Hechos 1:6 - Nuevo Testamento Toba Sur

⁶ Qaq soomayi co'ollaq ñaq huetra'aguet so Jesús, nachi qainattac somayi, qoÿiita': –'Am qadataxala', ¿peta'a nachina nagui na laloxoqui da qaltaq nÿoteec 'anqa'en na llalaqpi so Israel?

Nuevo Testamento Toba Sombrero Negro

⁶ Jogaa'me jo'ne yema'a't ca'li ueteda'ajop ñe'me Jesús yachimaĝadeta joñe'me: —Jaliaĝanec, ¿qo'li male adalemoqot da'me aue'et dojo' nejaliaĝa jo'ne qoyanem ga'me israelpi?

La'aqtaqa Ñim Lo'onatac 'Enauacna 2013

⁶ Qaq soua lamaxa'she co'ollaq ñaq huetra'aguet So Jesús, nache inattrac Somaye, 'eetra': –'Am Qarataxala', ¿peta'a nachena nagui na laloxoqui da qaltaq nauaqsheguem 'anqa'en na Israel le'ecpi da huo'o ca maiche lta'a?

Hechos 1:6 Iomraidhean Croise

Mateo 17:11

Nachi so Jesús 'enapeco': –Aja', 'eesa da so Elías ñi'iguelaq qome, qataq da ÿaÿamaxajñi 'enauac na huetalec ana 'alhua.

Mateo 20:21

Nachi so Jesús inattac asomayi, 'eeta': –¿Négue't ca 'auauotaique? Nachi asomayi 'eeta': –'Ai'an qome nagui ca 'ad'aqtac, da yaqto' qom ivita ca laloqo' ca 'ad'onataxanaxac da 'am nta'a, nachi ca 'oonolec ne'enaua dos ÿalqa huo'o ca nso'oota'ague da 'oic, qaq ca lÿa, qalaq nso'oota'ague da 'an'emaq.

Mateo 24:3

Nachi nqo'ooyishiguemec aso saqaÿoqotchiguemec 'alhua mayi nanqa' ana olivos. Nachi so Jesús co'ollaq nso'ootañi, nachi soua lapaxaguenataqa isoxoototo somayi da ina't, 'eetra': –Sauoqtaique da qomi' 'au'axatema chaq lagui qaq ivita de'eda. ¿Chaq négue't qome ca l'anaxat ca 'ayi'iguelaxasoxoc qataq cam loga't ana 'alhua?

Marcos 9:12

Nachi somayi 'enapeco': –'Eesa ca Elías da hua'auñi da nvi' qome, da yaqto' ÿaÿamaxajñi 'enauac na lataxaguesat. Qalaxayi ¿huá'ago' ca 'eetec naua ñiyigui'shi l'aqtaqa ñi Dios yi nataq'en i'axat da 'eetec qome cam shiÿaxaua llalec? Da huo'o da nque'ejnaxac qanqoÿin qataq da n'otanaguec.

Lucas 17:20

Nachi so fariseopi inattac so Jesús da chaq lagui qaq nvi' cam l'onataxanaxac ñi Dios da ilo'ogue 'enauacna. Nachi somayi ÿasat, 'eeta': –Ca lvidaxac da l'onataxanaxac ñi Dios da ilo'ogue 'enauacna, camayi sa ishit da qaila'a.

Lucas 19:11

Qaq so shiÿaxauapi co'ollaq ñaq queta da n'axaÿaxaatega so Jesús, nachi somayi ÿauo'o da daloqnaxana, cha'ayi souaxat da mashi sa qaÿapeque yi Jerusalén. Cha'ayi somayipi ipi'itaxaatega da mashi ivita ca laloqo' da ñi Dios ilo'ogue 'enauacna.

Lucas 22:29

Qaq ÿoqo'oyi aÿim qami' sanema qome ca qad'onataxanaxaqui da qauloÿigue 'enauacna, 'eeta'am da 'eetec ñi ita'a da aÿim ÿanem da i'onataxanaxac,

Juan 21:21

Qaq so Pedro co'ollaq ila'a somayi, nachi inattac so Jesús, 'eeta': –'Am ÿataxala', qaq ne'ena cha'aguet ¿chaq huá'ague qome ca 'eetec ca taÿa'a?