axa'te nachi huo'o so lta'adaic cotaxac souaxat da l'aqtac ñi Dios.

Hechos 24:21

Cha'ayi sa iuena'a da huo'otaq nachida dam i'aqtac da sasoilec can ÿataqta sa ñicosaÿañi da shiita': “Na na'a'q aÿim qanmichiitac souaxat da aÿim sa'amaqten da qaltaq qanca'alaxateec qome na leuaxaicpi.”

Hechos 26:23

Qaq dam n'aqtaxanaxac qoÿinac yi cam nta'a mayi nca'alaxaqui, camayi qome ÿataqta huo'o da nque'ejnaxac. Qaq da ime, nachi qaÿalauat, qaq nachica qome ca l'auaxanec da qanca'alaxateeguesop na leuaxaicpi. Ime, nachi camayi i'axatem da nca'alaxa nam qadhuo' l'ecpi qataq nam saq judío l'ecpi, qaq damayi 'eeta'am na yi'oqchiguiñi.

Hechos 26:8

Qaq ¿qami' peta'a sa ishito' da qau'amaqchiñi da ñi Dios ishit da qaltaq nca'aleec naq'en na leuaxaicpi?

Hechos 3:15

Qaq 'eda da 'eetec da qami' qaualauachi som chigoqo'ot da achaalataxac. Qalaxayi ñi Dios qaltaq nca'alaxateec somayi, qaq 'enauac de'eda qomi' sauanaqchigui.

Hechos 5:17

Nachi som lta'a na ntaxaÿaxanaxanecpi qataq na quetague' na saduceopi mayi hueta'aguet somayi ÿataqta nquiÿalo soua namaxa'shi.

Romanos 8:11

Cha'ayi da mashi qami' netanguita som n'Espíritu ñi Dios mayi nca'alaxateeguesop naq'en da nleuaxa so Cristo Jesús, qaq ñimayi nachiñi qome ñi qami' ÿanema ca dalaxaic nachaalataxac da qad'oquiaxaqui mayi taÿa'a da ileu, qalaxayi ÿachigoxotchigui qome naq'en som n'Espíritu mayi qami' netanguita.

1 Corintios 15:23

Qalaxayi ñi 'oonolec ÿataqta ca maichi lalamaxat lliquiaxac. So Cristo mashi sogote l'auaxanec da nca'aleec qanqoÿin. Ime, qaltaq jec na lalamaxatpi, qom ñi'iguelaq somayi.