Hebreos 1:3 - Nuevo Testamento Toba Sur

³ Qaq somayi nachiso som lli'oxoyic da l'edaxa ñi Dios, qataq somayi nachiso som lqui'iÿaxac ñimayi, qataq somayi nachiso som nllitañi 'enauacna, nam l'aqtaqa mayi qaica ca ÿaqalana'pe. Qaq somayi co'ollaq imat da iÿouec 'enauac nam qadasouaxashitpi, nachi somayi nso'ongue da aloic ñi Dios mayi nso'ootangui aca nso'onaxaqui da nta'a mayi neta'ague da piguem.

Nuevo Testamento Toba Sombrero Negro

³ Queda'me naqaeñe jo'ne laqaselegaĝac da'me 'lonaĝac joñe'me Dios, nataq'aen da'me 'loyaĝac joñe'me ena'am da'me 'loyaĝac joñe'me Dios. Qama'le naa'me 'laqataqa joñe'me C'oĝot 'uo da'me lañoqotaĝanaĝa'j qaedi nelaĝatetedañe ena'uaque naa'me naajo' jo'ne uo'oe. Chane'eja ca'li yomat da'me ena'am ta'le qo'mi yiyo'y qaedi qoyapalaĝa't naa'me mach'e qadoeco, qama'le neta'ña di'me yayaten joñe'me Dios, da'me male na'ague di'me piyem jo'ne lejaliaqa'.

La'aqtaqa Ñim Lo'onatac 'Enauacna 2013

³ So Llalec qomi' ỹachaxanalo da la'añaxac qataq da la'amaqchec Ñim Lo'onatac 'Enauacna, cha'aye imatta't da lataxac Ñimaye, qataq do'ogoxona da lta'araic la'añaxac da nlletañi 'enauacna. Qataq chegoqchigui Somaye da Ñim Lo'onatac 'Enauacna ỹapalaxa't naua qarasouaxashe'ete, ime, nache taỹa cam neta'ague Ñimaye da yaqto' nso'ooñi, na'ague da aloic.

Hebreos 1:3 Iomraidhean Croise

Mateo 22:24

–'Am mayi 'auapaxaguenataxaatac, so Moisés co'ollaxa 'enapec da huo'otaq huo'o ca shiÿaxaua da huadon, qaq da ivita da ileu da huo'otaq qaica ca llalec, nachi ca lqaÿa ishit da qaltaq huadonguet aca lli'oxoua, da yaqto' huo'o naq'en ca llalec som lqaÿa mayi saqca.

Marcos 16:19

Qaq co'ollaq imat da da'aqtaxaatapeguema soomayi, nachi so qadataxala' Jesús naÿoxotchiguem qanqoÿin da taigue da piguem, nachi nso'ongue da aloic ñi Dios.

Juan 1:14

Qaq se'eso l'enaxat l'aqtac ñi Dios, somayi nañigui da lataxac na yi'oqchigui shiÿaxaua. Nachi somayi qomi' hueta'agueta, qalaq ÿataqta nlaqchigui da lauotaxanaqtaic qataq dam 'eesa lataxac. Qaq qomi' sauanaqchigui da lli'oxoyic dam ñi'oxoyic mayi maichi lalamaxat lli'oxoyic som 'oonolec llalec ñim qadta'a Dios.

Juan 1:29

Qaq so lÿa na'a'q, nachi so Juan ila'aguet so Jesús da naÿaxaama somayi, nachi somayi 'eeta': –Ña qauloÿa, 'ena cha'aguet na qagueta llalec mayi chigoqo'ot ñi Dios, nam nqat qome 'enauac na nasouaxashitpi ana 'alhua.

Juan 1:4

Qaq somayi nachiso so chigoqchigui da nca'alaxa, qaq de'eda nca'alaxa nachida da yi'oqojlec naq'en na shiÿaxauapi.

Hechos 2:33

Qaq ÿoqo'oyi somayi ñi Dios ÿacoosop da ÿaueegue da piguem, idolec na lhuaq aloic. Huaña, nachi somayi ÿaconguet so Espíritu Santo mayi ÿachaxanapeguem co'ollaxa ñi lta'a da ÿanem. Qaq 'enauac de'eda qauauañiichigui qataq qau'aqaichigui, damayi chigoqo'ot somayi.

Hechos 7:56

Nachi somayi 'enapeco': –¡Ña qauloÿa! Aÿim sela'a da nauatoigui na piguem qataq ñim shiÿaxaua llalec, ñimayi nso'oota'ague da aloic ñi Dios.

Romanos 1:16

Cha'ayi aÿim sa ishit da yicoqtapeguelec da no'on qad'axaÿaxac, cha'ayi damayi l'añaxac ñi Dios mayi ishit da nca'alaxateec 'enauac cam i'amaqten. Hua'auchiguiñi na judiopi da qanca'alaxateec. Ime, qataq jec na saq judío l'ecpi.

Romanos 8:34

Qataq ¿négue't ca ishit da ÿauo'o ca lasouaxashit ca shiÿaxaua? ¡Qaica! Cha'ayi so Cristo nachiso so ileu, qaltaq jec da nca'aleeguesop qanqoÿin da nleuaxa. Ime, qaq nso'oota'ague da aloic ñi Dios, nachi nachoxodeetapeguelec da shinaqta.

2 Corintios 4:4

Cha'ayi namayipi sa ishit da da'amqajnataxan, ÿoqo'oyi som shiÿaxaua lma'na, mayi quetague' nam shiÿaxauapi, somayi sa nauaañi naq'en namayipi da lauattonaxanaxac, da yaqto' sa ishit da ila'a na l'edaxa dam no'on qad'axaÿaxac mayi i'axat da n'aqtaguec so Cristo mayi ÿi'oxodaic, som nachiso so lqui'iÿaxac ñi Dios.

Colosenses 3:1

Qaq ÿoqo'oyi da qami' sogote da qadÿaitchiguem so Cristo co'ollaq qami' qanca'alaxatreec, nachi qanmichiÿaique cam hueta'ague da piguem dam neta'ague so Cristo da nso'ootau'a na aloic ñi Dios.

Tito 2:14

Somayi nañanguet da qomi' ileualguete, cha'ayi nshitaique da qomi' nca'alaxateeguesopa na qan'onatagueguesat, qataq nshitaique da iqui'itaxat da qanachaalataxac da qomi' lalamqa'te, qataq nshitaique da ñoqopitaxa da so'otaq ca no'on.

Hebreos 1:13

Qataq ñi Dios sa ÿauango' da 'enapega ca 'oonolec nam lamaxashicpi da 'eeta': 'Anso'oota'ague qome da aÿoic, to' qom mashi sacho'oto naua 'adchil nam 'am ipa'agueetacpi.

Hebreos 10:12

Qalaxayi so Jesucristo nañan da qaÿalauat souaxat na nasouaxashitpi, nachi sa lÿa da qaltaq nañan. Ime, nachi nso'ongue da aloic ñi Dios.

Hebreos 12:2

Ÿataqta seloqchigui qome so Jesús, som chigoqo'ot da qadpi'iÿaxac, qataq nachiso so naloqchiichiguiñi. So Jesús ÿataqta n'añaxateguet da 'eetec co'ollaq qaiuaxaneuo, qalaxayi sa ishit da ÿoqocha'a da n'enaguec de'eda l-leuaxa. Cha'ayi somayi ÿaÿaten da huo'otaq mashi inoxonaqchitec de'eda nque'ejnaxac, nachi huo'o da ntonaxac qataq da lamaiquiaxac. Nachi somayi nso'ongue da aloic ñi Dios.

Hebreos 4:14

So Jesús mayi llalec ñi Dios, somayi nachiso som 'oonolec qadtaxaÿaxanaxanec mayi inoxoneu'a ca hueta'a ñi Dios da detaxaÿapegue'. Qaq ÿoqo'oyi qomi' ÿataqta ñi'añaxataqtec qome da qad'amqajnataxanaxac.

Hebreos 7:27

Qaq sa ishit da 'eeta'am na laÿipi lataxala' na ntaxaÿaxanaxanecpi da namayipi iuen da i'auaxaañi da ÿavigaxat aca lachitaqtaxanaqte 'enauaque naua na'axa'te, da yaqto' qaÿapalaxat na maichi lasouaxashitpi, ime, qataq jec na lasouaxashitpi na shiÿaxauapi. Qaq so Jesús, qalaxayi 'oonolec da ÿi'iguelaxalec da ÿauo'o aso lachitaqtaxanaqte da ÿaneuo co'ollaq maichi ÿan da nachaalataxac.

Hebreos 8:1

Qaq 'eda da ÿoqta ÿacteec da ñanacto'ot da sa'axattac, 'eeta': 'Eda da 'eetec da lataxac som 'oonolec qadtaxaÿaxanaxanec. Qaq nagui somayi nso'oota'ague da aloic ñi Dios mayi neta'ague da piguem.

Hebreos 9:16

Cha'ayi da huo'otaq qai'ot aca nede mayi lmalate da qoÿan ca nalamaxat, qalaq iuen da qai'axat da l-leuaxa cam i'ot, yaqto' aca'aca nede ishit da ÿataqta ipacchigui cam qoÿittalec.

Hebreos 9:26

Cha'ayi da huo'otaq nachi 'eetec de'eda, qaq ÿataqta qalotáctaxa da qaÿi'iguelaxalec da qaÿalauat, chigoqchiguiña co'ollaq chita'ague da qai'ot ana 'alhua. Qalaxayi nagui da mashi inoxootrauec naua na'axa'te, nachi so Cristo 'oonolec da nachaxan, nachi sa lÿa da ÿi'iguelaxalec da maichi nañan, da yaqto' nqat 'enauac na nasouaxashitpi.

1 Pedro 1:21

Qaq chigoqchigui so Cristo da huo'o mshi qami' qau'amaqchiñi ñi Dios, ñim qaltaq nca'alaxateeguesop somayi da nleuaxa qataq ÿanem da lli'oxoyic, ÿoqo'oyi qami' qaupi'iÿa'ai qataq qanaquichiÿa'a ñimayi.

1 Pedro 3:22

som taigue da piguem, nachi nso'oota'ague da aloic ñi Dios da ÿamaqpec na namaxashicpi piguem l'ecpi qataq na damaxasoxonapecpi qataq na n'añaxacpi.

2 Pedro 1:16

De'eda qadapaxaguenataxanaxac mayi qami' sanaxama da sa'axataqtac da l'añaxac qataq ca lli'iguelaxasoxoc so qadataxala' Jesucristo, damayi sa ishit da sachigoxotaqchigui ca chochi qaÿachigoxotchiiya' n'aqtaxanaxac. Cha'ayi qomi' ÿataqta ñimaqa'ai' co'ollaxa da sauanaqchigui da l'amaqchic somayi.

2 Pedro 1:17

Qataq sauanaqchigui co'ollaq ñi qadta'a Dios ÿanem somayi da ñi'oxonnataguec qataq da lli'oxoyic. Qataq so l'aqtac mayi qaica ca 'en'am da lli'oxoyic 'eeta': “'Eda da ÿalec mayi ÿataqta ÿauotaxat, damayi ñitootapeguec.”

1 Juan 1:7

Qalaxayi da ñachaataqtaigui na yi'oqchiguiñi, da shinaqta'am ñi Dios da nachattaigui na yi'oqchiguiñi, nachi ñi 'oonolec da shinaqta ÿataqta n'atta'ai' ca lÿa, nachi naua ltago'q mayi qaicoldeec so llalec Jesucristo co'ollaq qaÿalauat, iÿouec 'enauac na qadasouaxashit.

1 Juan 3:5

Cha'ayi qami' mashi qauaÿajñi da so Jesucristo somayi anaÿa ana 'alhua, da yaqto' ÿapalaxat 'enauac na qadasouaxashitpi. Qaq somayi ÿataqta qaica ca 'oonolec lasouaxashit.

Apocalipsis 3:21

Qaq cam dauegaxan qome, nachi camayi sanem da huo'o aca nso'onaxaqui ca ñiso'onqa' da aÿim nta'a, da yaqto' 'eeta'am co'ollaq aÿim sauegaxan, nachi ñiso'ona'ai' ñi ita'a Dios.

Apocalipsis 4:11

'Am qadataxala' Dios, 'itchiguiñi da 'am qoÿanot da 'ayi'oxoyic, 'ad'amaqchic, qataq da 'ad'añaxac; cha'ayi 'am 'ad'onatac 'enauacna, maichi 'am chigoqchigui, qaq ÿoqo'oyi yi'oq 'enauac namayipi.