Gálatas 3:13 - Nuevo Testamento Toba Sur

¹³ Qaq so Cristo qomi' nca'alaxateeguesopa dam lta'adaic qanhuaxanaguec mayi chigoqchigui na nqataxacpi, cha'ayi somayi nañanguet da lta'adaic nhuaxanaguec souaxat qomi'. Cha'ayi naua ñiyigui'shi l'aqtaqa ñi Dios 'eeta': “Ÿataqta sa qaichoxonnai' qome da qaÿauo'o da nhuaxanaguec ca qaicoñida'aguet cam qo'ipaq.”

Nuevo Testamento Toba Sombrero Negro

¹³ Qalaĝaja ñe'me Jesucristo nep'aĝala't yaconeguet ga'me te'me qadoĝot da'me ne'uaĝanaguec 'me qoyachalegue ga'me jo'ne ja yoqocha'alo daa'me namaĝajoĝonaĝaco. Qama'le naq'aeta da'me qo'mi nec'alaĝatedegue, qa'a daa'me nedii's enaac: “Dios ye'uaĝan gamachaqaega jo'ne yeleualegue jaga'me sodoso.”

La'aqtaqa Ñim Lo'onatac 'Enauacna 2013

¹³ Qalaxaye So Cristo qomi' nca'alaxateeguesopa dam lta'araic qanhuaxanaguec souaxat da saishet da salaxasoxoguet na namaxasoxonaxacpi. 'Era da 'eetec da qomi' nca'alaxatre'c Somaye. Cha'aye naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹauo'o qome ca nhuaxanaguec cam qaiuaxaata'aguet ca npe'enaxaqui qo'oipaq souaxat da saishet da ỹalaxaguet na namaxasoxonaxacpi.»

Gálatas 3:13 Iomraidhean Croise

Mateo 26:28

Cha'ayi na huetagui anamayi nachinaua na itago'q mayi ÿoqta 'itchiguiñi naq'en dam dalaxaic aÿamaxataxac. Nam itago'q taÿa'alo da qaicoldeec, da yaqto' ÿataqta qalota qome na qaÿapalaxat na lasouaxashitpi.

Mateo 27:5

Nachi so Judas ÿasaxaigui aso n'onaxanaxaqui aso anompi. Ime, nachi jec, nachi maichi icoñidot na lqosot.

Hechos 5:30

Ñim nDios so hua'au qadta'alpi, ñimayi qaltaq nca'alaxateec co'ollaxa so Jesús, som qami' qaualauachi co'ollaxa, nachi qauaxañiiguet so npe'enaxaqui.

Romanos 4:25

som qoÿanguet co'olloxochiyi da nalaataguec souaxat na qadasouaxashitpi, qataq nca'aleeguesop naq'en ñi Dios da nleuaxa, da yaqto' ishit naq'en da qomi' ÿaÿamaxadeete' ñi Dios.

Romanos 9:3

Cha'ayi aÿim mashi sovida'a da ñishitaique da aÿim ÿamaqauec ñi Dios da yaqto' aÿim qaÿoqta naq'en so Cristo, souaxat na ÿaqaÿañicpi mayi maichi ÿalamaxat iuo' l'ecpi, da huo'otaq damayi ishit da naigui ca no'on laÿamqa' namayipi.

2 Corintios 5:21

So Cristo ÿataqta qaica ca lasouaxashit. Qalaxayi souaxat qomi', nachi ñi Dios 'eeta'am naq'en somayi ca 'itaxaloxoic, yaqto' qomi' da mashi ñi'adaqtau'a somayi, nachi saxaigui dam achaalataxac qui'itta mayi ÿaÿamaxadeeta ñi Dios.

Gálatas 3:10

Qaq ÿoqo'oyi nam ÿachito'ot da lpi'iÿaxac nam nqataxacpi mayi chigoqo'ot so Moisés, namayipi huetalec da lta'adaic nhuaxanaguec. Cha'ayi naua ñiyigui'shi n'aqtaqa 'eeta': “'Enauac nam sa ishit da ipaguelec nam 'enapecpi nam 'enauac nanettalec anam nanedaxalate na nqataxacpi, nachi namayipi huetalec da lta'adaic nhuaxanaguec.”

Gálatas 4:5

Qaq 'eda da 'eetec da lvidaxac somayi, yaqto' ishit da qomi' huesodeec naq'en da yaqto' sa ishit da souaqto'ot na nqataxacpi, nachi ñi Dios ishit da qomi' ÿacongueta da ÿataqta qomi' llalqa.

Efesios 5:2

Qataq ÿataqta qami' soxodaiqa, yaqto' qoñiita'am so Cristo da ÿataqta qomi' ÿauoteque, qataq qomi' nañaalguete da qomi' ileualguete, 'eeta'am ca qagueta llalec da qaÿalauat, qataq qaÿavigaxat da qoÿanot ñi Dios. Qaq da alaitaÿaxac ÿataqta ÿaÿamaxadeeta ñimayi.

Tito 2:14

Somayi nañanguet da qomi' ileualguete, cha'ayi nshitaique da qomi' nca'alaxateeguesopa na qan'onatagueguesat, qataq nshitaique da iqui'itaxat da qanachaalataxac da qomi' lalamqa'te, qataq nshitaique da ñoqopitaxa da so'otaq ca no'on.

Hebreos 9:12

Qaq so Cristo mashi inoxoneu'a cam ndaqa' mayi sa qaishitapec, qalaxayi sa ishit da ÿaadeuo caua ltago'q ca quetaq huo'otaq ca huaca llalec, cha'ayi nachinaua naua maichi ltago'q naua ÿaadeuo. Qaq 'eda da 'eetec da somayi 'oonolec da ÿi'iguelaxalec da pa'aigui se'eso ndaqa'. Huaña, nachi ÿauo'o da chochaq tateec qadca'alaxa.

Hebreos 9:15

Qaq ÿoqo'oyi so Jesucristo nachiso som qomi' detaqleguete nagui dam dalaxaic aÿamaxataxac. Qaq de'eda l-leuaxa so Cristo, damayi naigui da yaqto' qaÿapalaxat nam nasouaxashitpi mayi huaigui so hua'auchiguiñi aÿamaxataxac, qataq yaqto' nam iÿaxana ñimayi ishit da ÿaconguet ca ÿachaxanapec mayi chochaq tateec.

Hebreos 9:26

Cha'ayi da huo'otaq nachi 'eetec de'eda, qaq ÿataqta qalotáctaxa da qaÿi'iguelaxalec da qaÿalauat, chigoqchiguiña co'ollaq chita'ague da qai'ot ana 'alhua. Qalaxayi nagui da mashi inoxootrauec naua na'axa'te, nachi so Cristo 'oonolec da nachaxan, nachi sa lÿa da ÿi'iguelaxalec da maichi nañan, da yaqto' nqat 'enauac na nasouaxashitpi.

Hebreos 9:28

qaq nachida da 'eetec nataq'en so Cristo da 'oonolec da qaÿi'iguelaxalec da qoÿaneuo da yaqto' nqat nam qalota nasouaxashitpi. Qaq da ime, nachi qaltaq ÿi'iguelaxalec da nachaxan, qalaxayi sa ishit da anaga da nqat na nasouaxashitpi, chaqdata da somayi anaga da nca'alaxateec nam iuattaique somayi.

1 Pedro 2:24

So Cristo nque'etaxangui 'enauac na qadasouaxashitpi da nachishiguem co'ollaq qaiuaxanguet so npe'enaxaqui, yaqto' qomi' soqolqa'ai da ñi'itaxaloxo, ime, qaq soqolaxague da qui'itta achaalataxac. Na nhuaxanecpi somayi co'ollaq qaiuaxaatalec, nachina na naigui da qami' qanatade'n.

1 Pedro 3:18

Cha'ayi so Cristo nataq'en mashi ime da qomi' ileualguete souaxat na qadasouaxashitpi. Somayi no'on da lataxac, qalaxayi huo'o da nque'ejnaxac, souaxat qomi' mayi qomi' qauemaiqa, da yaqto' qomi' ÿauegueu'alo ñi Dios. Somayi co'ollaxa ileu da yi'oqchigui l'oquiaxac, qalaxayi qaltaq ÿi'iguelaxalec da nca'aleec, qalaxayi saq cha'a.

1 Juan 4:10

Qaq 'eda da huo'o mshi saÿajnaq da lauotaxanaqtaic ñi Dios da ñimayi hua'auñi da qomi' ÿauoteque. Ÿoqo'oyi qomi' namaxalo so llalec, da yaqto' chigoqchigui naq'en somayi da ÿapalaxat na qadasouaxashitpi. Qaq sa ishit da nachiqomi' chigoqchiguilo da sauotaxac ñimayi.

Apocalipsis 1:5

Qataq chigoqo'ot so Jesucristo som ÿataqta ipacchiguilo naua l'aqtaqa ñi Dios, qataq nachiso so l'auaxanec da qanca'alaxateeguesop na leuaxaicpi, qataq nachiso so lataxala' na nta'alpi mayi huetalec ana 'alhua. Qaq somayi ÿataqta qomi' ÿauoteque, qataq iÿouec na qadasouaxashitpi, deÿoxonalo naua ltago'q,

Apocalipsis 13:8

Nachi se'eso shiguiÿac ÿataqta ÿi'oxodeetac 'enauac nam huetalec ana 'alhua, nam sa ishit da nanettau'a aso nanedaxalate nam lca'alaxaicpi co'ollaq chita'ague da qai'ottac ana 'alhua, asom hueto'ot so qagueta llalec mayi qaÿalauat co'ollaxa.

Apocalipsis 5:9

Qaq somayipi i'ootac da dalaxaic n'onec, 'eeta': 'Am ÿataqta 'itchiguiñi da 'auacona ana nede qataq da 'anqa't naua qaiuaxaatalguete n'anaxanaqte; cha'ayi 'am qaÿalauat co'ollaxa, qaq soua 'adtago'q nachi lashiue da qomi' 'aushijnaxanalo, qomi' 'auachigoxottoiguilo na ÿotta'a't shiÿaxauapi mayi ÿotta'a't naua l'aqtaqa, da yaqto' 'enauac qomi' lalamqa'te ñi Dios.