Hechos 2:4 - Nuevo Testamento Toba Sur

⁴ Nachi 'enauac somayipi ÿataqta nlaqchigui so Espíritu Santo. Huaña, nachi da'aqtaxanguilo naua ÿaqa'alo n'aqtaqa mayi chigoqo'oto so Espíritu.

Nuevo Testamento Toba Sombrero Negro

⁴ Qama'le yemeda jogaa'me yataqachiñe najaqachiguilo ñe'me Dios Lepaqal, nataq'aen paja'a yadenaĝa't gaa'me 'naqataqa laqaya', nach'e naq'aeta ga'me Dios Lepaqal yamaĝalo'te ta'le 'yaĝatetedac.

La'aqtaqa Ñim Lo'onatac 'Enauacna 2013

⁴ Nache 'enauac somayepi ỹataqta nlaqchigui So Saqcha'a Na'añaxac Qui'itta. Huaña, nache da'aqtaxanguilo naua ỹaqa'alo na'aqtaqa maye chegoqo'oto Somaye.

Hechos 2:4 Iomraidhean Croise

Mateo 10:19

Qalaxayi da ivita da qami' qoÿaneu'alo ne'ena nta'alpi, qalaq sa ishit qome da qami' ÿaquicoqchi't cam 'eetec ca qadtaxaÿaxaqui, huo'otaq ca qad'aqtaqui. Cha'ayi da ivita ca laloqo' da qautaqai, qalaq ñi Dios qami' ÿanema cam qad'aqtaqui.

Marcos 16:17

Qaq cam hueta'ague ca da'amqajnataxan, camayi i'ot qome na n'anecpi mayi 'eeta': qai'onataxana da i'enaxat da qai'odauec na n'ecpi leguemaxaic, qataq da qai'aqtaxanguilo naua ÿaqa'alo n'aqtaqa,

Lucas 1:15

cha'ayi que'eca 'ai'alec camayi ÿataqta 'amaqtaqaic qome naq'en ñi Dios. Camayi sa ishit qome da nÿomgui na ÿotta'a't lataxa, qataq ÿataqta nlaqchigui so Espíritu Santo qom saxanaxa da ñiguiñi.

Lucas 1:41

Nachi aso Elisabet co'ollaq hua'axaÿa da nquinaxanaxac, nachi so nogotolec mayi huetagui na lauel ndashiguem, nachi asomayi ÿataqta nlaqchigui so Espíritu Santo.

Lucas 1:67

Nachi so lta'a Zacarías ÿataqta nlaqchigui so Espíritu Santo, nachi i'axattac da l'aqtac ñi Dios mayi ÿami', 'eeta':

Lucas 12:12

Cha'ayi qom ivita ca laloqo' da qautaqai, nachi som Espíritu Santo qami' ÿapaxaguenque cam lataxac cam qad'aqtaqui.

Lucas 21:15

Cha'ayi aÿim qome qami' sanema caua qad'aqtaqalli' qataq ca qadaÿajñiqui, da yaqto' sa ishit da huo'o ca qami' dataÿa'agueta da qami' ncotaÿapegueto.

Lucas 4:1

Nachi so Jesús ÿataqta nlaqchigui so Espíritu Santo co'ollaq chigaqaama so tala Jordán, nachi so Espíritu ÿauec somayi da taÿa naq'en so tojlec 'alhua.

Juan 14:26

Qalaxayi cam Espíritu Santo, mayi ñi ita'a qami' namaxalo qome, nactaigui naq'en da i'enaxat, da yaqto' qami' itaua'n qataq qami' i'añaqchi't, camayi qome qami' ÿapaxaguenque 'enauac na lataxaguesat, qataq qami' iuennataxanaxanque 'enauac na i'aqtacpi mayi qami' sanoiguilo.

Juan 20:22

Nachi somayi iquetetoiguilo soomayi so l'at, nachi 'enapegalo, 'eeta': –Qauacoñiiguet qome na Espíritu Santo.

Hechos 1:5

Cha'ayi 'eesa da so Juan dachilaxanataxangui na 'etaxat, qalaxayi naua lÿa't na'axa'te nataq'en qami' qanachilaxanguilo ca Espíritu Santo.

Hechos 1:8

Qalaxayi qom qami' nvitalo ca Espíritu Santo, nachi qami' taÿoto qome ca n'añaxac, nachi qoquii da aÿim qau'axachi, da qau'aqtaxañiim nam netaña na Jerusalén, qataq nam netaña yi 'alhua Judea qataq yi Samaria, qataq chochi qaviyiita'a ca ÿapacteec qaÿoqta ana 'alhua.

Hechos 10:46

Cha'ayi souaxat da hua'aqtrega namayipi da detaqtegoiguilo naua n'aqtaqa mayi sa qaÿauanapegalo qataq ÿi'oxodeetac ñi Dios.

Hechos 10:47

Nachi so Pedro 'enapeco': –¿Peta'a ishito' da qaillapeguem da huo'otaq qanachilaxan ne'ena shiÿaxauapi mayi tanguit so Espíritu Santo, 'eeta'ama qomi' co'ollaxa?

Hechos 11:15

Qaq co'ollaq aÿim sa'aqtaxaatac, nachi anac so Espíritu Santo da tanguit 'enauac somayipi, 'eeta'am da 'eetec qomi' co'ollaq chita'ague da qomi' qotanguita.

Hechos 11:24

Cha'ayi so Bernabé ÿataqta no'on da lataxac, qataq somayi nlaqchigui so Espíritu Santo qataq da lpi'iÿaxac. Qaq ÿoqo'oyi ÿataqta qalota so dalaxaic shiÿaxauapi da quegue so qadataxala'.

Hechos 13:52

Qalaxayi nam da'amqajnataxanpi ÿataqta huo'o da ntonaxac qataq nlaqchigui so Espíritu Santo.

Hechos 13:9

Huaña, nachi so Saulo mayi nataq'en l'enaxat Pablo, mayi ÿataqta nlaqchigui so Espíritu Santo, nachi ÿataqta ilochigui somayi.

Hechos 15:8

Qaq ñim Dios mayi maichi ÿauatton da nquiyaqteÿaxac, nachi ÿachaxan nam ÿaÿamaxadeetapi da ÿami' so Espíritu Santo, 'eeta'ama naq'en qomi' co'olloxochiyi.

Hechos 19:6

Nachi so Pablo co'ollaq ÿashiltalec somayipi, nachi so Espíritu Santo anac da tanguit somayipi. Huaña, nachi detaxaiguilo naua n'aqtaqa mayi sa qaÿauanapegalo, qataq i'axatta'pe naua l'aqtaqa ñi Dios.

Hechos 2:11

Qataq huo'o nataq'en na chigaqa'ague da Creta, qataq da Arabia. Qalaxayi 'enauac da shinaqta sa'axasoqtega da qai'axattac na qaica ca 'en'am i'otpi ñi Dios, da qai'aqtaxaatapoiguilo naua maichi qad'aqtaqa.

Hechos 2:3

Huaña, nachi yi'oq so nachaxatpi, 'eeta'am na nodec l'edaxa, nachi se'eso nachaxatpi talec ñi 'oonolec somayipi.

Hechos 4:31

Nachi co'ollaq ime da nqouagaxaunaxac somayipi, nachi que'eca qanayiuta'a ÿataqta cholaxan. Nachi 'enauac somayipi ÿataqta nlaqchigui so Espíritu Santo. Huaña, nachi sa ishit da qañi'ilec da qai'axat da l'aqtac ñi Dios.

Hechos 4:8

Nachi so Pedro mayi ÿataqta nlaqchigui so Espíritu Santo 'enapeco': –Qami' mayi qami' lataxala'te na shiÿaxauapi, nataq'en qami' lquedoxonecpi na Israel llalaqpi,

Hechos 6:3

Qaq ÿoqo'oyi qami' qadqaÿa't, qanmichiÿapigui qome caua siete shiÿaxa'u da qoñiita, cam nachi 'eetai'salo da npe'e'te, qataq huo'o na ÿaÿate'n, qataq nlaqchiguilo so Espíritu Santo, qaq nachicaua ca qaupataqailguete de'eda n'onataxanaxac.

Hechos 6:5

Qaq 'enauac somayipi ÿaÿamaxadeeta de'eda. Nachi qaÿaconeu'a so Esteban, somayi ÿataqta nlaqchigui da lpi'iÿaxac qataq so Espíritu Santo. Nataq'en qaÿaconeu'a so Felipe, Prócoro, Nicanor, Timón, Pármenas, qataq so Nicolás. Somayi lma' yi Antioquía, qalaxayi i'amaqten da l'amqajnataxanaxac na judiopi.

Hechos 6:8

Qaq se'eso Esteban, somayi ÿataqta nlaqchigui da l'añaxac ñi Dios qataq da lqouagaxanaqtaic ñimayi, nachi somayi i'ot na sa qaÿauanapega qataq na n'anecpi huaigui naq'en na shiÿaxauapi.

Hechos 7:55

Qalaxayi so Esteban, yi somayi ÿataqta nlaqchigui so Espíritu Santo, nachi ÿamato'ot na piguem, nachi somayi ila'a da lli'oxoyic ñi Dios, qataq ila'a so Jesús nachattañi, hueta'ague na aloic ñi Dios.

Hechos 8:17

Nachi so Pedro qataq so Juan, soomayi ÿashildelec somayipi. Huaña, nachi somayipi tanguit so Espíritu Santo.

Hechos 9:17

Nachi so Ananías jec da taÿa ca noÿic mayi netaña so Saulo. Qaq co'ollaq inoxoneu'a ca hueta'a, nachi ÿashil-lec somayi, nachi 'enapego', 'eeta': –'Am ÿaqaÿa Saulo, ñi qadataxala' Jesús mayi 'am nachaxana co'ollaq 'ananactague' na nqa'aic, ñimayi aÿim namaxa 'am, da yaqto' qaltaq 'anauaañi, qataq da 'am nlaqchigui so Espíritu Santo.

Romanos 15:13

Qaq ñi Dios mayi qomi' ÿanema da qanaquitaxac qami' nlaxatchiguilo qome da qantonaxaqui qataq da qadlagaxayiqui souaxat da qau'amaqchiñi ñimayi, da yaqto' chochaq huañi da qanaquitaxaqui souaxat da l'añaxac so Espíritu Santo.

1 Corintios 12:10

Qataq huo'o na ÿanem da ishit da i'ot na n'añaxacpi mayi sa qaÿauanapega, qataq huo'o na ÿanem da i'axa't naua l'aqtaqa ñimayi. Qataq huo'o na ÿanem da ishit da ÿauatton nam saq cha'api da huo'otaq chochi tenataxanaxaic, huo'otaq nachiso so Espíritu Santo. Qataq huo'o na ÿanem da detaxaiguilo naua n'aqtaqa sa qaÿauangalo. Qataq huo'o na ÿanem da ÿaÿaten da i'axat ca naigui ne'enaua n'aqtaqa.

1 Corintios 13:1

Aÿim da huo'otaq setaxaiguilo naua l'aqtaqa na shiÿaxauapi, qataq naua l'aqtaqa na chigaqshiguem lamaxashicpi ñi Dios, qalaxayi da qaica ca isoxoyic, nachi shiita'am aca qataqui mayi lamtapigui, huo'otaq aca nasaquiaxanata mayi qaÿasaquiaxaatac.

1 Corintios 13:8

Da nsoxoyic qaica ca loga't. Cha'ayi huo'o qome ca na'a'q da sa iuen da qai'axa't naua l'aqtaqa ñi Dios, huo'otaq da qaitaxaiguilo naua n'aqtaqa mayi sa qaÿauangalo, huo'otaq da nauattonaxanaxac.

1 Corintios 14:18

Sanot da ñi'achiquiaxac ñi Dios, cha'ayi ñapactelec da qoñiita da seshit da setaxaiguilo naua n'aqtaqa sa qaÿauangalo.

1 Corintios 14:5

Qaq aÿim ñishitaique da 'enauac da qoñiita da ishit da qautaqÿoiguilo naua n'aqtaqa sa qaÿauangalo, qalaxayi ÿacteec ñaqashin da qau'axachi' naua l'aqtaqa ñi Dios. Cha'ayi ÿacteec ca naigui da qai'axat da n'aqtac, qa saq 'en'am da qaitaxaiguilo naua n'aqtaqa sa qaÿauangalo. Lamaaxa da sa qai'axat ca naigui ne'enaua n'aqtaqa da yaqto' ishit da nañaxat na 'amqajnataxanaxaicpi.

Efesios 3:19

Qataq seÿaxaatacot ñimayi, da yaqto' qami' ÿataqta qauauattoñiita de'eda nauotaxanaqtaic mayi ÿataqta napacalec 'enauac na qadauattonaxanaxacpi, yaqto' qami' ÿataqta qami' nlaqchiguilo da lataxac ñi Dios.

Efesios 5:18

Qataq sa ishit qome da qami' taxaiqa, cha'ayi damayi ÿaueca'a da nlaxajñi ca shiÿaxaua. Chaqdato' da ÿataqta qami' nlaqchiguilo so Espíritu Santo.

Efesios 6:18

Qaq da qau'ochi 'enauac de'eda, nachi qanatamñiitac, chigoqchigui qanqashiñi so Espíritu Santo da nachi 'eetai' da qanqouagaxauñiitac qataq qauÿaxañiitacot ñi Dios. Qaq ÿataqta qanloiteec, da yaqto' ishit da qau'ochi 'enauac de'eda. Sa ishit da qanasamiitapiguiñi. Qataq qanqouagaxauñiitalec 'enauac nam lalamaxatpi ñi Dios.

1 Pedro 1:12

Qalaxayi ñi Dios ÿaÿajnaxanaxanec somayipi da de'eda huetapegue' sa ishit da lalamaxat, cha'ayi damayi qaÿauotaique da qomi' talguete. Qaq ÿoqo'oyi nachida da qami' qai'axattapeguema dam qami' i'axatema nam i'añaqchit so Espíritu Santo mayi chigoqo'ot na piguem mayi i'axattac da n'aqtaxanaxac mayi chigaqaigui da nca'alaxa. Qaq damayi nataq'en nachida da nshitaique da ÿaÿateeta co'ollaxa nam chigaqshiguem lamaxashicpi ñi Dios.

2 Pedro 1:21

Cha'ayi 'enauac som hua'au l'aqtaxanaxanecpi ñimayi sa ishit da huo'o ca 'oonolec da maichi nalligoxottela't ca l'aqtaxanaxac. Chaqdata da somayipi ÿataqta nañanot da quetague' ñi Dios, nachi i'axa't naua l'aqtaqa ñimayi, cha'ayi so Espíritu Santo i'aqtaxanaxan somayipi.