Hebreos 3:3 - Nuevo Testamento Toba Sur

³ Qaq so Jesús, somayi ÿataqta 'itchiguiñi da huo'o da l'amaqchic, qaq saq 'en'am so Moisés. Qaq somayi 'eeta'am da 'eetec cam i'ot ca noÿic da ÿataqta huo'o da ñi'oxonnataguec qanqoÿin, qaq saq 'en'am da ñi'oxonnataguec so noÿic.

Nuevo Testamento Toba Sombrero Negro

³ Qom qoye'et ga'me emec, qama'le joga'me jo'ne 'noĝojeguem nach'ega jo'ne yataqata qo'nonaĝachigui, ja ena'am ga'me emec. Qama'le nach'e ena'am ñe'me Jesús, nach'eñe joñe'me jo'ne qoyen let'adaic da'me 'lonaĝac, ja ena'am ñe'me Moisés joca'li.

La'aqtaqa Ñim Lo'onatac 'Enauacna 2013

³ Qalaxaye Ñim Lo'onatac 'Enauacna ỹami' So Jesús da napacalec so Moisés da la'amaqchec. 'Eeta'am da qano'oxoosheguem ca nỹec, cha'aye cam no'oxoosheguem ca nỹec camaye ỹactec da la'amaqchec, qaq sa 'ena'am ca nỹec.

Hebreos 3:3 Iomraidhean Croise

Mateo 16:18

Qaq aÿim 'am shinapega da 'am Pedro mayi 'am coma', qaq da ne'ena coma' aÿim so'oxootelec qome aca i'onaxanaxaqui. Qaq ivida'a qome da l'añaxac da nleuaxa ÿataqta sa ishit da nlaxajñi acamayi.

1 Corintios 3:9

Cha'ayi qomi' n'onataxanaxauapi da l'onataxanaxac ñi Dios. Qaq qami' 'ico' da qoñiÿa'am ca lanaxanqa' ñi Dios. Qami' nataq'en qoñiÿa'am ca noÿic mayi n'oxootapiguishiguem ñi Dios.

2 Corintios 3:7

Ne'ena nqataxacpi mayi chigoqo'ot so Moisés, namayi qoÿittalecpi so coma', qataq ÿataqta lta'adaic co'ollaxa na l'edaxa. Qaq ÿoqo'oyi na Israel llalaqpi sa ishit da ÿamataigui na lashic so Moisés, cha'ayi na lashic somayi ÿataqta lta'adaic na l'edaxa. Qalaxayi se'eso n'edaxa nquictañi co'ollaxa, ivitta'a da 'om. Qalaxayi co'ollaq qananacot se'eso nqataxacpi mayi ishit da dalaataxan, qalaq qaica ca 'en'am da lli'oxoyic,

Colosenses 1:18

Qataq so Cristo nachiso so lqaic da n'oquiaxac mayi nachina na 'amqajnataxanaxaicpi. Somayi nachiso so ÿanem da lca'alaxa de'eda n'oquiaxac. Somayi l'auaxanec da qanca'alaxateeguesop na leuaxaicpi, da yaqto' somayi nachisota 'oonolec nataxala'.

Hebreos 2:9

Qalaxayi qomi' ishit da seloqchigui so Jesús som cada'ac da nataÿaña naq'en ñi Dios na lamaxashic piguem l'ecpi. Qalaxayi souaxat da lauotaxanaqtaic da shinaqta ñi Dios, nachi ÿan somayi, da yaqto' ileualec 'enauac na shiÿaxauapi. Qaq nagui somayi qoÿanagui da lli'oxoyic qataq da l'amaqchic souaxat da nque'etaxangui da l-leuaxa.

Hebreos 3:4

Qaq ñi 'oonolec nam noÿicpi huo'o cam ÿataqta chigoqchigui da i'ot, qalaxayi ñim Dios mayi nachiñi ñim chigoqchigui 'enauac nam huetalecna.

Hebreos 3:6

Qalaxayi so Cristo, somayi llalec ñi Dios qataq ÿataqta npe'et da ilo'ogue se'eso lma' ñi Dios, mayi nachiqomi', da ÿataqta qomi' qadamchiyiñi qataq da qadpi'iÿaxac chochi ivitta'a ca qadaloqo', nda'a't da ÿataqta samaqchiguiñi souaxat da qanaquitaxac.