Gálatas 6:2 - Nuevo Testamento Toba Sur

² Ñi 'oonolec da qoñiita itauan qome ca lÿa da nachishiguem ca lli'ac, qaq yaqto' ishit da qaupaquiichigui da l'aqtac so Cristo.

Nuevo Testamento Toba Sombrero Negro

² Qom 'uo ga'me auaqalañitac qama'le anecochiyapega't, qa'a nach'eda naq'aeta da'me 'loyaĝac da'me qodique'teguelo da'me lamaĝajoĝonaĝac ñe'me Cristo.

La'aqtaqa Ñim Lo'onatac 'Enauacna 2013

² Da qaviyeeguet ca lqalaic, nache ñi 'oonolec iuen da itauan ca lỹa. 'Era da lataxac da qaỹalaxaguet na lqataxacpi So Cristo.

Gálatas 6:2 Iomraidhean Croise

Mateo 8:17

Qaq 'eetec de'eda, yaqto' ÿataqta ipacchigui dam i'axat co'ollaxa so l'aqtaxanaxanec ñi Dios l'enaxat Isaías, co'ollaq 'eeta': “Camayi nachishiguem 'enauac na qanqui'iguesat, qataq ÿachi 'enauac na qadalolaxapi.”

Lucas 11:46

Qalaxayi so Jesús 'enapeco': –¡Ÿataqta choxodaxasodo' qami' mayi qauapaxaguenataxañiitapeguec na nqataxacpi! Cha'ayi qami' ÿataqta qaica ca ishit da ÿañoxot da ÿachi na lli'ac mayi qauachiilec ca shiÿaxaua, qaq qami' sa ishit da chochi 'oonole qai'axaatai aca ipotapegueu'a qanqashiñi.

Juan 13:34

Qaq nagui qami' sanema da dalaxaic namaxasoxonaxac, 'eeta': Ñi 'oonolec qome da qoñiita ÿataqta ÿauotec ca lÿa. Qoñiita'am da shiitec da ÿataqta qami' sauoteque, qaq nachida qome da qoñiitec da ñi 'oonolec da qoñiita ÿataqta ÿauotec ca lÿa.

Juan 15:12

Qaq dam ÿamaxasoxonaxac mayi qami' sanema 'eeta': Ñi 'oonolec da qoñiita ÿataqta ÿauotec ca lÿa, 'eeta'am da 'eetec da ÿataqta qami' sauoteque.

Romanos 15:1

Qomi' mayi ÿataqta 'añaxaic da qadpi'iÿaxac, qaica qome ca shigaqtega da saconaxaguet da sachoq da lqalviaxa nam sa da'añi da lpi'iÿaxac, qaq sa ishit da maichi qomi' ñaÿamaxadenaqtapeguela't.

Romanos 8:2

Cha'ayi dam l'añaxac so Espíritu mayi ÿan da achaalataxac, damayi aÿim huesoueguesop naq'en da l'añaxac da ñi'itaxaloxo qataq da nleuaxa, chigoqchigui naq'en da mashi qan'attau'a so Cristo Jesús.

1 Corintios 9:21

Qaq naxa da sootaigui na sa ishit da quetague' na nqataxacpi mayi chigoqo'ot so Moisés, nachi se'enaxat da lliquiaxac namayipi, yaqto' ishit da ñauec, nai'ctaxa da aÿim 'eesa da shictague' da lliquiaxac na lqataxacpi ñi Dios, cha'ayi mashi sooto'ot na lqataxacpi so Cristo.

Gálatas 6:5

Cha'ayi ñi 'oonolec maichi nachishiguem ca lli'ac.

1 Ts 5:14

Nataq'en qami' qadqaÿa't, qami' saqataxalo da ÿataqta qoñiÿapega na sa ishit da do'onataxan, qataq qau'añaqchichi na sa da'angui yi lauel, qataq qautauañi na sa da'añi da lpi'iÿaxac, qataq qanhualaxauñi' 'enauac na shiÿaxauapi.

Santiago 1:25

Qaq ca sa ishit da icoua'ai cam hua'aqchigui, chaqdata da ilotelec cam 'enapec dam nalochiguiñi nqataxac mayi ishit da qomi' huosochiyiñi naq'en, qataq quetelec damayi da ÿataqta i'ot cam 'enapec, que'eca shiÿaxaua cam ÿacoolec da i'ot, qalaq ÿataqta machiguiñi.

Santiago 2:12

Qaq ÿoqo'oyi qami' 'eda da qadtaxaÿaxaqui qataq da qoñiitec, qau'enaxachiichigui ca qaÿataxanot da yaqto' nmit da nqataxac mayi ishit da qomi' huosochiyiñi naq'en.

Santiago 2:8

Da ÿoqta 'eesa qau'ochi dam napacalec na laÿipi nqataxacpi mayi 'eeta': “'Auauotec ca 'adÿa, 'au'enaxatchigui da maichi 'anauojla't,” qaq damayi ÿataqta ÿaÿamaqchiguiñi.

1 Pedro 2:24

So Cristo nque'etaxangui 'enauac na qadasouaxashitpi da nachishiguem co'ollaq qaiuaxanguet so npe'enaxaqui, yaqto' qomi' soqolqa'ai da ñi'itaxaloxo, ime, qaq soqolaxague da qui'itta achaalataxac. Na nhuaxanecpi somayi co'ollaq qaiuaxaatalec, nachina na naigui da qami' qanatade'n.

2 Pedro 2:21

Cha'ayi namayipi no'ónctaxa da sa ishit co'ollaxa da ÿauatton da lliquiaxac da achaalataxac mayi qui'itta. Cha'ayi l'axaso' da mashi ÿauatton damayi, ime, qataq ca'ai dam qoÿanem napaxaguenataxanaxac mayi qui'itta.

2 Pedro 3:2

Qami' qauennachiÿa'alo qome naua qami' i'axatema co'ollaxa som qui'itta l'aqtaxanaxanecpi ñi Dios qataq naua lapaxaguenataxanaxaco so qadataxala' qataq qadca'alaxaqui mayi qami' ÿapaxaguenque soua lamaxa'shi somayi.

1 Juan 4:21

Qaq ñimayi qomi' ÿanema da lamaxasoxonaxac, 'eeta': Ca ÿauotec ñi Dios, qaq no'on da nataq'en ÿauotec ca lqaÿa.