Hechos 26:3 - Nuevo Testamento Toba Sur

³ Cha'ayi aÿim saÿateeta da 'am ÿataqta 'auaÿateete' naua qan'onataxaco qomi' judío lashi', qataq dam de'eda ñicotaqtapigui. Qaq ÿoqo'oyi aÿim 'am ñachoxonnot da aÿim 'anhualaxaune' da aÿim 'an'axaÿaxana.

Nuevo Testamento Toba Sombrero Negro

³ qa'a jayaten da'me am jaliaĝanec queda'me auateto'n gaa'me naya'aque jo'ne 'loyaĝaco joga'me judiopi nataq'aen gaa'me uo'oe jo'ne ñecotaqatapiyelo. Qo'che' am ñachoĝodenot qaedi cha'li jayem anaquiaĝana.

La'aqtaqa Ñim Lo'onatac 'Enauacna 2013

³ Cha'aye aỹem saỹateeta da 'am ỹataqta 'auaỹateete' naua qarataxaco qomi' judiopi, qataq dam ñecotaqtapigui. Qaq ỹoqo'oye aỹem 'am ñachoxonnot da aỹem 'anhualaxaune' da aỹem 'ana'axaỹaxana.

Hechos 26:3 Iomraidhean Croise

Hechos 21:21

Qaq namayipi l'axaÿaxac da 'am 'auapaxagueetapegueco' 'enauac nam judiopi mayi neta'alo naua ÿaqa'alo' 'ale'u, da yaqto' sa ishit da ÿalaxaguet nam lqataxacpi so Moisés, qataq qonetego' da yaqto' sa ishit da ÿauo'o na n'anaxat na l'oc na llalec, qataq ÿaxaneec na maichi qan'onataxacpi.

Hechos 24:10

Nachi so nta'a ÿauota'a l'anec da 'enapega so Pablo, da yaqto' detaqa. Nachi so Pablo 'enapeco': –Aÿim ÿataqta saÿamaxadeeta da sauo'o ca itaxaÿaxac, da yaqto' aÿim 'au'aqchigui, cha'ayi aÿim saÿaten da 'am mayi nachi'am 'au'ot na lataxaguesat da huo'o ca camachaqca nam qadhuo' l'ecpi, qaq de'eda 'ad'onataxanaxac, damayi mashi huo'oi soua vi'iyi.

Hechos 24:4

Qaq aÿim sauotaique da sa qaÿauec ca itaxaÿaxac, qaq ÿoqo'oyi 'am ñachoxonnot da qomi' 'anqouagueque da cada'ac da qomi' 'an'axaÿaxanalo.

Hechos 25:26

Qalaxayi aÿim ña saqalaataique ca i'aqtac da yaqto' samaxa cam qadta'a mayi neta'ague da Roma, da sa'axat ca lasouaxashit damayi, qaq ÿoqo'oyi damayi qami' ñauegueu'alo. Qaq aÿim ÿataqta 'am salamaxatchigui, 'am nta'a Agripa, da yaqto' 'aunat damayi, yaqto' aÿim qome ishit da huo'o ca shiyiñi i'aqtaxanaxac da samaq.

Hechos 26:2

–Aÿim ÿataqta samachiguiñi da aÿim 'an'axaÿaxana da setaqa, 'am ita'a Agripa, da yaqto' aÿim so'ot ca itaxaÿaxac da sataÿa'aguet 'enauac nam 'eetega ÿasouaxashitpi na judío l'ecpi.

Hechos 26:26

Qaq 'iñi ñi nta'a Agripa qomi' ÿalectaiguilo, ñimayi ÿataqta ÿaÿateeta de'eda. Qaq ÿoqo'oyi aÿim sa ishit da ñiteltapiguiñi da aÿim hua'aqtega ñimayi da sa'aqtaxaatac, cha'ayi saÿaten da ñimayi nataq'en ÿaÿateeta 'enauac de'eda. Cha'ayi damayi sa ishit da huo'otaq ÿapogoñi ca lataxac; damayi ÿataqta ÿaateec.

Hechos 26:7

Nataq'en nam llalaqpi soua sachigoxosoxogueta doce llalqa so Israel, namayipi nataq'en iuattaique qom ivita da ipacchigui de'eda qaÿachaxanapec co'ollaxa. Qaq ÿoqo'oyi namayipi ÿi'oxodeetac ñi Dios, qataq i'ot da l'aqtac 'enauaque naua na'axa'te qataq naua pe'. Qaq nachida de'eda ñaquitaxac, 'am ita'a Agripa, da huo'o mshi na judiopi aÿim npa'agueetega.

Hechos 28:17

Qaq can mashi ivi' tres na'axa'te da sovidaxa yi Roma, nachi so Pablo damaxasoxoneuga nam lataxala'pi na judiopi mayi netaña yimayi. Qaq can mashi laÿoota'a't somayipi, nachi so Pablo 'enapega, 'eeta': –Qami' ÿaqaÿañicpi, aÿim nai'ctaxa co'ollaxa da qaica ca so'otec na qadhuo' judío l'ecpi, qataq qaica da ñipa'agueetega da n'onataxac som hua'au qadta'alpi, qalaxayi ñaqaiyita namayipi aÿim icoñi' can huaña yi Jerusalén, nachi aÿim ÿaneu'a na nta'alpi romano l'ecpi.

Hechos 6:14

Qomi' sa'axasoqchigui de'eda shiÿaxaua da i'axattac so Jesús mayi Nazaret l'ec, da 'enaco' yi nlaxajñi añi qui'itta qad'onaxanaxaqui qataq nadalaxat nam qan'onataxacpi mayi chigoqo'ot co'ollaxa so Moisés.

1 Corintios 13:2

Qataq aÿim da huo'otaq sa'axattac da l'aqtac ñi Dios, qataq saÿaten 'enauac nam lataxacpi mayi saq cha'a, qataq semata'a't 'enauac na nauattonaxanaxacpi, qataq da ipi'iÿaxac mashi ivi' da seshit da ñoqochinaxat aca qasoxonaxa, qalaxayi da qaica ca isoxoyic, nachi ñaqaiyita qaica ca shinec.