Hechos 11:3 - Nuevo Testamento Toba Sur

³ Nachi qainattaco' somayi, qoÿiita': –¿Tá'ainco' yi 'anamaqtega nam sa ishit da judío l'ecpi qataq 'adqui'axauapi?

Nuevo Testamento Toba Sombrero Negro

³ Yachimaĝadeta joñe'me: —¿Toqoch'e auejapichiyalo joga'me jo'ne ja judiopi, nataq'aen aneuanaĝa'u joga'me?

La'aqtaqa Ñim Lo'onatac 'Enauacna 2013

³ Nache 'eetego' somaye, 'eeta': –¡'Am 'aupa'aigui na lma' na shiỹaxauapi maye saishet da judiopi, qataq ivira'a da 'arquia'axaua namayepi!

Hechos 11:3 Iomraidhean Croise

Mateo 9:11

Qalaxayi nam ÿalectaigui na fariseopi co'ollaq ÿauaachigui de'eda, nachi inatta'pe soua nale't somayi, 'eeta': –¿Tá'ainco' ñim qami' ÿapaxagueeta'pe yi ishit da nhuana'ai' nam ÿacootapeeguet anam nshiitenaqte ca nta'a qataq nam 'itaxaloxoicpi?

Lucas 15:2

Nachi nam ÿalectaigui na fariseopi qataq nam dapaxaguenataxaatapeguec na nqataxacpi nachi quetapeguelec somayi, 'eeta': –De'eda shiÿaxaua qachi ÿaconguet na 'itaxaloxoicpi qataq lqui'axaua namayipi.

Juan 18:28

Nachi qaÿauec so Jesús, qaÿachigoxotchiguiña so lma' so Caifás da qaÿauega so nqasoxoc so nta'a Pilato. Qaq mashi yaqta'a co'ollaxa da yi'oxoñi, nachi nam judiopi sa ishit co'ollaxa da pa'au'a so nqasoxoc so nta'a, cha'ayi ivittaique da 'ico' da nshipaxan da nachaalataxac. Cha'ayi da nachi 'eetec de'eda, nachi sa ishit da dequi'iÿapegueu'a na nallic se'eso na'a'q mayi huetoigui da qaiuennate so na'a'q co'ollaq qanayica'ai so Egipto.

Hechos 10:23

Nachi so Pedro ipa'axaadeuo, nachi soomayi l'ochaqa't ca hueta'a somayi se'eso pe. Qaq so lÿa na'a'q nachi so Pedro ca'ateguelo soomayi, nataq'en huo'oi soua lÿata'pe nam 'amqajnataxanaxaicpi mayi netaña yi Jope.

Hechos 10:28

Nachi so Pedro 'enapego' somayipi, 'eeta': –Qami' qauaÿajñi da na judío l'ecpi ÿasouaxat da l'amqajnataxanaxac, nachi ÿataqta sa qaÿashinguet da ÿaleeguet ca sa lauo' l'ec, huo'otaq da chochi pa'aigui ca lauo' camayi. Qalaxayi ñi Dios aÿim ÿapaxaguenec da sa ishit da huo'o ca samata'ac da nshipaxan, huo'otaq sa qaishiteguet.

Hechos 10:32

Qaq nagui 'auauo'o qome ca 'auamaxa yi la ciudad Jope, da yaqto' ÿi'iguena'a ñi Simón, da lÿa l'enaxat Pedro. Ñimayi hueta'a yi lma' ñi l'enaqteua Simón, l'oc l'o. Ñimayi neto'ot so loigue aso auaxai yi lma'. Qaq ñimayi qom noviyi', nachi 'am da'aqtaxanem.”

Hechos 10:48

Nachi damaxasoxoolec da qanachilaxan somayipi, qaÿachilaxanataxana da l'enaxat so Jesucristo. Ime, nachi qanachoxonnot so Pedro da cada'ac huo'oi na'axa'te da hueta'aguet somayipi.

1 Corintios 5:11

Da shiitega 'eeta': sa ishit da qaualliquiitapeeguet da huo'o ca 'eetega da qad'amqajnataxanaxauai, qalaq quetaigui da lquishiguetaxac, huo'otaq mataxalaic, huo'otaq natameetacot na nqolacpi, huo'otaq n'aqtaqa l'o', huo'otaq taxaic, huo'otaq cachaxaic. Qataq ivida'a da sa ishit da chochi qadqui'axauai ca nachi 'eeta'ac de'eda.

Gálatas 2:12

Cha'ayi somayi i'auaxaañi da dequi'iÿa'ai' nam sa ishit da judío l'ecpi, chochi ivitta'a co'ollaq nvi't soua shiÿaxa'u mayi lamaxa'shi so Santiago. Huaña, nachi somayi ca'ai namayipi da sa ishit da lqui'axaua, cha'ayi souaxat da ñi'iÿa nam quetaigui da qaÿauo'o na n'anaxashit naq'en ca shiÿaxaua.

2 Juan 1:10

Qaq da huo'otaq huo'o ca qami' nqo'onalo da sa ishit da ÿachitac de'eda napaxaguenataxanaxac, nachi camayi sa ishit da qanashiñiiguet ca qadmayi, qataq sa ishit da qanquiñi'.