Gálatas 3:14 - Nuevo Testamento Toba Sur

¹⁴ Qaq damayi nachi qoÿina'ac, yaqto' da lqouagaxanaqtaic ñi Dios mayi ÿachaxanapecot co'olloxochiyi so Abraham, damayi qoÿami' nam sa ishit da judiopi da chigoqchigui qanqoÿin so Cristo Jesús; qaq yaqto' 'enauaque qomi' ishit da chigoqchigui da qadpi'iÿaxac da saconaxaguet som Espíritu Santo mayi ÿachaxanapec co'olloxochiyi ñi Dios.

Nuevo Testamento Toba Sombrero Negro

¹⁴ Qo'che' da'me Dios 'yaĝatem ca'li di'me Abraham jo'ne 'nonaĝachigui qomle ñe'me, nach'e ena'am qoyeloĝonaĝachiguilo jogaa'me jo'ne ja judiopi. Chane'eja naq'aeta, qom jep'iyaqa ñe'me Cristo, nach'e ena'am jaconaĝaguet ñe'me Lepaqal, 'me Dios joote qo'mi 'yaĝatema.

La'aqtaqa Ñim Lo'onatac 'Enauacna 2013

¹⁴ Qaq ỹoqo'oye da lqouagaxanaqtaic Ñim Lo'onatac 'Enauacna maye ỹachaxanapecot co'olloxocheye so Abraham, damaye ỹami' nataqa'en nam saishet da judiopi. Qaq ỹoqo'oye da huo'o ca qarpi'iỹaxac So Cristo, nache saconaxaguet som Saqcha'a La'añaxac Ñim Lo'onatac 'Enauacna maye qomi' ỹachaxanapeguema co'ollaxa.

Gálatas 3:14 Iomraidhean Croise

Lucas 11:13

Qami' matem qami' yiloxoiqa, qalaq qauaÿajñi da qai'añiim ca no'on na qai'alquiipi, qaq ¿huá'ago' da saq 'eetec ñi qadta'ai mayi neto'ot na piguem da ishit da ÿanem so Espíritu Santo cam iÿaxanot ñimayi?

Lucas 24:49

Qaq aÿim qome qami' ñamaxalo cam ÿachaxanapec co'olloxochiyi ñi ita'a. Qalaxayi nachi qoviita'a qome na la ciudad Jerusalén, to' qom mashi qauacoñiiguet cam n'añaxac mayi chigaqshiguem.

Juan 7:39

Qaq de'eda 'enapec so Jesús, damayi naigui da ca i'amaqten somayi, nachi camayi ÿaconguet so Espíritu Santo. Cha'ayi so Espíritu Santo saxanaxa co'ollaxa da anac, cha'ayi so Jesús saxanaxa da ivita ca laloqo' da lli'oxoyic.

Hechos 2:33

Qaq ÿoqo'oyi somayi ñi Dios ÿacoosop da ÿaueegue da piguem, idolec na lhuaq aloic. Huaña, nachi somayi ÿaconguet so Espíritu Santo mayi ÿachaxanapeguem co'ollaxa ñi lta'a da ÿanem. Qaq 'enauac de'eda qauauañiichigui qataq qau'aqaichigui, damayi chigoqo'ot somayi.

Hechos 4:12

Qaica ca lÿa ishit da chigoqchigui da nca'alaxa. Cha'ayi ñi Dios qaica ca lÿa n'enaxat da qomi' ÿanema ana 'alhua, da yaqto' ishit da qomi' nca'alaxatreec.

Hechos 5:32

Qaq de'eda nachiqomi' mayi sa'axataqtac, qataq so Espíritu Santo nataq'en i'axattac, qaq ñi Dios ÿanem somayi cam ÿalaxaguet ñimayi.

1 Corintios 12:13

Cha'ayi 'enauaque qomi' nai'ctaxa da qomi' judío lashi', huo'otaq sa qomi' judío lashi', huo'otaq qomi' nlataqa, huo'otaq sa qomi' nlataqa, co'ollaq qomi' qanachilaxa'n, nachi so Espíritu Santo qomi' ÿauaxaÿaxana't da 'eeta'am naq'en da 'oonolec n'oquiaxac. Qaq 'enauac da shinaqta qomi' qanÿomaxanguilo so 'oonolec Espíritu.

2 Corintios 1:22

Qataq nachiñi ñi qomi' l'angui'shi qataq ÿanaiguilo naua qadquiyaqte so n'Espíritu Santo, qaq nachiso som ÿoqta 'itchiguiñi naq'en cam qomi' qoÿanma.

Gálatas 3:16

Qaq ñi Dios huo'o co'ollaxa so ÿachaxanapecot so Abraham qataq cam llalec. Qaq nam ñiyigui'shi l'aqtaqa ñi Dios sa ishit da 'eeta': “ca llalaqpi,” da 'eeta'am da huo'otaq qalota cam detaqtega shiÿaxauapi. Cha'ayi ñimayi 'eeta': “ca 'ai'alec.” Qaq damayi naigui qone' da 'oonolec ca qaitaqtega shiÿaxaua. Qaq somayi nachiso so Cristo.

Gálatas 3:2

Ñaq aÿim qau'aqtaxañiim nagui de'eda, 'eeta': ¿Qami' peta'a qauachigoxochiichigui da qau'ochiitac na nqataxacpi mayi chigoqo'ot so Moisés da huo'o mshi qauacoñiiguet so Espíritu mayi chigoqo'ot ñi Dios? loqo' chaq ¿chigoqchigui can qau'amaqchiñi da qau'aqaichigui?

Gálatas 4:6

Qaq dam ichoxot da ÿoqta qami' llalqa ñi Dios 'eeta': Ñimayi qami' namaxalo so n'Espíritu so llalec da taiguilo naua qadquiyaqchilli'. Qaq so Espíritu deÿaxan, 'eeta': “¡'Am ita'a!”

Efesios 2:18

Qaq chigoqchigui so Cristo da 'enauac da shinaqta, nai'ctaxa ca judío l'ec huo'otaq ca sa ishit da judío l'ec, da qomi' ÿaueegueta ñi qadta'a da sachigoxosoqchigui naq'en so Espíritu Santo.

Efesios 2:22

Qaq nachi 'eeta'am nagui da qoñiita qataq 'enauac na laÿipi 'amqajnataxanaxaicpi 'enauac da qan'ayiitau'a so Cristo, qoñiita'am ca noÿic mayi lauo' naq'en ñi Dios so n'Espíritu Santo.

Efesios 3:16

Qataq seÿaxaatacot ñi qadta'a Dios, da yaqto' ÿachigoxotchigui dam qaica ca 'en'am lsallaxa da qami' ÿanema da l'añaxac, da ÿachigoxotchigui so n'Espíritu da ÿanem da l'añaxac da qadvilÿaxaqui.

Efesios 4:30

Qataq sa ishit qome da qauaquicoqchichi so Espíritu Santo mayi chigoqo'ot ñi Dios. Cha'ayi somayi nachiso so chigoqchigui da qami' qai'a'n, da yaqto' qami' lalamqa'te ñi Dios, chochi ivitta'a ca na'a'q qom ñimayi qami' ÿanema cam ÿataqta nalochiguiñi qadca'alqai.

1 Pedro 1:22

Qaq nagui da chigoqchigui so Espíritu Santo da qami' qaualaqailec da n'aqtaxanaxac mayi ÿataqta 'eesa, nachi ÿataqta qauqui'itaxachiita da qanachaalataxaqui, da yaqto' ÿataqta qauauochiic na qadqaÿanquiipi. Qaq ÿoqo'oyi ñi 'oonolec da qoñiita ÿataqta imauec naq'en da lquiyaqteÿaxac qataq 'enauac da l'añaxac da ÿauotec ca lqaÿa.

1 Pedro 3:9

Qataq sa ishit da qavi'iguelaxachiÿa'aguet ca sa ÿaÿamaxañi, qataq ca qanshiunaguiiqui. Chaqdata da qai'añiim ca no'on ca shiÿaxaua, cha'ayi ñi Dios qami' iÿaxanalo, da yaqto' qauacoñiiguet da lqouagaxanaqtaic.