Gálatas 4:25 - Nuevo Testamento Toba Sur

²⁵ Cha'ayi aso Agar nachaso asom naigui aso qasoxonaxa Sinaí mayi naña yi Arabia. Qaq asomayi nachaso asom naigui yi nagui Jerusalén, cha'ayi nagui yi'iyi la ciudad 'eeta'am aca chochi nlata, nataq'en 'enauac nam llalaqpi.

Nuevo Testamento Toba Sombrero Negro

²⁵ Ga'me qajoĝonaĝa Sinaí, jo'ne ua'a di'me Arabia, laloĝoqui qoyen ga'me noic Jerusalén, nataq'aen ena'uaque gaa'me neda'ña ena'am ta'le namaĝajoĝonaĝaco lelataqapi.

Gálatas 4:25 Iomraidhean Croise

Mateo 23:37

¡'Am Jerusalén, 'am Jerusalén mayi 'aualauat co'ollaxa so n'aqtaxanaxanecpi qataq 'auasaq na coma' so 'am namaxapi co'ollaxa ñi Dios! ¡Aÿim ÿataqta qalota co'ollaxa da sauotaique da saqapaloigui na 'ai'alaqpi da shiita'am aca 'olgaxa da nqapal catai' llalaqpiolec, qalaxayi sa ishit da 'auashin!

Lucas 13:34

¡Aicoue qami' mayi qoñiitaña yi Jerusalén mayi qaualauachi som l'aqtaxanaxanecpi ñi Dios, qataq qauasaqaitalec na coma' som lamaxashicpi mayi qami' namaxalo! ¡Ÿataqta da iyaxacnaxa da llaÿona't na 'ai'alaqpi, da shiita'am aca 'olgaxa da nqapaxaalec ca llalaqpiolec, qalaq qami' sa ishit da qanashiñi!

Lucas 19:44

Nachi qami' ÿamaxagueta ana 'alhua. Ime, qaq ÿalauat nam netalec na qadmayi, qataq sa ishit da huo'o ca nachattañi naq'en na coma'pi, cha'ayi qami' sa qauauattoñi na laloxoqui da qami' namaqtegalo ñi Dios.

Hechos 1:11

Qaq soomayi 'ena'po': –Qami' Galilea lashi', ¿tá'ainco' yi nachi qauloito'ot na piguem? Se'eso Jesús mayi qami' nalligoqtoiguilo da taigue da piguem, somayi qome qaltaq ñi'iguelaq. Qaq que'eca lli'iguelaxasoxoc nachi 'eeta'am qome de'eda lliquiaxac mayi qauauañiichigui.

Gálatas 1:17

Qataq sa ishit da saigue da Jerusalén da huo'otaq ñoqo'onalo soua nachi 'eetai'salo da lamaxa'shi so Jesús. Chaqdata da aÿim sa ñaÿaloxon da saigue da Arabia. Qaq co'ollaq ime, nachi ñi'iguelaxa yi Damasco.

Gálatas 4:24

Qaq damayi chochi qaÿaloqnaxangui. Cha'ayi se'esoua dos 'alo nachi naiguilo naua dos aÿamaxataxaco. Se'eso 'oonolec naua aÿamaxataxaco, somayi chigoqchiguiña asom qasoxonaxa mayi l'enaxat Sinaí. Qaq somayi nachiso so naigui aso Agar. Qaq ÿoqo'oyi nam hueto'ot se'eso aÿamaxataxac, namayipi da nañoxoc taÿa'a da nlatacpi.

Gálatas 4:26

Qalaxayi yim Jerusalén mayi hueta'ague da piguem, yimayi ÿataqta huesochiguiñi. Qaq qomi' mayi nachiqomi' llalaqpi yimayi.

Hebreos 12:18

Qami' sa ishit da qoñiita'am so llalaqpi so Israel co'ollaq nqo'ona aso qasoxonaxa mayi ishit da qaipoteu'a, qataq 'ettaigui, qataq huaña da ÿataqta napanñi qataq so l'at lta'adaic.