Hebreos 8:3 - Nuevo Testamento Toba Sur

³ Qaq 'enauac nam lataxala'pi na ntaxaÿaxanaxanecpi, namayipi qoÿideuo, da yaqto' ÿaatapegueuo ana nachitaqtaxanaqte qataq nam qoÿaneuo da qaÿavigaxat. Qaq ÿoqo'oyi so Jesucristo, somayi nataq'en iuen da ÿauo'o aca ÿaneuo lachitaqtaxanaqte.

Nuevo Testamento Toba Sombrero Negro

³ Yema ga'me netaĝayaĝanaĝanec jo'ne qoyen lajoĝola' gaa'me tamenaĝaiqui lo'ol 'uo da'me 'lonatac jo'ne yanoto joñe'me Dios gaa'me lachitaĝanaqa'te ga'me jiyaĝadipi choqoga'me lajaqajecpi jo'ne qoyigouelo. Qama'le nach'e ena'am joñe'me Dios Lec'oĝot youen ca'li da'me ya'uo jaga'me mach'e lachitaĝanaqate.

La'aqtaqa Ñim Lo'onatac 'Enauacna 2013

³ Ana'ana 'alhua huo'o naxa ñi qoỹaneuo da lataxala' na ntaxaỹaxanaxanecpi da yaqto' ỹanot Ñim Lo'onatac 'Enauacna ana nachetaqtaxanaqte qataq ana qaỹavigaxatta maye ỹaneuo na shiỹaxauapi. Qaq ỹoqo'oye So Jesucristo nataqa'en huo'o da ỹan da ỹanot Ñim Lo'onatac 'Enauacna.

Hebreos 8:3 Iomraidhean Croise

Hebreos 5:1

Cha'ayi ñi 'oonolec nam lataxala'pi na ntaxaÿaxanaxanecpi qaÿachigoxottoigui nam shiÿaxauapi, nachi qoÿideuo, da yaqto' ltaxaÿaxanaxanec qanqoÿin na shiÿaxauapi da detaxaÿapegue' ñi Dios, qataq da ÿaneuo ana nachitaqtaxanaqte, qataq da qaÿavigaxat na nachitaqtaxanaxat, da yaqto' qaÿapalaxat na nasouaxashit.

Efesios 5:2

Qataq ÿataqta qami' soxodaiqa, yaqto' qoñiita'am so Cristo da ÿataqta qomi' ÿauoteque, qataq qomi' nañaalguete da qomi' ileualguete, 'eeta'am ca qagueta llalec da qaÿalauat, qataq qaÿavigaxat da qoÿanot ñi Dios. Qaq da alaitaÿaxac ÿataqta ÿaÿamaxadeeta ñimayi.

Hebreos 9:14

Qaq da nachi 'eetec de'eda, qaq ¡huá'ago' da saq ÿacteec da l'añaxac soua ltago'q so Cristo! Cha'ayi chigoqchigui da l'añaxac som Espíritu mayi chochaq tateec da so Cristo maichi nañanot ñi Dios, 'eeta'am aca nachitaqtaxanaqte mayi ÿataqta qui'itta. Nachi naua ltago'q somayi ishit da iÿoueguesop da qadvilÿaxac na qadasouaxashitpi mayi taÿa'a da nleuaxa, da yaqto' ishit da so'onataxanqot ñim Dios mayi nachi 'eetai' da nca'altauec.

Hebreos 7:27

Qaq sa ishit da 'eeta'am na laÿipi lataxala' na ntaxaÿaxanaxanecpi da namayipi iuen da i'auaxaañi da ÿavigaxat aca lachitaqtaxanaqte 'enauaque naua na'axa'te, da yaqto' qaÿapalaxat na maichi lasouaxashitpi, ime, qataq jec na lasouaxashitpi na shiÿaxauapi. Qaq so Jesús, qalaxayi 'oonolec da ÿi'iguelaxalec da ÿauo'o aso lachitaqtaxanaqte da ÿaneuo co'ollaq maichi ÿan da nachaalataxac.

Tito 2:14

Somayi nañanguet da qomi' ileualguete, cha'ayi nshitaique da qomi' nca'alaxateeguesopa na qan'onatagueguesat, qataq nshitaique da iqui'itaxat da qanachaalataxac da qomi' lalamqa'te, qataq nshitaique da ñoqopitaxa da so'otaq ca no'on.

Juan 6:51

Qaq aÿim mayi nachaÿim pan mayi ñica'altauec, qataq sachigoqo'ot na piguem. Ca chic ana'ana pan, nachi huo'o da lca'alaxa chochaq tateec. Ana pan mayi san, nachida da i'oquiaxac. Qaq damayi san, yaqto' nca'aleec na shiÿaxauapi.

Romanos 4:25

som qoÿanguet co'olloxochiyi da nalaataguec souaxat na qadasouaxashitpi, qataq nca'aleeguesop naq'en ñi Dios da nleuaxa, da yaqto' ishit naq'en da qomi' ÿaÿamaxadeete' ñi Dios.

Romanos 5:6

Cha'ayi co'ollaq souaqtaigui da qaica ca qad'añaxac da maichi ñica'alaxataxala't, nachi so Cristo ileualec na qauemaicpi co'ollaq ivita so laloqo' naq'en ñi Dios.

Romanos 5:8

Qalaxayi da ÿoqta ichoxot da ñi Dios qomi' ÿauoteque 'eeta': So Cristo qomi' ileualguete naq'en, nai'ctaxa da qomi' ñaq souaqtaigui da qayi'itaxaloxo.

Gálatas 2:20

Cha'ayi aÿim sogote da 'ico' seleu, iÿatchiguem so Cristo co'ollaq qaiuaxaneuo. Qaq ÿoqo'oyi nagui sa ishit da maichi ÿalamaxat da ñachaalataxac, cha'ayi nachiso so Cristo so nachattaigui damayi. Qaq de'eda ñachaalataxac mayi yi'oqchigui, damayi chigoqchigui da ipi'iÿaxac da sepi'iÿa'a so llalec ñi Dios mayi aÿim ÿauotec qataq nañanguet da nalaataguec souaxat aÿim.

Hebreos 2:17

Qaq nachida da huo'o mshi somayi iuen da ÿataqta 'eeta'am qanqoÿin da lataxac na lqaÿañicpi, da yaqto' ishit da ivida'a da npe'et qataq choxonnataxanaxaic lataxala' na ntaxaÿaxanaxanecpi da qaitaxaÿapegue' ñi Dios, qataq da yaqto' ÿapalaxat da lasouaxashit na shiÿaxauapi, ÿachigoxotchigui da nañanguet da nalaataguec.

Hebreos 3:1

Qaq ÿoqo'oyi qami' ÿaqaÿa't mayi qami' lca'agui'shi ñi Dios qataq qami' iÿaxanalo da qami' lalamqa'te, qami' ÿataqta qauloichigui qome so Cristo Jesús, som qomi' qanamaxalo qataq qadataxala' da detaxaÿapegue' ñi Dios mayi sa'amaqtenaqtac.

Hebreos 8:4

Qaq somayi da huo'otaq ñaq hueta'a ana 'alhua, nachi sa ishíttaxa da ntaxaÿaxanaxanec, cha'ayi ñaq huo'o nam ntaxaÿaxanaxanecpi mayi ÿaatapegueuo ana nachitaqtaxanaqte mayi damaxasoxoolec co'ollaxa so Moisés.