Hechos 1:4 - Nuevo Testamento Toba Sur

⁴ Qaq co'ollaq ñaq hueta'agueta soua lamaxa'shi, nachi so Jesús huaqattegalo soomayi da sa ishit qome da queda'ai yi la ciudad Jerusalén. 'Eeta': –Qami' qauachiÿa'aguet qome cam ÿachaxanapec ñi ita'a da qami' ÿanema, cam mashi qami' sa'axattapeguema.

Nuevo Testamento Toba Sombrero Negro

⁴ Ca'li maliaĝa uetauelo gaa'me lamaĝa's, ñe'me Jesús uaqatalo jogaa'me, enaac: —Ena'te oquiya'e di'me Jerusalén, dite da'me cha'li auachiya'a ga'me jo'ne joote ami ja'aĝatapema, 'me jetaque ami yanema ñe'me Taĝadena'.

La'aqtaqa Ñim Lo'onatac 'Enauacna 2013

⁴ Qaq co'ollaq ñaq hueta'agueta soua lamaxa'she, nache So Jesús huaqattegalo soomaye da saishet da quera'ai ye Jerusalén, 'eeta': –Qauachiỹa'aguet qome cam ỹachaxanapec Ñim Ita'a maye qami' ỹanema, dam mashe qami' sa'aqtaxaateguema.

Hechos 1:4 Iomraidhean Croise

Mateo 10:20

Cha'ayi sa ishit da nachiqami' da qautaqai. Cha'ayi som n'Espíritu ñi qadta'ai Dios, nachiso som qami' detaxaiguilo.

Lucas 11:13

Qami' matem qami' yiloxoiqa, qalaq qauaÿajñi da qai'añiim ca no'on na qai'alquiipi, qaq ¿huá'ago' da saq 'eetec ñi qadta'ai mayi neto'ot na piguem da ishit da ÿanem so Espíritu Santo cam iÿaxanot ñimayi?

Lucas 12:12

Cha'ayi qom ivita ca laloqo' da qautaqai, nachi som Espíritu Santo qami' ÿapaxaguenque cam lataxac cam qad'aqtaqui.

Lucas 24:49

Qaq aÿim qome qami' ñamaxalo cam ÿachaxanapec co'olloxochiyi ñi ita'a. Qalaxayi nachi qoviita'a qome na la ciudad Jerusalén, to' qom mashi qauacoñiiguet cam n'añaxac mayi chigaqshiguem.

Juan 14:16

Nachi aÿim ñachoxonnot ñi ita'a, da yaqto' qami' namaxalo cam lÿa mayi qami' itaua'n qataq qami' i'añaqchi't, yaqto' camayi nachi 'eetai' da qami' hueta'agueta,

Juan 15:26

Qalaxayi qom ivita da anac cam qami' itaua'n qataq qami' i'añaqchi't, cam Espíritu mayi ÿoqta 'eesa, cam qami' ñamaxalo qome mayi chigoqo'ot ñi ita'a, qaq camayi qome aÿim i'axat.

Juan 20:22

Nachi somayi iquetetoiguilo soomayi so l'at, nachi 'enapegalo, 'eeta': –Qauacoñiiguet qome na Espíritu Santo.

Juan 7:39

Qaq de'eda 'enapec so Jesús, damayi naigui da ca i'amaqten somayi, nachi camayi ÿaconguet so Espíritu Santo. Cha'ayi so Espíritu Santo saxanaxa co'ollaxa da anac, cha'ayi so Jesús saxanaxa da ivita ca laloqo' da lli'oxoyic.

Hechos 10:41

Qaq somayi sa ishit da imauec da nachaxana 'enauac na shiÿaxauapi, nachiqomaqta da ñauanaxai'. Cha'ayi ñi Dios qomi' lca'agui'shi co'ollaxa, da yaqto' qomi' sa'axataq da qadauanaqchic. Qaq qomi' ÿataqta qadqui'axaua somayi qataq qanÿomaxaua co'ollaq mashi qaltaq nca'aleec qanqoÿin.

Hechos 2:33

Qaq ÿoqo'oyi somayi ñi Dios ÿacoosop da ÿaueegue da piguem, idolec na lhuaq aloic. Huaña, nachi somayi ÿaconguet so Espíritu Santo mayi ÿachaxanapeguem co'ollaxa ñi lta'a da ÿanem. Qaq 'enauac de'eda qauauañiichigui qataq qau'aqaichigui, damayi chigoqo'ot somayi.