Hebreos 1:2 - Nuevo Testamento Toba Sur

² Qaq ne'enaua pa'atreec na'axa'te, qalaq ñimayi ÿachigoxotchigui so llalec da qomi' da'aqtaxanema. Ñi Dios ÿachigoxotchigui co'ollaxa se'eso llalec da i'ot 'enauacna, qataq nachiso so ipataxalec da ilo'ogue 'enauac namayipi.

Nuevo Testamento Toba Sombrero Negro

² Qalaĝaja nayi naa'me naajo' noloqo'ote jo'ne p'atedegue, male 'uo joñe'me jo'ne mach'e C'oĝot, qama'le nach'eñe jo'ne qo'mi yapaĝague'n, nach'eñe jo'ne qoyen loqo'te ena'uaque jogaa'me jo'ne uo'oe, qa'a nach'eñe 'me chiyaqayi da'me ye'et ena'uac joca'li.

La'aqtaqa Ñim Lo'onatac 'Enauacna 2013

² Qalaxaye nagui ne'enaua pa'atre'c na'axa'te, Ñim Lo'onatac 'Enauacna qomi' ỹanema da la'aqtaxanaxac ỹachegoxotchigui So Llalec. Qaq Ñimaye ỹachegoxotchigui co'ollaxa So Llalec da ỹo'ot 'enauacna, qataq nacheso so ipataxalec da ilo'ogue 'enauac na huetalecna.

Hebreos 1:2 Iomraidhean Croise

Mateo 13:39

Qaq so depa'aguenataxaatac mayi ÿaañi aso huoue, qalaq nachiso so shiÿaxaua lma'na. Qaq da qanqat na ala so trigo, qalaq nachica cam loga't ana 'alhua. Qaq som daqataxaatacpi, qalaq nachina na namaxashicpi piguem l'ecpi.

Mateo 17:5

Qaq co'ollaq ña detaqtac so Pedro, nachi anac so l'oc mayi ÿataqta 'edoigui. Somayi ipelteelguete soomayi. Nachi se'eso l'oc chimaqtoigui so n'aqtac, 'eeta': –'Eda dam ÿalec mayi ÿataqta ÿauotaxat, damayi ÿataqta ñitootapeguec. Qaq damayi qan'axaÿaxañiÿa qome.

Mateo 21:38

Qalaxayi co'ollaq qaila'aguet se'eso llalec, nachi so 'onataxanaxaicpi detaxaÿapega't, 'eeta': “'Ena cha'aguet nam talec qome qanqoÿin da lsallaxa so qan'aco'. Namayi salauataq, yaqto' qomi' talguete qome na nma'.”

Mateo 26:63

Qalaxayi so Jesús sa ishit da ÿasat. Nachi so lta'a na lataxala'pi na ntaxaÿaxanaxanecpi 'enapega somayi, 'eeta': –Seÿaxanot nagui ñi Dios mayi nca'altauec da ÿauo'o qome ca 'anhuaxanaguec qom sa ishit da 'en ca 'ad'aqtac. Ñaq qomi' 'au'aqtaxanema nagui qom 'eesa da nachi'am nta'a nca'alaxaqui mayi 'am llalec ñi Dios.

Mateo 28:18

Nachi so Jesús nquiga somayipi, nachi 'enapega, 'eeta': –Aÿim mashi aÿim qaipataxalec da samaqpec 'enauac na hueto'ot na piguem qataq na huetalec ana 'alhua.

Mateo 3:17

Nachi qai'axaÿa, chimqot na piguem, 'eeta': –'Eda da ÿalamaxat ÿalec mayi ÿauotaxat. Damayi ÿataqta ñitootapeguec.

Marcos 1:1

'Eda da 'eetec co'ollaq chita'ague da no'on qad'axaÿaxac mayi i'axat da llic so llalec ñi Dios, l'enaxat Jesucristo.

Marcos 12:6

Qaq somayi ñaq huo'o so maichi lalamaxat llalec, ÿataqta lauotaxat. Nachi somayi ipa'axaateec da ÿamaq, cha'ayi 'enapeco': “Ÿoqta qome da qaÿoqochi'iguet ñi ÿalec.”

Marcos 12:7

Qalaxayi som 'onataxanaxaicpi 'enapeco': “'Ena cha'aguet nam qaÿauotaique da talec qome qanqoÿin na 'alhua. Namayi salauataq, yaqto' qomi' talguete ne'ena 'alhua da qadalamaxat.”

Juan 1:10

Qaq se'eso l'enaxat l'aqtac ñi Dios, somayi hueta'a ana 'alhua. Qaq nai'ctaxa da ñi Dios ÿachigoxotchigui somayi co'ollaq i'ot ana 'alhua, qalaxayi nam huetalec ana 'alhua sa ishit da ÿauatton.

Juan 1:14

Qaq se'eso l'enaxat l'aqtac ñi Dios, somayi nañigui da lataxac na yi'oqchigui shiÿaxaua. Nachi somayi qomi' hueta'agueta, qalaq ÿataqta nlaqchigui da lauotaxanaqtaic qataq dam 'eesa lataxac. Qaq qomi' sauanaqchigui da lli'oxoyic dam ñi'oxoyic mayi maichi lalamaxat lli'oxoyic som 'oonolec llalec ñim qadta'a Dios.

Juan 1:3

Qaq ñi Dios co'ollaq i'ottacna, nachi ÿachigoxotchigui somayi 'enauac nam i'otpi. Qaq 'enauac nam huo'o qaica ca saq chigoqchigui somayi.

Juan 13:32

Qaq ne'ena shiÿaxaua llalec da ÿachaxan da lli'oxoyic ñi Dios, qaq ñi Dios nachi ÿachaxan qome da lli'oxoyic namayi, qaq mashi saqaÿaloq qome da ÿachaxan damayi.

Juan 15:15

Nagui sa ishit da qami' samata'aque da qami' nlataqa, cha'ayi ca chochi nlatac sa ishit da ÿaÿaten cam i'ot ca n'aco'. Qaq nagui qami' samata'aque da qami' ñauochaxa'u, cha'ayi qami' sauattonaxanaxanque 'enauac nam l'aqtacpi ñi ita'a mayi aÿim ÿami'.

Juan 16:15

Cha'ayi 'enauac nam lalamaxatpi ñi ita'a, namayipi nataq'en ÿalamaxatpi. Qaq ÿoqo'oyi aÿim shinapec da que'eca Espíritu ÿaconguet qome nam ÿalamaxatpi, nachi qami' ÿaÿajnaxanaxanque.

Juan 17:2

Cha'ayi 'am 'ai'anem co'ollaxa da l'añaxac na 'ai'alec, da yaqto' ilo'ogue 'enauac na shiÿaxauapi, qataq da yaqto' ÿanem da lca'alaxa mayi chochaq tateec 'enauac nam 'ai'anempi namayi.

Juan 3:16

Cha'ayi ñi Dios ÿataqta lta'adaic da lauotaxanaqtaic na shiÿaxauapi, ÿoqo'oyi ÿan na 'oonolec llalec, yaqto' 'enauac nam i'amaqten namayi, nachi sa ishit da ileu. Chaqdata da huo'o da lca'alaxa mayi chochaq tateec.

Juan 3:25

Nachi huo'o na nallippi so Juan na ncotatac, ncotatague' na judiopi, qancotatapigui da lataxac da 'onataxac da nqui'itaxatta ca shiÿaxaua.

Juan 5:26

Cha'ayi ñim lta'a huo'o da l'añaxac, da yaqto' maichi ÿan da nca'alaxa, nataq'en ÿanem na llalec da l'añaxac da ÿan da nca'alaxa.

Juan 5:27

Qataq ÿanem da l'añaxac, da yaqto' ÿauo'o ca nhuaxanaguec ca shiÿaxaua, cha'ayi nachina nam shiÿaxaua llalec.

Juan 9:29

Cha'ayi qomi' saÿajnaqta da so Moisés detaxaÿapegue' co'ollaxa ñi Dios; qaq se'eso shiÿaxaua, qalaxayi qomi' sa ishit da chochi saÿajnaq cam chigaqa'ague.

Hechos 10:36

Ñi Dios namaxa co'ollaxa na llalaqpi so Israel da l'aqtac, dam l'aqtac mayi i'ot da nlagaxa, chigoqchigui so Jesucristo som lataxala' 'enauac na shiÿaxauapi.

Hechos 2:17

Ñi Dios 'enapec: Caua pa'atreec na'axa'te, nachi aÿim ñanacot ñi'Espíritu Santo da sanem 'enauac na shiÿaxauapi; nachi na ñalaqpi qataq na ñalpi, namayipi qome i'axa't naua i'aqtaqa, na nsoxotpi huo'oi naua lauanaqchico chigoqo'oto ñi Dios, qataq na ÿi'axaiquipi huo'oi naua lchoxonaxaco.

Romanos 1:4

Qalaxayi chigoqchigui so Espíritu Santo co'ollaq i'axat da somayi llalec ñi Dios qataq 'añaxaic co'ollaq ñi Dios nca'aleeguesop naq'en da nleuaxa.

Romanos 8:17

Qaq nagui da mashi qomi' llalqa ñi Dios, nachi nataq'en ishit da saconaxaguet cam qomi' ÿachaxanapeguema ñimayi. Qalaxayi ÿataqta ñiuanaqte' so Cristo, qaq lamaaxa nagui da ÿataqta qanque'ejnaxaua somayi, da yaqto' ishit qome da ñiuanaqhua'a cam lli'oxoyic somayi.

1 Corintios 2:7

De'eda naÿajnec mayi sa'axataqtac, damayi naÿajnec saq cha'a mayi chigoqo'ot ñi Dios. Damayi nachida da maichi 'eetapeguec ñimayi co'ollaq saxanaqaca ana 'alhua da ÿauotaique qadca'alaxa chochaq tateec.

1 Corintios 8:6

qalaxayi qomi' saÿajnaq da 'oonolec ñi qadta'a, l'enaxat Dios. Ñimayi mayi chigoqchigui 'enauac nam huetalecna, qaq qomi' i'o't da qomi' lalamqa'te. Qataq 'oonolec so qadataxala', l'enaxat Jesucristo, som ÿachigoxotchigui ñi Dios 'enauac nam huetalecna, nataq'en qomi'.

Gálatas 4:4

Qalaxayi co'ollaq ivita so na'a'q mayi naloqnec, nachi ñi Dios namaq so llalec da nañaxatoigui naq'en aso 'alo, da chigoqtoigui naq'en na judiopi mayi hueto'ot da lapaxaguenataxanaxac na nqataxacpi.

Efesios 1:10

Qaq de'eda 'eetapeguec ñimayi mayi ÿataqta ipacchigui qom ivita ca laloqo', 'eeta': Ñi Dios nshitaique da 'enauac hueto'ot naq'en da lamaxasoxonaxac so Cristo nam hueto'ot na piguem qataq na huetalec ana 'alhua.

Efesios 3:9

Qataq ñi Dios mayi l'onatac 'enauacna, ñimayi aÿim ipataxalec da yaqto' sa'axattem 'enauac na shiÿaxauapi da lataxac dam saq cha'a mayi lapaxañi co'olloxochiyi som hua'a'u vi'iyi.

Hebreos 1:5

Cha'ayi ñi Dios sa ishit da huo'otaq iÿaxana ca lamaxashic piguem l'ec da 'eeta': 'Am mayi nachi'am ÿalec; 'Am seco'oic ne'ena na'a'q. Qataq sa ishit da detaxaÿa ca lamaxashic piguem l'ec da 'eeta': Aÿim qome aÿim lta'a somayi, qaq somayi qome ÿalec.

Hebreos 1:8

Qaq da n'aqtaguec so llalec, qalaq ñi Dios 'eeta': Añi 'anso'onaxaqui da 'am nta'a, 'am Dios, añimayi qaica ca loga't; qataq da 'ad'onataxanaxac da 'am nta'a, damayi ÿataqta ÿaÿamaqchiguiñi.

Hebreos 11:3

Qaq chigoqchigui da qadpi'iÿaxac da qomi' saÿajnaq da ñi Dios l'onata ana 'alhua, huota'ai naq'en naua l'aqtaqa. Qaq ÿoqo'oyi nam seloqtaigui nagui, namayi chigoqchigui cam saq cha'a co'ollaxa.

Hebreos 2:3

Qaq ¿táloxochiyictoxo' da qomi' ÿi't ca qanhuaxanaguec da huo'otaq sa ishit da seloxogue ca llic dam lta'adaic nca'alaxa? Cha'ayi nachiso so qadataxala' so l'auaxanec da i'axat de'eda nca'alaxa, ime, qataq jec nam n'axaÿaxaatega somayi, nachi ÿataqta 'itchiguiñi naq'en de'eda n'aqtaxanaxac. Ime, nachi qomi' da'aqtaxanema.

Hebreos 3:6

Qalaxayi so Cristo, somayi llalec ñi Dios qataq ÿataqta npe'et da ilo'ogue se'eso lma' ñi Dios, mayi nachiqomi', da ÿataqta qomi' qadamchiyiñi qataq da qadpi'iÿaxac chochi ivitta'a ca qadaloqo', nda'a't da ÿataqta samaqchiguiñi souaxat da qanaquitaxac.

Hebreos 4:14

So Jesús mayi llalec ñi Dios, somayi nachiso som 'oonolec qadtaxaÿaxanaxanec mayi inoxoneu'a ca hueta'a ñi Dios da detaxaÿapegue'. Qaq ÿoqo'oyi qomi' ÿataqta ñi'añaxataqtec qome da qad'amqajnataxanaxac.

Hebreos 5:8

Qaq so Cristo, somayi nai'ctaxa da ñalec, qalaxayi somayi napaxaguena da ÿalaq, souaxat da nque'ejnaxac.

Hebreos 7:28

Qataq na lqataxacpi so Moisés chigoqchigui da qoÿideuo da lataxala' na ntaxaÿaxanaxanecpi cam shiÿaxaua mayi sa ishit da ÿoqta nalochiguiñi. Qaq de'eda l'aqtac ñi Dios mayi ÿan da yaqto' ipacchigui, mayi ÿan co'ollaq qaÿata'ague na nqataxacpi, damayi chigoqchigui da qoÿideuo da lataxala' qanqoÿin na ntaxaÿaxanaxanecpi so llalec Jesús, som nachi 'eetai' da nalochiguiñi da lataxac.

Hebreos 7:3

Qaq somayi qaica ca lta'a qataq aca late'e qataq cam hua'au lta'alpi. Qataq somayi sa ishit da qai'axat da 'eetec ca lañoxoc qataq ca l-leuaxa. Qaq 'eda da 'eetec da somayi nachi 'eeta'am da lataxac so llalec ñi Dios, da somayi nachi 'eetai' da ntaxaÿaxanaxanec da qaitaxaÿapegue' ñi Dios.

Hebreos 9:26

Cha'ayi da huo'otaq nachi 'eetec de'eda, qaq ÿataqta qalotáctaxa da qaÿi'iguelaxalec da qaÿalauat, chigoqchiguiña co'ollaq chita'ague da qai'ot ana 'alhua. Qalaxayi nagui da mashi inoxootrauec naua na'axa'te, nachi so Cristo 'oonolec da nachaxan, nachi sa lÿa da ÿi'iguelaxalec da maichi nañan, da yaqto' nqat 'enauac na nasouaxashitpi.

1 Pedro 1:20

So Cristo nal'ena da qaÿaqataxaatapigui' co'ollaq saxanaqaca ana 'alhua da qoÿan, qalaxayi chaqnacta nagui da mashi pa'atreec naua na'axa'te, nachi yi'oq somayi, souaxat da qoñiita.

2 Pedro 3:3

Qataq qami' qauennachiÿa'a qome de'eda 'eeta': Caua pa'atreec na'axa'te, nachi huo'o qome ca shiÿaxauapi ÿataqta ÿi'inai' da qad'amqajnataxanaxaqui. Camayipi quetaiguilo naua n'onataxaco mayi qauema.

Judas 1:18

da i'axattrac de'eda 'eeta': “Caua pa'atreec na'axa'te, qaq huo'o qome na shiÿaxauapi mayi ÿataqta ÿi'inai' da n'amqajnataxanaxac, qataq chochi quetague' nam maichi 'eetapeguecpi mayi qauem.”