Gálatas 6:12 - Nuevo Testamento Toba Sur

¹² Nam shiÿaxauapi mayi qami' ÿileeta'pe da yaqto' qami' ishit da qaÿauo'o ca qan'anaxachi, namayipi 'eetec de'eda, cha'ayi chochi nshitaique da qaica ca da naq'en na shiÿaxauapi, da yaqto' sa ishit da qaicanapec souaxat so Cristo co'ollaq qaiuaxanguet so npe'enaxaqui.

Nuevo Testamento Toba Sombrero Negro

¹² Gaa'me jo'ne ami yepagaqatetapeque da'me auacoñiyeguet ga'me 'nanaĝajet jo'ne qoyichaĝaye ga'me lapat lae, jogaa'me ch'e naquitetedapega da'me qaedi jiyaĝadipi yiyamaĝade'n. Ja jetaque qoyecaa'tape jogaa'me jouaĝat ta'le 'yaĝatetedac da'me 'laqataĝanaĝac jo'ne 'yaĝatetac jaga'me nesodoso ñe'me Cristo.

La'aqtaqa Ñim Lo'onatac 'Enauacna 2013

¹² Nam shiỹaxauapi maye qami' ỹamaqtaleguete da qauo'oche ca qana'anaxache, namayepi choche huotaique da qaỹamateguet. Cha'aye saishet da ỹaỹamaxaren da sa qaiyacnapec souaxat da ỹa'axattac da 'eetec co'ollaq So Cristo da qaiuaxaneguet so npe'enaxaqui.

Gálatas 6:12 Iomraidhean Croise

Mateo 23:27

¡Ÿataqta choxodaxasodo' qami' mayi qauapaxaguenataxañiitac qataq qami' fariseopi mayi qoñiitega da qami' 'eesoda! Cha'ayi qami' qoñiita'am ana huachiqui mayi ndoteec na pa'auec da ÿapagaq qanqoÿin, qalaxayi na pa'auo ÿataqta da'aichigui na lpi'inec na leuaxaicpi qataq 'enauac nam qauemsat.

Mateo 23:28

Qaq 'eda da 'eetec da qoñiita: Da ndoteec na pa'auec 'eeta'am da no'on da imeteetac na shiÿaxauapi, qalaxayi na pa'auo ÿataqta da'aichigui da ñi'oxonnaxac qataq nam qauemsat.

Mateo 23:5

Qaq 'enauac ne'ena i'ot, cha'ayi nshitaique da na shiÿaxauapi imeteetac namayipi. Cha'ayi namayipi nqopita da ÿachitalec na latap qataq da ÿaxattagui na lhuaq naua ñiyigui'shi l'aqtaqa ñi Dios, da qoÿittalec na logodaic hualoq laÿi, qataq da ÿataqta logodaiqa naq'en naua lauoxol naua lapo'te, saq 'en'am na laÿipi shiÿaxauapi.

Mateo 5:10

Qataq ÿataqta machiguiñi qome nam nque'etaxangui da ncanaguec, souaxat da i'ottac cam 'eetapeguec ñi Dios, cha'ayi namayipi huetaigui qome da l'onataxanaxac ñi Dios mayi neta'ague da piguem da ilo'ogue 'enauacna.

Mateo 6:16

Qaq da ivita da qami' qanqouaqchichi, qalaq sa ishit qome da yi'oqta da daquico da qadashiguiÿaxaqui, da qoñiita'am nam shiÿaxauapi mayi chochi nachaxaata. Cha'ayi namayipi 'eetec de'eda, cha'ayi nshitaique da qaÿaÿaten da nqouaqchitta. Qaq aÿim qami' shinapegalo da namayipi sogote huo'o da nshiitenaguec.

Mateo 6:2

Qaq ÿoqo'oyi da ivita da qautauañi cam huo'o da lhuenaxanaxa, qalaq sa ishit da ÿaÿajna'a't qanqashiñi 'enauac na shiÿaxauapi da qoñiita'am da 'eetec nam saq ÿataxalec da lataxac da nachaxaata da huetaigui ana laponaxaquipi na judiopi qataq na nqa'aicpi. Qaq 'eetec de'eda namayipi, cha'ayi chochi nshitaique da no'on da n'aqtaguec. Qalaxayi aÿim shinapec, da de'eda i'ot, damayi naigui da sogote da huo'o da nshiitenaguec.

Mateo 6:5

Qaq da ivita da qanatamñi, qalaq sa ishit qome da qoñiita'am nam chochi nachaxanaxaicpi da natamen mayi nqopita da nachatchiguiñi da huaigui anam laponaxaquipi na judiopi huo'otaq acam lamaxa ca nqa'aic da 'enauac na shiÿaxauapi ÿataqta ilochigui. Qaq aÿim qami' shinapegalo da namayipi sogote huo'o da nshiitenaguec.

Lucas 16:15

Nachi so Jesús 'enapeco': –Qami' mayi nachiqami' chochi qanachaxañiitega 'enauac na shiÿaxauapi da qami' no'on, qalaxayi ñi Dios ÿauatto'n naua qadquiyaqchilli'. Cha'ayi cam ÿamata'ac nam shiÿaxauapi da 'eetega 'amaqtaqaic, qaq nachica cam ÿataqta ÿaÿimec ñi Dios.

Lucas 20:47

Nataq'en namayipi ÿataqta iÿalaxat na huetañalo naua lma'te nam pa'aipi, nachi namayipi chochi nqañoxotoigui da i'ot da ÿataqta logodaic naq'en da nqouagaxaunaxac. Qaq ÿataqta ÿacteec qome da nhuaxanaguec namayipi.

Juan 7:18

Ca shiÿaxaua da huo'otaq maichi nalligoxottela't ca ltaxaÿaxac, camayi 'eetec de'eda, cha'ayi nshitaique da na shiÿaxauapi ÿi'oxoden. Qalaxayi cam ÿataqta npogoxoueetague' da yaqto' qaÿi'oxoden cam namaq, camayi nachica ca ÿoqta 'eesa ca l'aqtaxanaxac, qaq sa ishit da chochi datenataxaatac.

Hechos 15:1

Qaq se'esoua na'axa'te, nachi huo'oi soua nvilyi' shiÿaxa'u chigoqda'ague da Judea da nqo'ooda yi Antioquía. Nachi soomayi ÿapaxagueetrapeguec na 'amqajnataxanaxaicpi da ca nshitaique da qanca'alaxateec, qalaq camayi iuen da qaÿauo'o ca n'anaxashit na l'oc, cha'ayi damayi nachi lamaxasoxonaxac so Moisés.

Hechos 15:5

Qalaxayi huo'oi soua ÿalectrauo na fariseopi mayi 'amqajnataxanaxaiqa soua nachajyiñi, nachi 'ena'po': –Nam 'amqajnataxanaxaicpi mayi sa ishit da judiopi, namayipi iuen da qaÿauo'o ca n'anaxashit na l'oc, qataq da qaÿamaxalec da i'ot na nqataxacpi mayi chigoqo'ot so Moisés.

2 Corintios 10:12

Cha'ayi qomi' sa ishit da sauoqtaique da shinaqta'am, huo'otaq da ñaloqnaxaguet da qanachaalataxac nam shiÿaxauapi mayi maichi ñi'oxodeetapeguela't. Namayipi huo'o da n'oopaxac, souaxat da maichi naloqnaxaatapeguela't, qataq da ñi 'oonolec maichi naloqnaxaatapeeguet da nachaalataxac ca lÿa.

2 Corintios 11:13

Cha'ayi namayipi chochi n'enaqchin da 'eetega da lamaxashicpi so Jesús, qalaxayi tenataxanaxaicpi, qataq chochi n'enaqchingui da 'eetega lamaxashicpi so Cristo.

Gálatas 2:14

Qalaxayi co'ollaq aÿim sela'a da sa ishit da natenguet da lataxac da lapaxaguenataxanaxac dam n'aqtac mayi chigaqaigui da nca'alaxa, nachi aÿim sevidaxato'ot so Pedro, ÿauaachigui ñaq'en 'enauac nam 'amqajnataxanaxaicpi. Shiita': “'Am, 'am judío l'ec, qalaq so lÿa na'a'q 'au'enaxat da n'onataxac na saq judiopi da 'axaañi da n'onataxac na judiopi, qalaq ¿tá'ainco' nagui da 'anshitaique 'eleetac na saq judiopi, da yaqto' i'enaxat da n'onataxac na judiopi?”

Gálatas 2:3

Qaq so Tito mayi ñinaictague', qalaxayi ñaqaiyita sa ishit da qoÿinapega da i'ot ca n'anaxashit na l'oc, nai'ctaxa da somayi sa ishit da judío l'ec.

Gálatas 5:11

Qaq aÿim, qami' ÿaqaÿa't, da huo'otaq ñaq saqattega da qaÿauo'o ca n'anaxat ca shiÿaxaua, qaq na judiopi sa ishíttaxa da aÿim icaatac. Cha'ayi da nachi 'eetec de'eda, nchi n'aqtaguec da l-leuaxa so Cristo co'ollaq qaiuaxaneuo, damayi sa ishit da huo'otaq inogoqchit namayipi.

Gálatas 6:13

Cha'ayi ivida'a nam shiÿaxauapi mayi nañanguet da qaÿauo'o na n'anaxat na l'oc, namayipi sa ishit da i'ot 'enauac nam 'enapec na nqataxacpi. Qalaxayi namayipi chochi nshitaique da qami' qaÿauo'o na qan'anaxachi, yaqto' namayipi ishit da n'amaqten da ishit da qami' ÿile'n da yaqto' qaÿauo'o ca qan'anaxachi.

Filipenses 1:15

Qaq 'eesa da huo'o na i'axattac so Cristo, qalaxayi huo'o na laÿipi ÿataqta ÿaÿamaqchiguiñi da lhuennataxac.

Filipenses 2:4

Qataq sa ishit qome da huo'o ca i'auaxaañi da nmitaique cam chigoqchigui da huo'o ca laÿamqa'. Chaqcata cam nataq'en ishit da chigoqchigui da ÿaÿamaxajñi ca nÿa.

Filipenses 3:18

Qaq mashi qalota da qami' shinapegalo, qalaxayi nagui qaltaq ñoÿiitalec da shi'iguelaxalec da qami' shinapegalo, cha'ayi ÿataqta qalota nam npa'aguene' da l-leuaxa so Cristo co'ollaq qaiuaxanguet so npe'enaxaqui.

Colosenses 2:23

Qaq 'eesa da 'enauac ne'ena 'eeta'am da ÿataqta huo'o na ÿaÿaten ca shiÿaxaua da i'ot. Cha'ayi namayipi ÿamaxalec da natamnaxac, qataq da sa n'amaqten, qataq da ÿauo'o da nque'ejnaxac da l'oquiaxac. Qalaxayi namayipi sa ishit da itauan camayi da nala'aguet da lqopitaxanaqtaic da lapachiyaxac.