Gálatas 5:15 - Nuevo Testamento Toba Sur

¹⁵ Qalaxayi qami' da maichi qannaquiita'a't, qataq ñi 'oonolec da maichi chictac ca lÿa, qaq damayi ÿataqta qadvichiÿa'a qome. Ten, qom 'ico' maichi qanlaxachiitapeguela't.

Nuevo Testamento Toba Sombrero Negro

¹⁵ Qalaĝaja qom mach'e ami da'me aueloiquiitapega't nataq'aen a'naĝachela't qama'le achiya'aguet ta'le yovita da'me analachiyapega't.

La'aqtaqa Ñim Lo'onatac 'Enauacna 2013

¹⁵ Qalaxaye huo'o da ivitaxa da qami' qauloquiitega't qataq qanque'emaxachiỹa'a't, nache qami' 'eeta'am da maiche qanlaxacheetapeguela't.

Gálatas 5:15 Iomraidhean Croise

Marcos 3:25

Qataq ca maichi nhuo' l'ecpi da huo'otaq maichi npa'aguena't, nachi camayipi nataq'en sa ishit da 'eetai'.

1 Corintios 3:3

cha'ayi ñaq 'eetalec da qoquiitaigui da qadapachiyaxaqui. Cha'ayi da ña qannoita'a't, qataq qancotaitega't, qataq qaucolaqaitagui, qaq yi'oqta da qami' ña qoquiitaigui da qadapachiyaxaqui, qaq qoñiita'am da n'onataxac 'enauac na shiÿaxauapi.

2 Corintios 11:20

Cha'ayi qanviñiiguet nam shiÿaxauapi mayi qami' icoñida'aque da chochi qami' l-lataqa, qami' deque'etapiguilo, qataq 'ico' qami' lalamqa'te, qataq sa ishit da qami' ÿauoteque. Nda'a't da iuaxaatapoiguilo naua qadashigolli'.

2 Corintios 12:20

Cha'ayi aÿim huo'o da itelaxa da huo'otaq ivita da qami' ñoqo'onalo, qaq sa iuena'a da sa ishit da tachigui cam tatapigui yi iuel da qami' ñauaneto, qataq sa iuena'a, da qami' nataq'en sa ishit da tachigui cam tatapigui yi qadvilli da aÿim qanauañi'. Cha'ayi aÿim huo'o da icolanaxa da huo'otaq qami' quetanguilo ca cotaxac, pa'aguenaxac, nalemataic, shiÿaxaua sa iuen ca lÿa, qaÿasaxalec ca lasouaxashit ca nÿa, nvidaqtaxanaxac, 'amqajnaxac, qataq qaica ca naÿamaxa.

Gálatas 5:20

qataq da qanatameetacot na nqolacpi, qataq da qaÿi'en ca nÿa, qataq da nquiÿaxanaqtaic, loquiaxac, qataq da nca'alaxanaxac, saq ÿoxonguit da nalemataic, qataq da chochi huo'o ca qanaquittaique da huo'o ca qai'ot, qataq da ÿotaxac da qoÿida't na shiÿaxauapi.

Gálatas 5:26

Qaq sa ishit qome da qomi' ñi'oxonnaxaiqa, qataq ñi 'oonolec sa ishit da inogoqchittac ca lÿa, qataq sa ishit da maichi ñiquiÿaqta'a't.

Filipenses 3:2

Qaq maxatchaxa, qadvichiÿa'aguet qome na 'eeta'am da lataxac na pioxotpi, qataq i'otta'pe naua qauema, qataq ipelectac na n'oc.

Colosenses 2:8

Qaq maxatchaxa qome, sa ishit da qoquiigue nam nshitaique da qami' ÿatenachi't da qami' idolguete nam naÿajnec lma'na qataq nam nhuennataxacpi mayi saq 'en. Cha'ayi namayipi sa ishit da chigoqchigui so Cristo; chaqnata nam n'onataxacpi na shiÿaxauapi qataq nam lhuennataxacpi da tatapigui lauel na chochi yi'oqchigui.

Santiago 3:14

Qalaxayi qami' da huo'o ca huetangui añi lquiyaqte ca lquiÿaxanaqtaic qataq huo'o ca naquittaique, qaq no'on da sa ishit da n'amqajngui da laÿajnec, cha'ayi 'eeta'am da chochi datenataxaatac qataq dataÿa'aguet da 'eesa lataxac.